عمو أبو آية.. " شكراً كتير " لفتح قسم خاص للأطفال

[نور]

السلام عليكم و رحمة الله و بركاته

كيفكم يا أطفالنا الحلوين القمورين اليوم

أول شي ، بدنا نشكر ( عمو أبو آية ) لأنه فتح قسم للأطفال الحلوين لحالهم

منحكيله شكراً كتير كتير يا عمو أبو آية
عشان بتهتم فينا كلنا و صار في قسم خاص بيقدروا كل اللأطفال و الأولاد يشاركوا فيه

يعني هذا القسم مخصص للأطفال عشان يشاركوا بمواضيع هم بيحضروها بأنفسهم
يعني مثلاً :

* بيقدروا يكتبوا قصة بطريقتهم

* بيقدروا يطرحوا رسوماتهم الحلوة

* بيقدروا يحكوا عن ألعابهم

* بيقدوروا يناقشوا مواضيع مع بعض بتخص الأطفال

* بيقدروا يطرحوا مواضيع و يستفسروا بطريقتهم عن أي شي بيحبوا يستفهموا عنه

* بيقدروا يطرحوا افكارهم بطريقتهم ، أي إقتراح أو فكرة أو أي شي بيحبوا يتشاركوا فيه معنا نحن جاهزين

* هون كمان بدنا نفرجي مواهبنا الحلوة ، يعني كل واحد عنده موهبة
خلينا نحاول هون ننميها و نطورها أكتر ، عشان نشوف إبداعات أطفالنا المسلمين

و طبعاً بدنا كلنا نسجل بموضوع نادي أطفال الشفاء عشان نصير أعضاء بملتقى واحد
بيقدروا الصغار الحلوين يتجمعوا فيه مع أخواتهم اللي في عمرهم هون في ملتقى الشفاء

يلا بدنا نشوف همة حلوة ، طبعاً بمساعدة الأهل و ألأخوة اللي أكبر منكم
و أي سؤال أو إستفسار


نحنا جاهزين ان شاءالله عشان نتعاون مع بعض بقسمنا الحلو
إتقفنا !

ملاحظة للأهل :

يا ريت يكون في حرية للأولاد بالمشاركة بهذا القسم الخاص فيهم ، بدون ما يكون في ( تقييد لأفكارهم )
لأن الأولاد بعمر صغير ، بيقدروا يعبروا عن مواهبهم بطريقتهم و ينموها
بدون ما يحسوا أن الأهل محددين لهم كيفية التوجيه للموهبة ، و بيقدروا يبدعوا بحريتهم
و يا ريت تخلوا المراقبة على طريقة كتابتهم و كلامهم للمشرفين

أعرف أن كل واحد من الأهل ، يريد لأولاده أن يبدو بصورة أفضل ، و لكن إن لم يكن لهم مجال للتعبير بطريقتهم
سنكون من يسير لهم أفكارهم و بالتالي و كأننا نحد من تنمية الموهبة و القدرة على التعبير
فلا ننسَ أن المواهب للأطفال هي من أهم العوامل التي تساعد على تنمية ذكاء الطفل و الثقة بنفسه

شكراً مرة تانية عمو أبو آية
و شكراً للأهل جميعاً من أهالي و أبناء الشفاء

تحياتنا جميعاً لأطفال الشفاء الإسلامي

في أمان الله من خالتو " نونا "