قصتى مع الصدفية الى ما قبل استعمال القطران - ملتقى الشفاء الإسلامي
القرآن الكريم بأجمل الأصوات mp3 جديد الدروس والخطب والمحاضرات الاسلامية الأناشيد الاسلامية اناشيد جهادية دينية اناشيد طيور الجنة أطفال أفراح أعراس منوعات انشادية شبكة الشفاء الاسلامية
الرقية الشرعية والاذكار المكتبة الصوتية

مقالات طبية وعلمية

شروط التسجيل 
قناة الشفاء للرقية الشرعية عبر يوتيوب

اخر عشرة مواضيع :         قراءة في مقال حقائق مذهلة عن الكون المدرك (اخر مشاركة : رضا البطاوى - عددالردود : 0 - عددالزوار : 10 )           »          حدث في مثل هذا اليوم ميلادي ... (اخر مشاركة : أبــو أحمد - عددالردود : 4387 - عددالزوار : 836914 )           »          إشــــــــــــراقة وإضــــــــــــاءة (متجدد باذن الله ) (اخر مشاركة : أبــو أحمد - عددالردود : 3919 - عددالزوار : 379431 )           »          متابعة للاحداث فى فلسطين المحتلة ..... تابعونا (اخر مشاركة : ابوالوليد المسلم - عددالردود : 11942 - عددالزوار : 191288 )           »          سحور يوم 19 رمضان.. ساندوتشات فول مخبوزة خفيفة ولذيذة (اخر مشاركة : ابوالوليد المسلم - عددالردود : 0 - عددالزوار : 33 )           »          واتس اب بلس الذهبي (اخر مشاركة : whatsapp Girl - عددالردود : 2 - عددالزوار : 2668 )           »          الأمثال في القرآن ...فى ايام وليالى رمضان (اخر مشاركة : ابوالوليد المسلم - عددالردود : 18 - عددالزوار : 662 )           »          فقه الصيام - من كتاب المغنى-لابن قدامة المقدسى يوميا فى رمضان (اخر مشاركة : ابوالوليد المسلم - عددالردود : 18 - عددالزوار : 948 )           »          دروس شَهْر رَمضان (ثلاثون درسا)---- تابعونا (اخر مشاركة : ابوالوليد المسلم - عددالردود : 18 - عددالزوار : 1103 )           »          أسرتي الرمضانية .. كيف أرعاها ؟.....تابعونا (اخر مشاركة : ابوالوليد المسلم - عددالردود : 18 - عددالزوار : 855 )           »         

العودة   ملتقى الشفاء الإسلامي > القسم الطبي و آخر الإكتشافات العلمية و الطبية > علاج مرض الصدفية والامراض الجلدية

علاج مرض الصدفية والامراض الجلدية ملتقى يختص بعلاج الامراض الجلدية ومرض الصدفية المزمن وآخر ما توصل اليه العلم حول هذا لمرض

إضافة رد
 
أدوات الموضوع انواع عرض الموضوع
  #1  
قديم 29-07-2014, 10:31 PM
Ashraf Refaat Ashraf Refaat غير متصل
عضو جديد
 
تاريخ التسجيل: May 2014
مكان الإقامة: Cairo
الجنس :
المشاركات: 4
الدولة : Egypt
افتراضي قصتى مع الصدفية الى ما قبل استعمال القطران

