|
|
|
|
|
|||||||
| ملتقى غرائب وعجائب العالم قسم يختص بالموضوعات والصور الغريبة والمميزة |
 |
|
|
أدوات الموضوع | انواع عرض الموضوع |
|
#1
23-02-2008, 04:21 PM
|
|||
|
|||
جولة متجددة مع ملاك النور للتعرف على غرائب و عجائب
السلام عليكم و رحم الله و بركاته بعد أن ذهب الموضوع الأول و كنت وصلت فيه إلى ( تسعة ) مشاركات و لكن الحمدلله ، و الأهم أن المنتدى و الشبكة بخير و كله يتعوض و أُعيد صياغة الموضوع إن شاءالله ***** إلى متابعي هذا القسم الطيب و المميز و المتجدد دوما بغرائب و عجائب لسنا معتادين عليها حتى لا يكون لي مواضيع متفرقة من أمور أجدها أمامي غريبة و ملفتة خلال تواجدي على النت لذا ، آثرت أن أفتح موضوعاً واحداً لي هنا أضع فيه ما أراه و يلفت نظري من عجائب و غرائب الأمور و سيكون الموضوع مقفلاًَ حتى أجد أنه لم يعد لدي الإمكانية على المتابعة و التواصل بالموضوع إن شاءالله و إن شاءالله تكون إختياراتي في الموضوع ليست مكررة و أعتذر من مشرفي الأقسام لو حصل ذلك فأعرف أن إمكانية البحث عن مكرر الصور ليست مباشرة لذا ، استسمحكم عذرا لأي مكرر ، و يمكنكم حذف أي مشاركة مكررة طبعا أترككم الآن مع القسم الأول لما وجدت من غرائب و عجائب لفتت نظري  في أمان الله و السلام ختام و خير الكلام و الصلاة و السلام على رسول الله
__________________
 و لربّ نازلةٍ يضيق بها الفتى ذرعاً ، وعند الله منها المخرجُ ضاقت .. فلما استحكمت حلقاتها .. فرجت .. و كنت أظنها لا تُفرجُ .
|
|
#2
23-02-2008, 04:29 PM
|
|||
|
|||
|
بيت على شكل بيانو و كمان موسيقي
مشاركة رقم واحد منزل جميل ، بني على شكل بيانو ، و الغيتار كمان يعني مش كل البيوت بيوت موسيقية الطراز لا ... هذا بس عند واحد صيني يبدو أنه بيحب الموسيقى و مزاجه هادىء يا سلام على قعدة حلوة على شرفة هالبيت بس طبعا المهم الصحبة الحلوة و المميزة بأي مكان حلو عشان يكون مميز أو شو رأيكم ؟  هلأ لو بدكم تطلعوا على البيت ، لازم تطلعوا على الدرج لأن الرجل نسي يعمل مصعد و إكتفى بالسلم الموسيقي يا حزركم وين الدرج أيوة ... ، صح ( الدرج صار داخل الكمان الشفاف ) و به سلم يؤدي للبيت مباشرة شو رأيكم بهالبيت ؟؟ يلا يا مهندسينا المعماريون ، بإنتظار أفكار جميلة من حضراتكم بأفكار بناء جديدة يلا تفضلوا معي بالجولة إلى البيت الموسيقي البناء هكذا يبدو من الامام  و هذا الدرج ( مش السلم الموسيقي )   هكذا يبدو من الخلف  إن شاءالله تعجبكم المشاركة الأولى ، و ما تكون مكررة طبعا الصور منقولة و التعليق من : ملاك النور في أمان الله و حفظه
|
|
#3
23-02-2008, 04:48 PM
|
|||
|
|||
|
مدينة جميلة من أعواد الأسنان
مشاركة رقم إثنان شوفوا يا جماعة الخير في ناس فايقة و رايقة و ما عندها شي تعملوا بحياتها بيصيروا يفكروا بإكتشافات و إختراعات يعني الواحد هو و يطلع على إختراعاتهم بيقول الله يعنيهم كيف ضيعوا هالوقت هيك أو بيقول .. نيالهم ، بيقدروا يلاقوا وقت يتسلوا فيه عشان يحصلوا في النهاية على لقب ( عمل غريب ) طيب هلأ شو بدنا بالحكي يا جماعة تعالوا نشوف شو عنا يبدو اللي حضروا هالمشاركة الغريبة و اللي بدها وقت و دقة و إتقان كتير كانوا يعانوا من تفرقات في أسنانهم تستدعي وجود أعواد الأسنان معهم دوماً أو بدهم يعملوا دعاية لنوعية أعواد الأسنان اللي عندهم فقاموا حضروا مدينة كاملة مصنوعة من أعواد الأسنان آه ما تستغربوا  اللي يعيش ياما يشوف و شوفوا كيف المباني مختلفة الأحجام و كأنها في الواقع فعلا و تاعبين أنفسهم و عاملين جسور و الأحلى ملعب كرة القدم هذا الحشد الكبير من الجمهور المشجع للعبة كرة القدم في مدينة أعواد الأسنان و كمان يبدو بيحبوا البحر ، فجهزوا سفينة ضخمة من أعواد الأسنان هلأ ليش مستغربين يعني مش بحكيلكم ناس فايقة و رايقة شو رأيكم بهالمدينة ؟؟ يلا نحن بإنتظار أصحاب البال الطويل مع أني بعرف أنهم قلائل ليجهزوا لنا شي حلو مثل هالمدينة الجميلة ما تحكولي مش حلوة ، بزعل منكم بعدين ... يلا تفضلوا معي بالجولة إلى مدينة أعواد الأسنان               إن شاءالله تعجبكم المشاركة الثانية و برضه يا ريت ما تكون مكررة طبعا الصور منقولة و التعليق من : ملاك النور في أمان الله و حفظه
|
|
#4
23-02-2008, 04:54 PM
|
|||
|
|||
السلام عليكم و رحمة الله و بركاته
أتابع بعد غد إن شاءالله بأكبر عدد من المشاركات إن شاءالله سأعيد المشاركات السبعة التي ذهبت خلال توقف السيرفر و أضيف عددا إضافياً و مميزاً عليها إن شاءالله وفقكم الله لما يحب و يرضى و السلام ختام و خير الكلام والصلاة و السلام على رسول الله
|
|
#5
27-02-2008, 09:07 AM
|
|||
|
|||
|
أكبر صحن تبولة في العالم
مشاركة رقم ثلاثة يعني ما في حدا بيختلف أن الشعب الفلسطيني هو شعب صامد و مقاوم و صابر و يستيطع أن يتأقلم و يتعايش في أي ظروف تُفرض عليه و دوماً ننظر إليهم بتلك النظرة من الإحترام و التقدير المختلفة عن أي شعب آخر لما تمثله فلسطين في نفوس و ضمائر العرب و المسلمين و ما يتعرض له الفلسطينيون بموافقة أو بعدم موافقة الجيران ما علينا ... شو جاب الحكي بالسياسة هلأ بس أنا حبيت أوضح عزيمة هالشعب بكل شي و محاولة الترفيه عن نفسه حسب ما يتاح له شوفوا هالمشاركة هون رح تفرجينا أكبر صحن تبولة و مش اي تبولة لا طبعاً إنها التبولة الفلسطينية اللذيذة طيب تعالوا نشوف عدد المشاركين و المقادير بصحن التبولة العملاق : 1- الشيف معه 16 طاهيا و متدربا و سيدة . 2- تمّ الإتفاق مع أحد المقاولين لصنع صحن قطره 4 أمتار 3- الفكرة هي بتجهيز 1000 كليوغرام من التبولة 4- الكمية تكفي 3000 آلاف شخص 5- تمّ إستخدام 2130 ربطة بقدونس 6- 400 ربطة نعنع 7- 100 كليوغرام ليمون ( حامض ) 8- 70 كيلوغرام بصل أخضر 9- 150 كيلوغرام بندورة 10- 10 كيلوغرامات بندورة شيري ( ذات الحجم الصغير ) 11- 70 خسة 12- 70 كيلوغرام من البرغل 13- 3 كيلوغرامات ملح 14- نصل كيلو من جوزة الطيب 15- 35 ليتر زيت زيتون تمّ تقطيع المقادير خلال 18 ساعة قبل موعد العرض وصل وزن الصحن الإجمالي بعد اإنتهاء منه إلى أكثر من طن و جميع المقادير التي تمّ إستعمالها هي من الزراعات المحلية ما رح أطول عليكم تفضلوا معي على هذه الجولة عشان نشوف أكبر صحن تبولة في العالم بتوقيع فلسطيني و صحة و عافية يا أبناء بلادي   إن شاءالله تعجبكم المشاركة الثالثة ، و ما تكون مكررة طبعا الصور منقولة و المقادير و الإحصاءات منقولة و التعليق من : ملاك النور في أمان الله و حفظه
|
|
#6
27-02-2008, 09:17 AM
|
|||
|
|||
|
ثعبان ينفجر بعد أكله تمساح ضخم
مشاركة رقم أربعة  معلش هاي المشاركة كنت نزلتها قبل تغيير السيرفر و هلأ رح يكون تعليق مختلف أعتقد عن الأول لأن كل موضوع عم أكتب التعليق مباشرة عليه ( على الهواء )هاي المشاركة نوعاً ما هي مقززة مش لأنها بس عن ثعبان ضخم ، و لكن على اللي صار للثعبان طيب ، تعالوا نتخيل القصة كيف صارت هذا الثعبان يا عيني كان جوعان و ما لقى شي يأكله دور ، فتش جنبه ، ما شاف شي يأكله أتطلع لبعيد شوي ، على الشط قام شاف تمساح لطيف قال يلا ، بما أني جوعان لآكله عشان أشبع بس الظاهر كان شايفه