بداية علاجي بالقطران الى وصولي للشفاء الحمدلله

[Manari]

بسم الله الرحمن الرحيم

اللهم لك الحمد والمنه على ما انا فيه من نعم ...

راح اتكلم عن بدايتي في استخدام القطران الى وصولي للشفاء ولله الحمد . انا مصابه بالصدفيه لي 10 سنوات وجربت كل شي من كرتيزونات وعلاج ضوئي وكل شي كان مؤقت .. صدفيتي كانت منتشره بجسمي باحجام مختلفه من نقط صغيره الى اكبر منها وبعدها انتشرت بشعري وهذا اكثر شي حبطني لان تساقط شعري بكثره وصار اللي يشوفني يقولي مليان شعرج قشره ... بعدها الله يسلمكم قمت ودورت بالنت لما بالصدفه طحت على هالموقع وقريت تجارب عديده من اللي موجودين وقررت اجرب القطران...

وجربت القطران مده شهر حصلت علبه واحده من الاخ احمد موجود بالمنتدى الله يجزاه خير وشفت بشهر تطور حلو وبعدها استصعبت حصولي عالدوا عندنا وقريت ان صيدليه ادمه توفره وطلبته منها يمكن طلبت 3 مرات وماشفت مفعول مثل مفعول علبه الاخ احمد اللي من خلال شهر لمست الفرق فاهني بحثت وقريت فاعرفت ان في اختلافات بالتركيبه ومن جذي تواصلت مع الاخ احمد وخذيت رقم الاخ قيس بو طه ومن هاليوم بلشت كورسات العلاج من تاريخ 15.10.2012

قريت ان كثير بتغير الصبغه (لون البشره) وطبعا بما اني بنت خفت واهم سؤال بعد االانتهاء بيرد لوني ولا:d المهم بلشت اول كورس عباره 6 شهور مع اخوي بو طه واللون حدث ولا حرج صرت حييييييييل غامجه الكل اخترع من لوني بس ماقدر يسأل السبب :d وبعدها بلشنا بالكورس الثاني كذلك 6 شهور ولكن هالكورس حييل طول معاي لان جتني شكوك كثيره هل راح اتشافى ولا لا وهل صج هالدوا علاج وليش ماقالوا الدكاتره عنه .. وليش ماكو دراسات تقول ان في علاج للصدفيه وعلى هالمنوال ..وانتكست الحاله وزادت القشور ولكن هني اكتشفت ان الخطأ مني انا لاني ما احسنت الظن بالله الشافي ومن هنا استعنت بالله وكنت ادعوا الله الشافي ان يشفيني وتوكلت عليه حق توكل فاخذت الدوا بأنه بذل سبب وتوكلت على الله والتزمت بالدعاء في كل صلاة وبين الاذان والاقامه وقيام الليل وتقربت لله بمعرفة اسمائه والتزمت بعبادة الكل مقصر فيها ( الدعاء ) والحمدلله خلال 9 شهور قدرت اطلع من المرحله الثانيه وادش بالمرحله الثالثه والرابعه .. ربي لك الحمد والشكر .. وبتاريخ 15.10.2015 انتهيت من العلاج ولله الحمد وكنت على تواصل مع الاخ بو طه ومن بعدها خذيت 3 شهور الاحظ اي تطور بجسمي ولله الحمد اموري طيبه.....

حاليا لي 7 شهور من وقفت يارب يرزق كل بالشفاء مثل ما ربي رزقني بالشفاء الحمدلله..

جدولي خلال مرحله العلاج كنت استخدم القطران وكترطيب كنت استخدم اي شي طبيعي زبدة الشيا وكذلك زيت الزيتون بما انه ذكر بالقرآن .. وحافظت على اذكاري والتزمت بالدعاء بس والله ثم والله ما اتحقق الشفاء الا باليقين وبحسن ظني بالله لمست الفرق .. واي شي ذكر بالقرآن او بالسنة كنت استخدمه كالعسل وزيت الزيتون كترطيب وبركة ماي زمزم وكنت اشربه بنية الشفاء فكانت هذي الاعمال مع اخذي للعلاج اسباب والتوكل على الله وحسن الظن به ساهمت في شفائي بالكامل ربي لك الحمد والشكر..

ملاحظتي باللي صار فيني خلال فتره العلاج اكثر شي تعبني الحبوب ذوات الرأس الابيض والاسود مؤلمه جدا .. حبيت نتيجة القطران بشعري طول وكثفه :d ولوني كان يتغيير كل مادشيت كورس جديد كان غاااااامج وفتح شوي وشوي وبعد الانتهاء رد لوني الطبيعي بعد 3 شهور بالضبط

انا كتبت كل شي لكم ووثقته بالتواريخ عساس كل واحد يقرأ ويعرف اللي بيمر فيه

ماشاء الله ووالحمدلله حااليا لي 7 شهور من وقفت وماكو اي اثر للصدفيه يارب يديم علي الصحه والعافيه واسأل الله الشافي اي يشفيكم يارب


دعواتكم لي ان ربي ينولني مرادي يارب يارب

[ALMANSE]

اختي منار الحمد لله على شفاءك ونسال الله ان يتمه عليكي ويشفي جميع المرضى شفاءا لا يغادر سقما والتوكل على الله والاخذ بالاسباب من اهم الامور اللتي تريح النفس وتقضي على المرض اكرر تهاني لكي بالشفاء

[reem50]

عزيزتي منار من دولة الكويت العزيزه على القلب الحمد لله والشكر لله على شفائك وادعو ربي ان يكون شفاء تام ونهائي وجزاك الله الف خير وجعله في ميزان حسناتك انك نقلتي كل التفاصيل برحلة علاجك وهذا ينبع من نفس طيبه محبه للاخرين الف شكر عزيزتي واستسمحك ان انقل ماكتبتي الى كروبي على الفيس... عالم الصدفيه

[Manari]

اختي ريم تقدرين تنقلينه بأي مكان اردتي والله يكتب لنا الاجر

وأي احد حاب ينقل التجربه لا يستأذن حلال عليه

[f.c1761]

ماشاء الله عقبالي ي رب > فيس يبكي بقوووه