بسم اللة الرحمن الرحيم
""وَأَيُّوبَ إِذْ نَادَي رَبَّهُ أَنّيِ مَسَّنِيَ اْلضُّرُّ وَأَنتَ أَرْحَمُ الرَّاحِمِينَ"
تبدأ قصتى مع الصدفية فى اوائل عام 2006 كان عمرى وقتها 23 سنه ونصف مجرد حكة فى فروه الراس ثم ازدادت بمرور الايام وزادت معها القشرة مع العلم ان لم اعانى طيلة حياتى من اى اعراض للقشرة فى شعرى .
ذهبت لدكتور جلدية... ما اتذكرة من العلاج انة كان مس "ديبروساليك" عبارة عن قطارة توضع وتدلك لفروه الراس + شامبو بولى تار وكان احساسها انها تكوى الالم لكن التأثير كان ضعيف تذهب الحكة لدقائق ثم تعود .
طيلة شهرين تقريبا ازدادت القشرة والحكة بشدة فلم يكن من الدكتور "سامحة الله " بعد ان فشل فى تشخصيى إلا ان اعطانى حقنة كورتيزن " عشان يخلص من شكواى المتكررة .
بالفعل الحقنة ريحتنى جدا ولم يكن هناك شى من الحكة او القشرة ولكن فقط لمدة اسبوع بعدها عاد كل شى كما هو وألعن – لكن لم ارجع للدكتور دة تانى لأنها مضرة جدا للاستخدام المتكرر .
ابتدى الموضوع فى الزيادة وابتديت احس بالحكة فى مناطق مختلفة فى جسمى ولكن ليست فظيعة مع استمرا الحكة والقشر بشعرى
وبدأت رحلة الدكاترة
1- مرحلة المراهم
ذهبت لدكتورة مشهورة فى رمسيس "زينب الخزيمى" جربت معاىا الديبروساليك برضة مع مراهم مضاد حيوى افتكر كان منها "فيوسيدين " ومعملش حاجة
كنت وصلت لمرحلة مهمة وهى اراء الاخرين "جرب المرهم دة – روح للدكتور دة
وابتدأت حكايتى مع مرهم ديرموفيت السحرى
جربتة على منتصف 2007 بنصيحة من واحد جربه... الحقيقة كان فوق الممتاز بحطة بشعرى وصدرى اللى ابتدأت الحكة تنتشر فيه
كنت اضعة على الاماكن اللى اشعر بحكة فيها وكان يعالجها وتنتهى الحكة وكانت مرة واحدة بس تقريبا فى الاسبوع ثم اشعر بالحكة مرة اخرة فى نفس الاماكن فأضع ثانيا
قعدت فى الموال دة اكتر من سنتين اضع الديرموفيت مع على فروه الراس مع شامبوهات (هيد ان شولدز- سلسن بلو –بولى تار) كانت القشرة يوم واحد وترجع تانى
مستشفى الحوض المرصود
ثم مرحلة بعد ما ابدتت الصدفية تدخل على كتفى وكوعى ادوية الحوض المرصود
ادوية غريبة مشيت عليها لمدة شهر محلول احمر شبة الكركدية لفروة شعرى ولا بيعمل اى حاجة كانى بغسلها بمياه
وشوية مراهم فى علب اسطوانية قد صباع الايد ولا بتعمل اى احاجة
طبعا مرحتلهمش تانى
وكل اما اسمع عن دكتور جلدية كويس ارحلة
منتصف 2009 رحت لدكتور فى (شبين الكوم – المنوفية )بيقولوا علية كويس بعد ما الصدفية ابتديت تدخل على الاقدام "اماكن متفرقة من اخمص القدم حتى الفخذ"
رحتلو و 3 مرات وكل مرة بنتظر اكتر من 4 ساعات وفى الاخر رسيت على كورس كامل بمرهم الديرموفيت
مش هقولكوا عن الحالة النفسية الصعبة الللى بمر بيها والاحساس القاتل انك عايز تقطع فروة شعرك وجسمك من الحكة قدام الناس
كان نفسيتى من سئ لاسواء مع التبديل على مختلف الدكاترة
منهم دكتور رحتلة اول مكشف علية قاللى "اللى عندك دى صدفية ودى ملهاش علاج " بكل برود قالهالى وكتبلى شوية مراهم واعدى علية كمان شهر
طبعا انا خرجت من عندة ورميت الروشتة ومرجعتلوش تانى
