|
|
ملتقى الشعر والخواطر كل ما يخص الشعر والشعراء والابداع واحساس الكلمة |
|
أدوات الموضوع | انواع عرض الموضوع |
#1
|
||||
|
||||
العراق
يلعايش غريب ابين الاجناب يناديك الوطن محتاجك بساع ضعيف انته تظل ادك بالابواب ونته ابن الكرم والخير عدنه انواع حط كفك تعال بكف الاحباب وتحزم تريد ارجال هاي الكاع وزرع كاعك الطيبه تفوح اطياب واترك كعدت الغربه الجنيهة اوجاع ونثر عنبرك الله يا مشخاب ناعورك عطش ولشوفتك ملتاع والبرحي ينادي اعليك والكبكاب والكنطار طيب بالحلك لو ماع والبصره بشعرهه اوشطهه والسياب وبذي قاركلهه صدور ليك اوساع وتنادي النجف يحرسهه داحي الباب ودلال السماوه او ضيفك الماجاع وينادي ابن بابل عل عدو وثاب وبن الكوت سيف امجرب اوكطاع وتنادي العماره الما وطتهه اغراب وارض اربيل بيهه اسوار بيهه اقلاع وديالى تصيح اهواي الك اصحاب وب بغداد شمسك مركز الابداع بكلوب بصلاح الدين الك ترحاب واهل ابنينوى ماتقبل اوداع تنتظرك ادهوك باجمل الاثواب و بكركوك حضن يتاني لك وذراع وابناء الرمادي وياك الهه اعتاب وابناء الدوانيه تريدك عون عالطماع وينادي التراب بكربله وشعزه التراب وبأرض الحسين المفخره او اشعاع شلال السليمانيه خط اكتاب يوصيك العراقي ابد ماينصاع وامك تعبت او ربت شعرهه شاب ابني تكول يرجع ابد لا ما باع وابوك احترك لجلك كالشمع ذاب يكول ابني ذهب من ينجلي لماع انه ادري الضمير البيك ما غاب اعرفنك اصيل او حلو الاطباع ليغرك المظهر خادع او كذاب وبدون الوطن لا عز ترى اوتنباع ارجع يا عراقي او طيب الانساب لهلك يا سبع مابين الاسباع يا ابن العراق او ابد ما تنعاب يا دفه او سفينه اوفوكهه انته اشراع منقول
__________________
يا وطني... يامجموعة ذكريات وطفولة تضيع تفاصيلها في واقع يحكمه النسيان ستبقى وحدك ياعراق... ذاكرة لاتنام
|
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
شعر شعبي عن العراق واحتلال العراق......... | ابو الفاروق | ملتقى الشعر والخواطر | 5 | 07-03-2007 02:23 PM |
العراق | ابو الفاروق | ملتقى الشعر والخواطر | 5 | 05-12-2006 08:59 PM |
هنا العراق | منيع البوح | ملتقى الشعر والخواطر | 14 | 21-09-2006 02:54 AM |
|
Powered by vBulletin V3.8.5. Copyright © 2005 - 2013, By Ali Madkour |