مشكلتي مع أبوي

[إيــــــمو]

تكفون ساعدوني

مشكلتي مع أبوي كل ماجا أحد يخطب يرده بدون سبب
والحين جاني واحد وأنا مصليه استخاره ومرتاحه ورفض والرجال يوم عرف انه أبوي رافضه قال أبي أكلمه

وهو مايبي يصرف علي ولا يخليني أتوظف ولا بيخلني أروح أشوف طريقي حتى معهد مايبي يدخلني


أنا مابي أوقف في محكمه وارفع عليه قضيه



تكفون ابـــي حل

[شروق الاجزجي]

حبيبتي ..ايمو
بداية مرحبا بك ..وأسأل الله ان يحل مشكلتك ..
بداية ..لما يرفض والدك هذا ؟
يعني الام مثلا ليست موجوده ويريدك تكوني في البيت ؟ او اانه يعتمد عليكي في اشياء؟
او انه يخاف عليكي بطريقة زيادة وغير مبررة ؟

بالنسبة للدراسة ممكن تكملي دراسة عن بعد من الانترنت ..ويكون بديل جيد ان شاء الله

بالنسبة لموضوع الشاب ..ممكن توسطي احد من الاقارب اللي تثقي فيهم ويكونون وسيط خير ..
ولكن لا تدعي الشيطان يدخلك من طريق المحكمة ...
لا يا ايمو ...تذكري له شئ يشفعله عندك ..ولا تجعلي احد يسقطك في دائرة العقوق ..
انا متأكده انك ان شاء الله راح تكون هناك طريقة ..لكن الا المحكمة والعقوق..
تخيلي فطرة قلبه لما تسوي كده ..
انا عارفة انك تقولين انه جدا مضطهدك ولا يعاملك بطريقة حنينة ..ولا عادلة ..ولا تحسين منه انه يعاملك كأب لابنته..
لكن كل هذا له مبرر عنده هو ..وهذا المبرر ممكن يكون غير صحيح وغير معقول ..لكن كل هذا ما يجي شئ لو تخيلتي ان ابنك رفع عليكي قضية في المحكمة ..

طالما لا يزال أبا ..فبالوالدين احسانا ..
ان شاء الله وسطي احد اللي تثقي فيهم في العايلة او كبار المجلس او ما اعرف اسمها عندكم ..يعني الكبار الحكماء ..وايضا احد ابوك يحترمه ويثق في رايه خليه يكلمه وان شاء الله يصير خير ..
وطمنيني عليكي حبيبتي ..

[إيــــــمو]

مشكوره ياحياتي

لا أمي موجوده ربي يخليها لي
وكلمته خالتي وعمتي عشان يوافق بس مو راضي
والحين الرجال يبي يكلمه بس أخاف يفشله وهو محترم مره واخلاق


وأنا محتاره اخليه يكلم أبوي أو لا مابي أحس في الذنب

تكفون علموني إيش أسوي


وبخصوص الدارسه عن بعد سلت عنها قالوا مش معتمده




ممكن طلب
وربـــي هالجميل ماراح أنساه طول عمري

بالله إذا فيه أحد أسلوبه حلو وصبور يكلم أبوي عشان أروح في طريقي
أبوي يقلد ولد عمه لمى صار عمر بناته 40 صار يعرسهم حق اللى أصغر منهم
وأنا مابــي اتزوج واحد أحس اني أمه او أجيب أطفال معوقين واشيل ذنبهم



كل اللى أعرفه انه أبوي أنـــانـــي ومايفكر إلا بنفسه

[شروق الاجزجي]

طيب مسكنا اول الخيط ..
لو الوالد يريد يعمل مثل بن عمه ..خلي دكتور يكلمه ويقوله عن المضار الطبية لزواج الاقارب
هذا من ناحية ..ومن ناحية تانية لو في احد كبير هذا الشاب يعرفه وممكن يوسطه للحديث مع الوالد خليه يحكي معه ..يعني انا اعرف في المشايخ الكبار الناس تعمل لها حساب ..ممكن يحاول من هذه الناحية
ولو الوالد شاف انه هذا الشاب مناسب وكل الناس تشكر فيه اكيد راح يفكر بالموضوع ..بس طبعا ما هيوافق بسهولة ..لكن خلي الجد يكلمه او احد الرجال لانه ما راح يسمع كلام الوالدة ولا العمة لانهم نساء وهو اكيد مقتنع انه يفكر بشكل احسن منهم لانه رجال فاهم وكبير ..
لذلك فكري معي ايمو حبيبتي ..مين الرجل الحكيم الثقة اللي والدك يثق فيه ويسمع كلامه وممكن هالشاب يتكلم مع هذا الرجل الحكيم ويوسطه بالخير ويكون بطريق غير مباشر يقنع الوالد
لانه ما راح يتقبل من احد غريب يا ايمو ..يلا خلينا نفكر ..مين ..الجد ..العم الكبير ..؟؟؟مين؟؟
ان شاء الله الله بيعينك ..
وخبريني ..

