صورة لقطران الفحم الحجري

[shevchenko]

السلام عليكم ورحمة الله وبركاته





أسعد الله مساكم بالخير والمحبة

مثل ما تلاحظون هذي أول مشاركة لي بهالمنتدى الجميل واللي استفدت منه الكثير كزائر

وحبيت مثل ما استفيد اقدم ولو فايدة بسيطة لوجه الله تعالى

ما اخفيكم بأني مصاب بالصدفية بالجسم والراس من فترة 15 سنة

وجربت اغلب الادوية الموضعية وكلكم عارفين نتايجها تخف يومين وترجع اكثر من اول

وبعد ما شفت الحماس بالمنتدى والمجهود الخرافي بالأخص للاستاذ قيس والاستاذة ريم

رحت امس لصيدلية آدمة بالرياض بحكم سكني بالرياض

وسالت الصيدلي عن القطران وقالي كم تبي تركيزه .؟

قلت له 20% , وقالي موجود لكن حنا اللي نحضره بنفسنا

ولما سالته يستخدم بايش هالقطران .؟

قالي بعلاج الصدفية ويقولون ان فيه مرهم مركب ثاني يستعمل معه لكن ما اعرفه

< وصفة الاستاذ قيس




عموما انا توكلت على الله واخذت القطران

لكن حبيت اعرض لكم صورته قبل لا استخدمه واخذ رايكم

وللمعلومية حجمه صغير وقيمته بـ 100 ريال

وهذي الصورة لعيونكم


















أبي رأيكم هل ابدأ باستخدامه من الليلة .؟

واذا كان هذا هو القطران وبعد ما اشوف نتائجه الايجابية علي

أنا مستعد أتكفل بنقله لأي شخص وبأي دولة

لان يعلم الله انني حسيت بمعاناة اخواننا اللي مو متوفر عندهم وحطيت نفسي بمكانهم

واعتذر على الاطالة

[مشاعل الهدى]

ايه استخدمه عادي

بس اول لازم تستخدم المرهم لازالة القشور

المرهم تقدر تحضره انت بنفسك ولاتاخذه من ادمه لانهم غالين

وع فكره القطران علاج ناجح 100% ان شالله

[مشاعل الهدى]

وش نوع صدفيتك ؟؟


من شان نعطيك مكونات المرهم المناسب لك

[shevchenko]

ايه استخدمه عادي

بس اول لازم تستخدم المرهم لازالة القشور

المرهم تقدر تحضره انت بنفسك ولاتاخذه من ادمه لانهم غالين

وع فكره القطران علاج ناجح 100% ان شالله

حياكـ الله اختي مشاعل الهدى

انا من اسبوعين واستخدم الفازلين على ما اشتريت القطران

الصدفية منتشرة بكامل انحاء الجسم بس على شكل نقط

مشكورة على مرورك والله يشفي مرضانا ومرضى المسلمين

[shevchenko]

وش نوع صدفيتك ؟؟


من شان نعطيك مكونات المرهم المناسب لك

مثل ما قلت لك الصدفية منتشرة بكامل انحاء الجسم عللى شكل نقط متفاوتة الاحجام

بس فروة الراس فيها قشرة مو طبيعية

ما يكفي استخدم الفازلين كمرهم والقطران بالليل .؟

[مشاعل الهدى]

_________________

[مشاعل الهدى]

لا مايكفي لازم يكون هناك مقشر قوي

أنا استخدم هذا (كيراسال ) اللي على اليمين بنسبه 2%
مرتين والقشره في خبر كان
صدفيتك نقطيه
انا ماااستخدمت المرهم اللي ذكروه الاخوان حقيقه استخدم المرهم ومرتاحه عليه

اي نقطه معنده احط عليها وتزحلط

[taha900]

.....شفانا لله اخي وجميع المسلمين .......للاسف لايتوفر هذا دواء في الجزائر ..... ان شاء يتوفر في قريب العاجل ........اننا نتظر ....والله مستعان

[خ2008]

انا استخدم قطران أدمه والحمد لله شفيت, ولكن سيدي أنا اشتري 100مل بـ 70 ريال واحيانا 75 ريال .


يبدوا انهم رفعوا السر !!

أما المرهم أحضره أنا حسب وصفة الانتاجي .

بالشفاء العاجل للجميع .

[أجوان]

الله يشفيك أخوي أنت نفس حالتي تقريباً فيه بعض الأعضاء جرب الفازلين مع القطران والحمدلله مشى الحال والبعض إستخدم المرهم بالنسبه لصدفيتك نقطيه والمرهم عباره عن خليط من /
1: 40 غرام فازلين
2: 30 غرام مرهم كيناكومب
3: 30 غرام مرهم ديبروساليك أأو الدايفوبيت
ممكن تخلطهم في البيت أو تطلب من الصيدلي يخلطها
والمرهم مهم للبعض لأنه يكون عندهم طبقة قشور وحكه وشد
والمرهم حل لهذه الأعراض بإذن الله .. ومثل ماذكرت الأأخت مشاعل
لو تاخذ القطران من مستودع الدواء أرخص بكثير ..معافى اخوي