2 مرحلة الاقراص
2010
برضة سمعت عن دكتور كويس قوى والناس بتشكر فية اسمة "كمال شاروبيم" فى مستشفى السلام بالمهندسين ش سوريا وبصراحة كان دكتور كويس و لطيف
ابتدا معايا باقراص " الميثتوركسيد " مع الفوليك اسيد يستخدم حبيتين كل 12 ساعة 3 مرات فى الاسبوع
يعنى مثلا الخميس 12 ليلا ثم الجمعة 12 ظهرا ثم الجمعة 12 ليلا فقط ثم بعد شهر اعمل تحاليل على الكبد لأنها بتأثر عليها
.... وكانت الاقراص كالسحر
فى ظرف شهر كل البقع الحمراء والقشور فى الشعر والحساسية والحكة اختفت تماما ... حتى القشرة اختفت من شعرى من غير اى دهان او شامبو
قعدت على الموضوع دة اكتر من سنة والدنيا جميلة جدا وخصوصا ان التحاليل اللى كنت بعملها كانت فى المتوسط مفيش خطر
لكن بعدها حسيت ان بعد ما احخد ال الميثتوركسيد بشعر بدوخة وغثيان وقئ
رحت للدكتور ادانى دواء مانع للقئ بس مجبش نتيجة و العميلة زادت لدرجة انى بعد ما خد الميثتوركسيد وانام اقوم من النوم جرى على الحمام عشان اتقيئ
قررت ان اوقفة خالص بس الصدفية مفيش اقل من شهر ترجع وابتدأت تنهش تانى فى جسمى
مكنتش قادر ارجع ل الميثتوركسيد كنت بصبر نفسى لأدوية الزيرتك شراب او حبوب – كتافست – اى حاجة المهم مرجعش للميثتوركسيد
العملية بقت العن الصدفية فى كل جسمى دوائر كبيرة منتشرة على الساق من الخلف والامام –على الكوعين – على الصدر والظهر بقت بتنتشر وتحتل اماكن جديدة بجسمى
الحالة النفسية بقت مدمرة بقيت بتيجى ايام مش عارف انام من كتر الحكة و الالم يعنى شغل وتعب طول اليوم و ترجع البيت مفيش راحة فى النوم
شتاء 2012
استمرارا لعملية الدكتور دة حلو قوى دنا بن خال عم حرم جوز المدام كان عندة فسفوسة فى صباعة والدكتور عالجها بسرعة .... رحت للدكتورة "اغارايد الجمال " بعد ما سمعت عنها كلام خيالى انها الوحيدة اللى يتعالج الصدفية باسلوب جديد واستبشرت خير
قالتى عندك صدفية "قال يعنى انا مش عارف " وكتبتلى على تركيبات مراهم هى مخترعاها "حاجات بالصبار ودهانات رحيتها غريبة + ومراهم اللوريد وزيوت للشعر عشان القشرة
المراهم دى كانت بلتزق فى الجسم وتبوظ الهدوم وطبعا كنت عامل لبس معين استغنيت عنة عشان المراهم دى ...المهم مشيت على المراهم دى لمدة شهرين بدون اى تقدم يذكر ولا حتى فى شكل الصدفية على الجلد "هى هى بقشرها " مفيش تغيير
طبعا المراهم دى من صيدلة جنب العيادة هى بس اللى بتعلمها
بعد شهرين قررت انى مش هقدر استمر لانى بدفعلىى اكتر من 1000 جنية على تركبيات ملهاش تاثير كل شهر ... "مقدرش اقول انها دكتورة نصابة " مش عايز ارمى الناس بالباطل جايز هى شاطرة فى علاجها على اى مرض جلدى غير الصدفية او يمكن التركيبات دى تنفع على اللى لسة جداد على الصدفية
صيف 2012
رحت لدكتور تانى اسمة "مصطفى ابو العلا " عيادتة فى العجوزة استغرب قوى ان الميثتوركسيد بيعمل الاغراض دى القئ و الدوخة وكان بيضغط علية عايزنى ارجعلة تانى بس انا مقدرتش الاقراص دى وصلت معايا ان لما كنت اشوفها او اشم ريحتها احس ان عايز اتقيئ فى الحال
ابتدى معايا بدوا اسمة ريمكتان على ما اتذكر تقريبا مضاد حيوى لمدة شهر
