وش مشكلتي

[رحمتك يارب]

السلام عليكم ...
أنا مااعرف من وين أبتدي بس حبيت اني اطرح مشكلتي واتناقش معكم فيها
سامحوني بكتب الكلام على طريقتي انا فتاة عمري 22 سنه بدأت مشكلتي من خمس سنوات تقريبآ حياتي كانت طبيعيه جدآ فجأه تغيرت أبتدت مشكلتي مع الأحلام
بديت أعاني من احلام مزعجه جدآ وكوابيس مخيفه ووجود حيوانات فيها مثل البسه السوداء اللي كانت دايم تلاحقني بأحلامي كنت احاول اقتلها لكن مااقدر احلامي كانت مزعجه من جن الى اماكن خربه كنت اصحى مفزوعه وخايفه الى ان جا يوم من الايام ماتحملت الوضع صحيت وانا مرتاعه كثير طلعت من غرفتي رحت لأمي شهقت من دون احساس وبديت ابكي لاشعوريآ ابتدت امي تقرا علي ايات وتكررها كثير الى ان بديت اهداء ورجعت نمت
رجع الوضع طبيعي نسينا وش صار المشكله ماانتهت كانت بس بدايه
صارت الاحلام مره تزيد برعب ومره تخف
وايام كنت اتذكر لما انام على ظهري واصحى من نومي اشيل حاجه ثقيله من على جسمي احس كأن جسم ثقيل نايم فوقي ولما كنت احاول اقراء بعض السور الآيات كنت احس بحاجه كانت تسري بذراعي مرت ايام وانا على هالحاله بعدها بديت احس ببروده بأطراف جسمي ايديني ورجليني وماكنت اعرف السبب برد سواء كنا بصيف والا بشتاء
كنت احس اطرافي بارده وكنت اشتكي من البرد فيها ابتديت اعاني الامساك الشديد
تخيلوا امساك في بطني لمدة اسبوع كامل عيوني صارت تنتفخ لما اطلع من البيت اللي
يشوفني يقولي انتي مريضه اوفيك النوم صرت انسانه انطوائيه خجوله جدآ اكره التجمعات اخاف بشكل موطبيعي عندي شرود حتى بصلاتي مااحب انام بالظلام
المهم مرت فتره وانا الاحلام مره ارتاح منها ومرات ترجع على خفيف لكن برودة اطرافي الى اليوم مرت ايام وانا على هالحال التقيت بوحده تكلمت معها عن مشكلتي انصحتني اقراء سورة البقره وانصحتني بالرقيه لكن مع كل هذا انا مقتنعه ان مافيني شي احس ان الوضع طبيعي وعادي ممكن يصير لأي شخص كنت اقراها لكن مااكملها بقت هي معي تحاول فيني كنت لما اكلمها تحاول ترقيني كنت ارفض بالبدايه بس بعدها قلت خليني اسمع لها وش خسرانه بديت اسمع لها وانا اسمع لها بديت احس بصداع وحراره بجسمي البرد اللي كان برجليني تحول لرطوبه وابتديت اقراء سورة البقره والاذكار كنت احس بتعب صح لكن حاولت كنت بعد القرايه يصيبني اسهال الله يكرمكم بس بعدها بقيت 3 ايام احاول اكل مااقدر احس معدتي مقبوضه انا جيعانه لكن موقادره اكل بقيت اكل اشياء خفيفه تصبرني وبعدها انفتحت شهيتي للأكل بجنون صرت ابي اكل
مع اني كنت قليلة اكل مره مااحب اكل بعد فتره جا وقت دورتي الشهريه جاتني الدوره ليتها ماجات يومها حسيت ولأول مره احس بألم شديد مره مع الدوره تعبت بشكل غير طبيعي مع انها ماتجيني بألم كانت تجيني الم خفيف مره واوقات بدون الم وتروح لكن هالمره كانت غير كنت احس بألم وحراره في بطني وكنت استفرغ بس وش استفرغ انا معدتي فاضيه مافيها لااكل ولاشي استفرغ ولاشي ابي استفرغ في شي بيطلع لكن من دون فايده تعبت ورجعت راسي لوراء علشان يخف الالم لأني ماكنت قادره استفرغ يومها بعدها صرت اهمل قرايتي واذكاري بسبب التعب الى ان تركتها حاولت ارجع لكني ارجع واقطع مااستمر بعد فتره دخلت هالموقع حملت منه رقيه وجلست اسمعها سمعتها عادي ماحسيت بشي لكن بعد ماقفلت ابتدا الصداع والحراره في بطني وجنبي وبقيت الله يكرمكم من الحمام الى غرفتي احس بألم وبعدها نمت وبعد ماصحيت كنت احس بألم في جنبي كأن احد ضاربني فيه الصداع ماراح لكن بعدها بيوم بدا يفك من راسي شوي وبس هذي القصه ومافيها وبعدين سامحوني لوفي اغلاط بكتاباتي لأني كنت اكتب بسرعه ومستعجله

[طالبة الشفاء22]

الله يشفيك ويعافيك اعرضي نفسك على راقي واستمري بالرقية الشرعية والاذكار هذا الشيطان مايبغاك تستمرين على الذكر ...........وتفائلي بالخير.............وادعيلي بان الله يفرجها علي ويعفافيني......

[رحمتك يارب]

تسلمين على الرد مااقدر علشان كذا كتبت هنا علشان اعرف مشكلتي بالظبط واعرف حلها

[عفاف الروح]

عفاك الله و خفظك
داومي على الرقية و الله المستعان هو الشافي و هو الكافي