|
علاج مرض الصدفية والامراض الجلدية ملتقى يختص بعلاج الامراض الجلدية ومرض الصدفية المزمن وآخر ما توصل اليه العلم حول هذا لمرض |
|
أدوات الموضوع | انواع عرض الموضوع |
#1
|
||||
|
||||
وبعديين معاج يا صدفيه كرهتيني بحياتي
السلام عليكم ورحمه الله وبركاته :: اخباركم عساكم بااحسن حال اه اه اه اه اه ياقلبي وجسمي ايام اتحمس لموضوع صدفيه والعلاج بالقطران وغيره من زيوت بس لحظه تروح العزيمه والاراده احس بالهم يذبحني وعبره فيني لانه محد يساعدني حتى بالبيت مب مهتمين اووف وربي ودي بشخص معاي جنبي يساعدني ويوقف معااي نفسيا صدفيتي الى بجسمي هي بقع صغيره اعالجها بخلطه الدهيميه عباره عن فازلين وبابونج وبذورالكتان. كانت قشريه احين صارت لونها وردي مايل للبياض وملمسها صار نفس ملمس جسمي احسها تشافت خفيف بس للحين اثارها بجسمي وترجع قشريه اذا ماعالجتها في امل يروح لون الوردي اما عن ركبتي اعلجها بالخلطه خشنه وماتصير ناعمه ابدا ترجع صدفيه ولونها ابيض وقشور واحيانا تحكني تعبت معها بس احسها انزلت من ركبتي سئلت مطوع قال اذا المرض ينتقل من مكان لمكان فهاذي عين ؟؟؟؟؟؟؟؟ اما الى بشعري استخدم زيوت عباره عن بذور الكتان وبابونج و سمسم واغسل شعري يطلع روعه بعدين يجف شعري وتطلع القشرره من جلدته راس وربي تعكر مزاجي وفيني صدفيه و راى اذني احاول اشلها بيدي لانه القشره متلازقه مع جلدت راسي يطلع دم ويعورني حتى وراى راسي تحت شعري يعورني بشكل مب طبيعي احط زيت او خلطه دهيميه يخف حتى شعري مع اني احط زيوت تقويه لشعري صار زين وطول بس يتساقط مدري بسبب صدفيه لاانه فروه راسي تعبانه فيه زيوت لتساقط الشعر ؟؟ يوم كنت بالاابتدائيه فيني صدفيه بس في ابطى تحت يدي وكنت اتعب منها وامي اتعالجها لى وراحت وكانت عندنا حفله بالمدرسه حفله تخرج صف سادس وكنت ماشاء الله حلوه وشعري طويل واسود حتى الكل ينادوني بزينب العسكري نفس شعرها بس انا احلى الموهم من بعدها اخترب شعري وصدفيه وضعف مدري عين ودي انام واصحى وصدفيه القاها مختفيه وربي بصوم شهرين تعرفون صدفيه بالبنت قمه الاحراج والله يعنى لو عندي مناسبه عيد او عرس او حفله اى شى لزم اعالج شعري بدرري قبل المناسبه باسبوعين يالله يختفي واذا شعرها فيها قشره تتطيح بالعبايه او الفستان قمه الاحراج اما بخصوص الزواج نادرا ماتحصل البنت واحد يرضى عليها ويوافق على صدفيتها لانه بعضهم يجرح ويترك حتى لو البنت كامله والكامل الله بس فيها صدفيه يتركها والله ظلم الله يوفق شباب وبنات الصدفيه ويسعدهم ياااااارب ونسمع خبر زواجهم وشفائهم واحد تلوو الاخررر في ناس يلقون انه الصدفيه اهون من السكر والضغط ووو الامراض العاديه بس ماحسو بالمصدف شيحس من الم وتعب جسمي ونفسي على الاقل سكر وضغط له اعلاج اما الصدفيه تعب في تعببب ملاحظه: انا مب انسانه مغروره ولاشى لانه قلت حلوه وو بس مثل ماتعرفون العين مذكوره بالقران وانصحكم تحصنوو بالقران باى مناسبه وانتو بكامل كشختكم حتى لو كنتم عاديين وبطبيعتكم اسمحوا لى حبيت افضفض لاني مقهوووره توني صغيره وصدفيه جننتني وكرهتني بكل شى واخيرا الحمد الله على كل حال اختكم:: اميره الاحزان في مملكتها الحزينه
__________________
استغفر الله العظيم واتوب اليه .. |
#2
|
|||
|
|||
رد: وبعديين معاج يا صدفيه كرهتيني بحياتي
احيانا تقف الكلمات عاجزه عن التعبير وانا الان لااعرف مااكتب لكي
تراسلنا كثيرا وكان عندي امل ان يساعدك احد من العائله وباية طريقه لتحصلي على العلاج لكن ماباليد حيله الظاهر حتى عوائل بعض المصدفين غير متعاونين معاهم اخوتي هل من احد يستطيع مساعدة اختكم كي تحصل على القطران وتنتهي مشكلتها انها جمله صغيره لكن تنفيذها كم هو صعب ... لماذا كل شيء مصعبينه علينا في الحياة بالرغم من اننا نملك بل نطفوا على ابار من النفط من المال الذي منحنا اياها الله .. وكم نردد لماذا لماذا ولامن مجيب |
#3
|
||||
|
||||
رد: وبعديين معاج يا صدفيه كرهتيني بحياتي
