علاج جديد للصدفية فى ألأمارات

[همة جبل]

السلام عليكم الى الأخ شعاع
ياليت تسأل الدكتور الأسئله هاذي
1كم المده اللي نستعمل فيه الدواء لتختفي الصدفيه
2هل هذا الدواء مضمون ومصرح من قبل وزارة الصحه وهل له نتائج مبهره
3بعد استخدامنا لهذا الدواء هل تخفتي الصدفيه تماما دون رجعه باذن الله
4هل فيه اشخاص استخدموا هذا الدواء ولم ينفع معهم
اذا حصلت على العنوان والرقم ياليت تكتبه او ترسله عالخاص
وجزيتم خيرا

[بنـ الكويت ــت]

واحب اضيف سؤال
هل اهو ينفع لجميع انواع الصدفيه ؟؟ ومنها الصديديه !!
ويعطيك العافيه

[افالون]

الله يعطيك العافية شعاع
احنا فى انتظار ردك يوم الاثنين ان شاء الله
وعسى الله يكون مفيد العلاج لى ولجميع الاخوان يارب

اخوك

[بوسطن]

اخوى شعاع شاكر لك جداا وننتظر منك الجواب اتمنى يستفيد منه الجميع يارب ؟

اخت ازيرا جربتى الكثير من الخلطات والحمد لله على كل حال ان بحذرك لاتشترين اى علاج وتخزنينه ممكن تخزين غلط يأذيك مابفيدك حتى من الاعشاب .
تدرين اخذت ابر انبريل حطيتهم بشقه الله ستر ماخذتهم كان مت للانى المفروض احطهم بالثلاجه الله سترعلى الحمد لله

[بنـ الكويت ــت]

اووف ربك سترررر
الحمدالله ياارب
بسئلك الحين انت اي ابرة هذي ؟
الرابعه ؟ والا جم
وبيّن المفعول ؟

[بوسطن]

بعد يومين تكون الرابعه مانى شايف تحسن اللى اهو شئ بسيط وقفت الميتروكسيت افتكيت منه اخذ فولك اسيد بشووف اذا فى علاج ثانى افضل من هذا بجربه

[فتى الخرج]

الله يشفيك اخوي بوسطن
والله يكون في عونك من ذا الابر
تصدق اكل الف حبة من الحبوب
ولا ادق ابرة وحدة
واوووووووووووو
عندي فوبيا من الابر
على كلن اخوي اليوم اخونا شعاع
راح يجيب الخبر اليقين من مخترع العلاج الجديد لصدفية
وراح يرفق مع التقرير صور لناس تعالجو من الصدفية
وكيف كان جسمهم قبل وبعد العلاج
ودمتم بخير اخواني الاعزاء

[بنـ الكويت ــت]

اخوي فتى الخرج
الي يبي الدح مايقول اح
انا راضيه اقزز ابر بعد مو ابرة
بس المشكله ماتسوي شي الابره
انا بس خذيتها 3 مرات واضطرو يوقفونها ..
واي يارب اخوي شعاع اييبلنا الخبر الي يفرحنا
ياربي ياكريييييييييييم

[بنت العم]

اهلين....انا الصدفية ما التهبت بالعكس مع الماء والملح ناشفة وهادية
لكن طلع جديد بوجهي ورقبتي ...واثر على نفسيتي
دكتورة يوم قلت لها انا كرات الدم البيضاء عندي زاد عددها وزادت صدفيتي معاها
اول مرة حللت طلعت 3800 وثاني مرة بعد اسبوعين صارت 5000
قالت الدكتورة حمدي ربك وزعلانه لانها قاعدة تزيد
قلت اي ابي اصير بخير وبعيدة عن الصدفية ....قالت خافي الله المناعة لمى توصل 2000 وتحت خطر مرة
وانا ما اتوقع ان الامبريل بتوصل للرقم هذا ...يمكن الابريل تعمل على تنظيم عملها وليس قتلها
بوسطن سوي تحليل العدد حق كرات الدم البيضا .....والله يستر عليك ويحفظك من كل مرض ويخليك لولدك وامه وامك...الله كريم مجيب ...اللهم احفظنا من الامراض
شعاع الامارت...وش صار معاك؟
نشكر جهودك معانا ...الله يسهل امروك كلها ويحفظ لك ذريتك

[RSS]

السلام عليكم
ياريت الاخ شعاع الامارات يعطيني رقم الشخص الي ممكن اقدر اتفاهم معه ممكن لو قلي شو تركيبة الدواء اقدر استنتج انو نحن مجربينها بشكل او باخر
لانو بصراحه ما بقا عندي استعداد جرب اي شي طفح الكيل متل ما بيقولو
مع انو انا الحمد لله ما جربت الابر ابدا اي نوع كان ولا اي نوع حبوب كل انواع العلاجات الي جربتها كانت دهون خارجيه وحميه والخ..
ازيرا متابعهتك مع الماء والملح ومعليش كم حبه ما بتخليكي تياسي خليه يطفح شوي وانتي موتي بالماء والملح والشمس الله يشفيينا ويشفيكي يارب
بنت الكويت امورتنا سلامتك حبيبتي وعجبنب المتل تعبك ههههههههههه وكلامك مزبوط الله يشفيكي ويفرحنا فيكي
وسلامت الجميع -