[إيــــــمو]

جدي متوفي وعمي ماعنده شخصيه عند زوجته اشلون عند أبوي
وماعندي أحد كبير
وأبوي يماطل في شخص كبير بس من أهله الرجال ورافض يكلمه يسال عن الرجال
والرجال مصر إلا يكلم أبوي وأنا خايفه يفشله


أرسلت مسج حق الشيخ عشان يكلم أبوي ويقنعه ومارد علي

و بنات يقولون خوفي أبوك من الله ذكريه في ربه وقولي خلني أروح وأنت عايش أحسن من انك تتعذب بكره بسبتي
قلت حق خالتي وقالت نفس كلامهم قالت أقوله قصه إلبنت إذا سمعتي فيها نفس حكايتي واخر شيء أبوه مرض وقالت أنت مش محلل ماتركتني اتزوج والحين محد لي بالدنيا



بس أخاف أكلمه هو حالف مأاخذ الرجال وقال لو تموتين لو تنقزين مأتاخذينه
والحين مايبي يكلمني أو حتى يشوفني

[شروق الاجزجي]

طيب ..اول شئ لا تحاولين تسوين مثل ما قالولك وتقولين له قصة هذه البنت ...لانه ببساطة راح يعاند اكثر ..
الحين تعالي نحاول الطريق الثاني
توددي لابوكي وقولي له كلام زين وحلو ..وهدي الموضوع شوي الحين ..
ولا تعنديين معاه يا ايمو ..كوني هادية وخليه هو مان هاجي لانه لو تعصب ممكن يحلف عليكي مثل ما تقولين
الحين انتي حاولي تشوفي شيخ ثاني ..
وكمان حاولي تنالي رضاه اكثر وتعملين له اشياء تسعده ..
والاهم من هذا وذاك يا ايمو انك تثقين بالله وتطلبين منه العون لان الله الواحد القادر انه يغير قلب ابوك ورأيه ..وتثقين ان هذا الرجال لو كان مكتوب لك زوج راح تتزوجيه ..وان ما كان مكتوب لك زوج ..فاكيد ربي كاتبلك من هو خير منه ..الدعاء الدعاء الدعاء ..هو سلاحك لا تتركيه ابدا
ولو الشاب اللي متقدم لك عنده عم كبير او احد ممكن ابوك يقدر له كلامه ويقتنع فيه ويحترم رأيه ..
يعني لو احد يشتغل بموقع معين او له شأن في مجال ما وممكن يكون له تأثير على الوالد
لكن اهم شئ لا تستفزين الوالد لانه واضح انه وايد عصبي ..
وانتي كمان وايد عجولة
الحين لا تزعلين حبيبتي ..ان شاء الله انا واثقة ان ربي اللي هو يعلم الخير لك هو اللي يتولى امرك وهو اللي يكتب لك الخير اينما كان ..
ولعل هذا اختبار لك ..فاصبري وتمسكي بالدعاء وعليكي بقيام الليل ..والله روعه وانا جربته لاني كان عندي مشكلة وايد عسيرة والله اعسر من مشكلتك بمراحل وكانت فعلا مستحيلة ..نعم ومستحيلة هذا اقل وصف ليها ..لكن داومت على القيام والدعاء وانا متيقنه بالاجابة لانه صدق الله لما قال ادعوني استجب لكم ..وفعلا كانت المفاجاة اللي ما صدقتها هي ان دعائي تحقق ..
لذلك صلي القيام وادعي الله بأن يحنن قلب ابوكي عليك وانه لو كان في خير في هذا الشاب يكتيه لكك وان ما كان فيه خير يكتبلك الزوج الصالح اللي يحافظ عليكي ..ويعوضك خيرا ..
الله يطمني عليكي..وياريت تطمنيني ديما حبيبتي ايمو ..

[إيــــــمو]

الله كريم
ممكن البن أو أيميلك