ولا الهوا ...معملش معايا ا ى حاجة والحالة فى جسمى بتتدهور اكثر فاكتر
جرب معايا الميثتوركسيد حقن ,,,برضة رجعتلى الاعراض لحد ما شعرت انة معندوش جديد فتركتة
فى هذة الفترة علمت شئ المنى بشدة هو ان ابى الغالى ذوال 68 عام من عمرة ظهرت علية بدايات مرض الصدفية ويعانى منها ولم تظهر علية قبلها طيلة حياتة
لك ان تتخيل رجل فى مثل هذا العمر يعانى من هذا المرض بخلاف امراض كبر السن الاخرى (الضغط- التهاب المفاصل- مرتين جلطة فى القدم )
ولك ان تتخيل شعورى بالرعب عندما يصاب ابنى الحبيب ذو ال4 سنين باى مرض جلدى اطفالى بسيط يتاخر علاجة اكثر من يومين فاتخيل انها بدايات صدفية فتسود الدنيا بعينى واسجد للة شكرا بعد ان يتعافى فانا لا استطيع مجرد التخيل ان بكبر ابنى بهذا المرض
اصبحت نفسيتى فى الحضيض وزادت الصدفية عندى اكثر
يونيو 2013
رحت لدكتور تانى فى وسط البلد اسمة |"جلال عنانى " والصراحة دكتور اكتر من رائع راجل كبير يسمع شكوتك للاخر ويقعد يتكلم معاك فى الابحاث اللى بتتعمل على الصدفية صبور جدا غير اى دكتور رحتلة قبل كدة
ابتدا معايا بدوا جديد اسمة "نيو رال –ساندميوم " كان عبارة عن اقراص كل 12 ساعة... وكل شهر اعمل تحاليل على الكبد و نسبة امتصتاص الدواء فى الدم – وقياس ضغط الدم
وعشان وزنى اللى كان معدى ال 110 كيلو كانت باخد اقراص ال 100 جرام قرصين كل 12 ساعة
الصراحة بعد اول شهر حياتى اتغيرت والصدفية معدش ليهلا اثر وكانها لم تكن من قبل...
بس المشكلة ان العلاج دة غالى قوى العلبة فيها 50 قرص ب 680 جنية وانا كنت محتاج 4 اقراص فى اليوم
يعنى علبتين فى الشهر
يعنى الواحد عشان يمشى على العلاج لازم شهريا يدفعلة 1700 ج ادوية وتحاليل
وطبعا الموضوع كان صعب للغاية ان استمر على كدة لانى متزوج وعندى ابن 4 سنين وداخل على مدارس
مشيت على الموضوع فى الاول علبة واحدة و اوقف ... فالصدقية تروح واقعد اسبوع او 10 ايام لحد ما تبتدى ترجع تانى اقوم شارى علبة تانية اخدة مدة اسبوعين او كتر لحد ما يبان تاثير
وهكذا... انا عارف انة غلط بس اعمل اية الميزانية خربت قوى وكنت بستلف احيانا
قعدت فى الموضوع دة لحد اول السنة دى قررت اوقف خالص... الفلوس مش مكفية والالتزامات بتزيد قررت اوقف خالص مفيش اسبوع وابتدت تنهش فى تانى فقررت ارجع للديرموفيت
هو بيرقق الجلد قوى بس تاثيرة كويس مع العودة النيو رال بتخفيض الجرعة لقرص كل 12 ساعة
كانت ماشية (الاقراص مع الدرموفيت على مناطق صغيرة جدا وخصوصا على جبهة راسى كانت مملوءة بالحبوب – حبوب الزيرتك )
يناير وفبراير كان الدنيا ماشية كويس بس من شهر مارس العملية كانت غير مجدية
اكتشفت ان الصدفية زى الادمان
بتاخد اقراص او مرهم جديد يديك نتائج هايلة وسريعة بس لما توقفه وترجعلة تانى الجسم يكون اتعود علية وفهمة,,, فتحتاج مدة اطول من الجرعات عقبال ما الجسم يرتاح علية تانى
لحد من كام شهر ما قريت على موضوع القطران
للحيث بقية
رد مع اقتباس
  #2  
قديم 30-07-2014, 12:40 AM
التميمي التميمي التميمي التميمي غير متصل
عضو نشيط
 