عن بعيد و مش عارف قديش التمساح كبير و لأنه جوعان ، قام بسرعة حاول يبتلع التمساح و فجأة .... قام إنفجر أي طبعا ، كل واحد يأكل على قد ما بيقدر و على قد ما بتتحمل معدته للأكل هلأ هو ثعبنان شو بده يفهمه هالأمور يلا تفضلوا معي لنشوف هالثعبان المنفجر ليس غيظا و لكن جوعا  إن شاءالله تعجبكم المشاركة الرابعة ، و ما تكون مكررة طبعا الصورة منقولة و لازم تكون منقولة و لا شو أخذني لحد هالثعبان و صديقه التمساح و التعليق من : ملاك النور في أمان الله و حفظه
|
|
#7
27-02-2008, 09:27 AM
|
|||
|
|||
|
أكبر بطيخة في العالم
مشاركة رقم خمسة البطيخ هو الفاكهة اللذيذة و المحببة للكثيرين في الصيف لما تعطيه من برودة و ماء للجسم و خاصة لو كانت البطيخة حلوة المذاق و طول عمرنا منعرف أحجام محددة للبطيخ منقدر على الأقل نحرك يدينا و نقول بطيخة كبيرة ( هالقد ) إلا هاي البطيخة اللي بهاي المشاركة كيف نقدر نقول هالقد بحركة يدينا بعدين معقول تكون هيك كبرة لحالها أو أنهم وضعوا لها سماد مقوي سبحان الله على كل حال ، هاي البطيخة بتطعم عائلة مؤلفة من عائلات مع بعض يلا هيك بيتجمعوا المسا و بيحضروا سندويشات ( لبنة ) و ( جنبة ) و بتشاركوا مع بعض بتذوق أكبر بطيخة في العالم و صحة و عافية يا جماعة  إن شاءالله تعجبكم المشاركة الخامسة ، و يا ريت ما تكون مكررة طبعا الصورة منقولة و التعليق من : ملاك النور في أمان الله و حفظه
|
|
#8
27-02-2008, 09:36 AM
|
|||
|
|||
|
أكبر حجم قرآن كريم في العالم
مشاركة رقم ستة معلش هاي المشاركة ما رح أعلق بالكلام فالصور أبلغ من الكلام بسم الله ما شاءالله هذا هو أكبر حجم لقرآن كريم في العالم لم تُذكر تفاصيل أي موجود إن شاءالله سأحاول البحث عن مكان تواجد هذا القرآن الكريم و أعاود تعديل المشاركة إن شاءالله في وقت لاحق تفضلوا معي لنرى أكبر حجم قرآن كريم في العالم     مؤكد ستعجبكم هذه المشاركة و حتى لو كانت مكررة ، فأنا أريدها أن تكون في موضوعي إن شاءالله طبعا الصور منقولة و التعليق من : ملاك النور في أمان الله و حفظه
|
|
#9
27-02-2008, 09:53 AM
|
|||
|
|||
|
حمل تأكله الأسماك في خسمة دقائق
مشاركة رقم سبعة برضه تعالوا نتخيل هالمشهد كان في حمل ، ماشي مع أصحابه و فجأة زحطت قدمه ... و وقع في النهر حاولوا أصحابه ينقذوه و لكن للأسف لم يتسطيعوا لأن الوقت كان أسرع طبعا مجرد أن وقع تجمع حول هالحمل الصغير الوديع أسماك تحب اللحم الطري و في خلال 5 دقائق فقط ما بقي شي من الحمل الوديع إلا العظام مثل ما هو واضح بالصورة أترككم في الجولة مع الحمل الوديع و الأسماك الجائعة  إن شاءالله تعجبكم هذه المشاركة طبعا الصور منقولة و التعليق من : ملاك النور في أمان الله و حفظه
|
|
#10
27-02-2008, 10:10 AM
|
|||
|
|||
|
إرادة رجل صيني
مشاركة رقم ثمانية هذه المشاركة من المشاركات التي أفضل أن أختصر في التعليق عليها فالصور تكون أبلغ من أي كلام هذا الرجل يسمى في الصين ( الرجل المعجزة ) فقد تعرض لحادث في العام 1995 و قطع جسمه إلى نصفين و هو الآن يحاول أن يعيش حياة طبيعية و يحاول أن يتعلم المشي كما يظهر في المشاركة أترككم في الصورة و الحمدلله الذي عافانا مما إبتلاه به و فضلنا على كثيرِ ممن خلق تفضيلا  إن شاءالله يستطيع هذا الرجل الصمود و متابعة حياته طبعا الصورة منقولة و التعليق من : ملاك النور في أمان الله و حفظه
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
|
|
|
Powered by vBulletin V3.8.5. Copyright © 2005 - 2013, By Ali Madkour |
العرض العادي