حياك أختنا الله رب العالمين هو الأول والآخر لا تنتظرين رفع همم من المقربين التغيير من النفس ينبع من الداخل كما ورد بإحدى الآيات القرانية وترى الزواجات كلها إن لم يكن إثنين استثناء منكرات وتعري وحش وغيبة ونميمة وتشخيط حريم ما من فود أبد ((قمة الطفش والصرقعة)) معتزلة الغالب ولله الحمد راحة نفسية من غثيان الغيرة والحسد وتستفيدين من تجارب الخوات والإخوان إن شاء الله وترى الحياة ماوقفت على زوج الله يصلح فالتس كم بنعيش 20 سنة 30 أو خمسين بعدين لوين إلى الحفرة الله يجيرنا بس والسنوات ليست إلا ثواني عند رب العالمين فالمحروم بالدنيا يأخذ قبل المنعم بالدنيا ويطلب حتى يرضى والسلام عليك يا أميرة التفاؤل
__________________
،، اللهم ابن لي عندكــ بيتًا فالجنة لا يزول وعوضني خيرًا ممافقدتــ اللهم إني صابرة كما أمرتني فبشرني كما وعدتني قد أغيب يومًا ،، للأبد فلا تنسوني من دعواتكم
|
#4
|
|||
|
|||
رد: وبعديين معاج يا صدفيه كرهتيني بحياتي
فعلا الالم النفسى اصعب بكتير من اى الم بس الواحد يرجع يقول احنا احسن من ناس كتير الحمدلله وربنا يشفيكى عاجل غير اجل ويرزقك بالزوج الصالح ان شاءالله
|
#5
|
||||
|
||||
رد: وبعديين معاج يا صدفيه كرهتيني بحياتي
اقتباس:
الحمد الله الخير وايد ومب قاصرني شى بس العلاج صعب تلقينه وان شاء الله احصل القطران
__________________
استغفر الله العظيم واتوب اليه .. |
#6
|
||||
|
||||
رد: وبعديين معاج يا صدفيه كرهتيني بحياتي
اقتباس:
الزواج حلم كل فتاه بس انا كل اهتمامي على اني اتعالج وارتاح ونورتي يالغلا
__________________
استغفر الله العظيم واتوب اليه .. |
#7
|
||||
|
||||
رد: وبعديين معاج يا صدفيه كرهتيني بحياتي
اقتباس:
نوررتي يالغلا
__________________
استغفر الله العظيم واتوب اليه .. |
#8
|
|||
|
|||
رد: وبعديين معاج يا صدفيه كرهتيني بحياتي
الله يشفيك , والله حاسين فيك والصدفيه هذي معاناه مب سهله قويه , لاكن الصبر والاحتساب والاحساس بالاجر العظيم من عند الله اما المساعده ابشري بالسعد وانا اخوتس لابغيتي اشتري لك القطران وارسله مع لموزين او اي وسيلة توصيل انا بالخدمه وماتشوفين الا الخير |
#9
|
|||
|
|||
رد: وبعديين معاج يا صدفيه كرهتيني بحياتي
اميرة الاحزان هلا وغلا يمكن رسالتي عل الخاص ما وصلتك؟؟؟؟؟؟
|
#10
|
|||
|
|||
رد: وبعديين معاج يا صدفيه كرهتيني بحياتي
الاخت اميره الاحزان
حبيت اشارك بس كا نصيحه. سوى الي كان فيج عين. او سو تغذيه او اببتلا من الله. اول واخير عليج الصبر والاحتساب. والله بيفرجها. وانصحج بشريط لخالد الجبير لو ما خاب ظني اسمه اسباب منسيه برتاحين لو سمعتيه ثاني شيء. والاهم الي ابا اقوله حقج لا ادخلين عمرج انتي في متاهه انتي في غنى عنها ما اختلفنا العين حق ويمكن الي فيج عين. ما اختلفنا. انتي. لا توسوسين وتيلسين تقولينانا الي فيني عين والي فيني عين عليج با الرقيه الشرعيه. بنية العلاج. انه الله يشفيج. واستخدمي اي علاج متاح عندج من تجارب الاخوه هنا. اهم شيء شلي فكرة العين. واعتبريه اي شيء. وابدي با الرقيه. ونفس ما قلت بنية العلاج. ومع اي علاج اخر. تشوفينه ينفعج. وانشاء الله تجتمه الرقيه والعلاج في دفع هذا المرض منج. لانه لو دخلتي في موضوع العين. وتعمقتي وفكرتي وايد بتتعبين وفي النهايه بدون فايده واذا كنتي ناويه تروحين عند مطوع معنه الي اعرفه افضل انك ترقي نفسك بنفسك. أسالي عدل قبل ماتروحين مب كل مره عند واحد اسالي عن شخص وثقه. والناس يذكرونه بكل خير واشوف افضل انه. يعلاج با الرقيه بدون مقابل. اقله تطمنين انه مب. راعي مصلحه او من بعض الناس الي يرقى من أجل الفلوس. لانه الي يرقى وما تكون نية لله وحده ممفعول رقيته يكون ضعيف بعكس الي مخلض النيه لله. والسبب انج ما تروحين عند اكثر من واحد. لانه لو سرتي كل مره عند واحد واحد بيقولج هذا. مب راضي يروح منج والثاني بيقول هذي عين وغيره بيكون حسد ومس وبتدخلين في دوامه صعب تطلعين منها والله يوفقج ويشفيج يارب
__________________
اللهم اني عبدك , وبك املي فاجعل الشفاء في جسدي , واليقين في قلبي , والنور في بصري , والشكر في صدري , وذكرك بالليل والنهار مابقيت على لساني , وارزقني منك رزقا غير محظور ولا ممنع . يامسهل الشديد , وياملين الحديد , ويامنجز الوعيد , ويامن هو كل يوم في امر جديد , اخرجني من حلق المضيق الى اوسع طريق , بك ادفع ما لا اطيق , ولا حول ولا قوة الا بالله العلي العظيم .
|
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
|
Powered by vBulletin V3.8.5. Copyright © 2005 - 2013, By Ali Madkour |