تاريخ التسجيل: Jul 2014
مكان الإقامة: iraq
الجنس :
المشاركات: 114
افتراضي رد: قصتى مع الصدفية الى ما قبل استعمال القطران

نتابع ...

وندعو لك بالشفاء والعافية ..
رد مع اقتباس
  #3  
قديم 30-07-2014, 01:25 AM
صلاح قادر صلاح قادر غير متصل
عضو نشيط
 
تاريخ التسجيل: Jun 2014
مكان الإقامة: K.s.a القصيم / بريده
الجنس :
المشاركات: 123
افتراضي رد: قصتى مع الصدفية الى ما قبل استعمال القطران

الغالي أشرف رفعت
السلام عليكم ورحمة الله وبركاته
كل عام وانت بخير وصحة وسلامة
اولا : اللهم اشف حبيبنا أشرف وابنه ووالده
اقول الحمدلله ان هداك الله ودلك على القطران
وبانتظار تكملة رحلتك المؤلمة مع الصدفية
فكلي شوق لسماع الجزء المهم
رد مع اقتباس
  #4  
قديم 30-07-2014, 09:55 PM
reem50 reem50 غير متصل
مشرفة ملتقى علاج الصدفية
 
تاريخ التسجيل: Feb 2008
مكان الإقامة: وادي الرافدين
الجنس :
المشاركات: 9,887
افتراضي رد: قصتى مع الصدفية الى ما قبل استعمال القطران

اهلا اشرف قصتك مولمه ويارب في الجزء الثاني تفرحنا شويه والله نحن العراقيين محتاجين ولو ومضة فرح فلاتبخل بها عليا ويارب اتكون تشافيت وتفرحني بعد رحلتك الطويله مع الصدفيه
__________________
كتاب الصدفيه وعلاجها بالقطران
https://issuu.com/faezaaljaff/docs/
رد مع اقتباس
  #5  
قديم 31-07-2014, 12:40 PM
صلاح قادر صلاح قادر غير متصل
عضو نشيط
 
تاريخ التسجيل: Jun 2014
مكان الإقامة: K.s.a القصيم / بريده
الجنس :
المشاركات: 123
افتراضي رد: قصتى مع الصدفية الى ما قبل استعمال القطران

حبيبنا أشرف
لا زلنا بانتظار الجزء الثاني ( المشرق ) بحول الله
فلا تبخل به علينا
رد مع اقتباس
  #6  
قديم 01-08-2014, 05:00 PM
Ashraf Refaat Ashraf Refaat غير متصل
عضو جديد
 
تاريخ التسجيل: May 2014
مكان الإقامة: Cairo
الجنس :
المشاركات: 4
الدولة : Egypt
افتراضي رد: قصتى مع الصدفية الى ما قبل استعمال القطران

اعزائى
انا لسة مجرب الدواء من ليلة العيد يعنى من اقل من اسبوع وان شاء اللة هحاول اكتب تقرير يومى عن الحالة
رد مع اقتباس
  #7  
قديم 07-08-2014, 01:47 AM
Ashraf Refaat Ashraf Refaat غير متصل
عضو جديد
 
تاريخ التسجيل: May 2014
مكان الإقامة: Cairo
الجنس :
المشاركات: 4
الدولة : Egypt
افتراضي رد: قصتى مع الصدفية الى ما قبل استعمال القطران

من فترة الى اخرى عندما يشتد على المرض وتزيد الحكة والقشور وتصبح حالتى النفسية فى الحضيض ادخل على الانترنت واشاهد من ابتلاة مثلى بالمرض واراهم وهم اشد منى مرضى واشاهد الصدفية تغزوهم بكل قسوة فانسى ما بى وادعوا لهم فان بلاءهم اكبر واشكر ربى على ما بى واصبر
الى ان وجدت من عدة شهور بالصدفة كتاب الاخ قيس العبيدى وقراتة واقتنعت جدا بالعلاج
وانا الان استخدم منذاكثر من اسبوع القطران المخلوط بالفازلين وهذة بعض الملاحظات


بدء العلاج
بسم الله الرحمن الرحيم
خطوات قبل البدء
- تم شراء قفازات طبية من الصيدلية وهى رخيصة الواحد ب 50 قرش لتجنب اسمرار اليد من الدهان بالفزلين
- تم تحضير الملابس الخاصة بالدهان
- تم شراء رول بلاستيك لتغليف الاطعمة فى حالة تغطية الدهان
- عيدان القطن الخاصة بالاذن + قطارة فى حالة وضع المحلول
-
البدء ليلا يوم الاثنين 28-7-2014- ليلة عيد الفطر
- فكرت ان ابدا بهذا اليوم ثم اذهب لصلاة العيد وانتفع باشعة الشمس عند بدايتها حتى يتعود جسدى ولا اشعر بالحرقة
- تم الدهان بالقطران مع الفازلين اول يوم لمدة ساعة كبداية ثم الاستحمام
- الشعور بحرقة متوسطة فى بداية وضع القطران ثم انخفضت بعد ذلك
- كنت قد نويت ان ابدا بالاقدام فقط فى الدهان لاتجنب الحرقة لو دهنت جسمى بالكامل ...ولكن شعرت بان الحرقة ليست شديدة فتشجعت ودهنت كل الاجزاء المصابة بجسدى والحمد للة لم تكن الحرقة شديدةو لا استطيع ان اقول انها ضعيفة
- سبب عدم حدوث حرقة شديدة فى البداية قد يكون ذلك لانى ممتنع عن الادوية التى اعتدت على استخدامها وحتى مرهم الديرموفيت كنت اضعة مرة واحدة اسبوعيا
- لم اضع فزلين بعد الاستحمام لانى لم اشعر بحرقة
-
اليوم الثانى لمدة ساعة
بعد دهان اليوم التالى اختفت القشرة البيضاء بنسبة 75 % من جسدى
تم تجربة دهان الجبهة بالقطران مع الفازلين –شعور بحرقة شديدة لمدة 5 دقائق ثم تلاشت
شعور بالحرقة فى بعض الاماكن خاصة الكوعين قتم دهانها بالفزلين النقى
اليوم الثالت
بعد دهان اليوم الثالت لمدة ساعة اختفت القشرة البيضاء بنسبة 95 % من جسدى
تم مزج 200 م شامبو مع 100 م قطران بالكحول وغسل الشعر لمدة 15 دقيقة
اليوم الرابع
عدت من الخارج ليلا متعبا فنمت من غير ان اضع شئ
اليوم الخامس
ردود صغيرة حيث رجعت القشرة البيضاء و لكن (ليست سميكة مجرد تغطية على بعض المناطق وخصوصا اكثر المناطق اصابة وهى الاقدام والكوعين
تم الدهان ليلا لمدة ساعة ونصف والاستحمام و وضع الفزلين
اليوم السادس
دهان بالمحلول على كل اجساد الجسم
رد مع اقتباس
  #8  
قديم 07-08-2014, 02:28 AM
ألم وأمل 1 ألم وأمل 1 غير متصل
عضو مشارك
 
تاريخ التسجيل: May 2012
مكان الإقامة: المملكه العربيه السعوديه
الجنس :
المشاركات: 61
الدولة : Saudi Arabia
افتراضي رد: قصتى مع الصدفية الى ما قبل استعمال القطران

أهلاً وسهلاً يا اخي اشرف

الحمدلله النتائج طيبة ومبشرة

الله يشفيك وجميع المرضى

وان شاءالله تفرحنا بالشفاء الكامل



وبعدين يا اخي كلنا نتأثر عندما تزداد علينا الصدفية

بالنسبة لي انا وصلت الصدفية حتى في وجهي

وانت عارف ان الوجه اكثر منطقة بالجسم تتعب الشخص عندما يصاب بها

وما ابي اقولك كيف الاسئلة الي تجيني من الناس عن (ماهذا الي بوجهك)

لكن الحمدلله

لازم ندرك ان كل شي لنا مكتوب في الحياة

وصدقني مابعد العسر الا الفرج واليسر



وبإنتظار تقاريرك المتبقية ياغالي عن حالتك
رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الاحد 20 من مارس 2011 , الساعة الان 01:21:21 صباحاً.

 

Powered by vBulletin V3.8.5. Copyright © 2005 - 2013, By Ali Madkour

[حجم الصفحة الأصلي: 97.38 كيلو بايت... الحجم بعد الضغط 92.38 كيلو بايت... تم توفير 4.99 كيلو بايت...بمعدل (5.13%)]