التجربه خير برهان

[احساس زوجه]

السلام عليكم ورحمة الله وبركاته

جربت من اسبوعين اكثر من شغله فعاله

ومثل ما نقول دايمن ( المقوله المشهورة )

اللي نفع معاي ممكن ما ينفع ما غيري واللي ما نفع معاي يمكن ينفع معاكم
وبطتنا بطت بطن بطتكم

السدر

السدر يا محفوظين السلامه ( أي شي ) ينشف بشكل مو عادي ( هني انا اقصد الجسم بس )

انما الشعر فمره بالاسبوع احط عليه

2 ملعقه حنا يمني
2 ملعقه رشوش
1 ملعقه خل
وملعقه وحده سدر

حلو وينشف ويكثر الشعر

خلصنا من السدر

كريم Qv الموجود بموضوع ( احسن مرطب جربته )

واكريم إكارت من ماركة إيفين

هالكريمين روعه وعلاطول اتحس ان الصدفيه يتحسن جوها واتصير بدون قشور وطريه

( وحنا بهالطريقه نخلي الحبه تستجيب لاي مرهم طبي انحطه )

الطريقه ( شاور بدون اي صابون نحط هالشامبو ( يذكر بعدين )والجسم مبلول بعدها نحط اي مرطب من هالاثنين ان بصراحه اشكل مره هذا ومره الثانيه ومساج خفيف (بدون حك الحبوب نصييييحه ) وننتظر لين ايتشربه الجسم ونلبس ملابس قطن

ونعييييييييييييييمن مقدمن

ionil . T

هالشامبو يا جماعه عجيب الحين قرب يخلص بشتري واحد ثاني

ما احط اي شي غيره
( مشكلتي ما اعرف انزل من الايفون للابتوب اللي يعرف يفيدني فاعذروني هذا اسمه وموجود بجميع الصيدليات الكبيره)

الطريقه _ انبلش بالشعر

قبل الشاور بساعات هذا عاد يرجع لكم انا مالي وقت معين بالتجربه

انا جربت ثلاث شغلات وكلهم نفس النتيحه راحه من القشور والحكه وكل يومين اسويها

1- زيت سمسم مع اشوية خل

2- زيت الخوا جوا مع كسرة مره حاطتهم بعلبه اصغيره ولي خلصت سويتها واخذ منه واحط عالصدوفات الحلوات

3- هالخلطه احبها حيل نتايجها فوريه
بالغرفه

اول شي نحط الشامبو ( لايكون نستوه اللي موجود فوق اسمه )

ونفرك بدفاشه اشويه ونحط فوقه خل التفاح بس عالصدوفات بدون تخفيف الخل

وننتظر عليه ابو نص ساعه او براحتكم وانغسله بدون اي شامبو

وبعدها احط الدايفونكس السائل

نجيي عالجسم

انا مستغربه شي يا جماعه واتمنى احد يفسرلي هالسر اللي اعتبره سر من اسرار الصدفيه
ليش بعض الصدوفات بسرعه لو مرطب اوفازلين وفي البعض لو تدهنها مني لباجر معنده لا وتعزم الربايع بعد

بس انا وراج يالصدفيه الحلوه ( اخاف تزعل بعد )

اول شي واللي يعرفني دايمن انصح بالترطيب ثم الترطيب

حنا بالشتا يا جماعه انتم بس شوفوا الايدين شلون جافه وناشفه فشلون الصدفيه

فالكريمات اللي جربتها ذاكرتها فوق

الشاور

هم بعد الشامبو اللي منسدح فوق ( يا ليل الشامبو منعذره يوم خلص )

مستهلكته عدل

الجسم ناشف هاا ناخذ من الشامبو ونحطه عالجسم ونركز عالصدوفات ومساج لطيف خفيف بدووووووووون حك للحبوب

يعني خذي راحتكم بالخطوه لا تستعجلون
بعدها علا طول احط ملح اليود مال الطبخ شاريه واحد خاص فيني وحاطته بالحمام عزكم الله
ونتسبح بماي دافي لا بارد ولاحار

ومثل ما قلنا قبل قبل لا ينشف الجسم
علاطوووول ترطيييب

وقبل النوم احط من المرهم اللي احبه حيل ومأدرش استغني عنو

الدايفوبيت طبقه خفيفه وبيجامه قطن ( لا تلبسون صوف انا شخصيا اتحسس منه )

بالاضافه الى

اوميغا 3

زيت كبد الحوت ( نتذكر علاطول الاخ سعيد )
ههه

والجديد اللي جربته قبل اسبوعين واكثر

الفوليك اسيد
ومضادات الاكسده

كل واحد حبه

والغدا يومين عيش ابيض مطبوخ بزيت زيتون وملح خفيف مع روب اكتيفيا وخس وبقدونس

ما بغينا انخلص

هذي تجاربي بين ايديكم واعذروني طولت عليكم اي سؤال انا حاضر

وادعولي

عسا الله يحفظ ابو اعيالي ويسخرله لي
ويحفظ اعيالي ويوفجهم

[جودينا]

مرحبا احساس

ماشالله عليك اكثير شغلات استخدمتيها في اسبوعين باين عليك متفرغه لها صح

الله يعين

يعطيك العافيه ماقصرتي

وصوره شامبو ionil . T هذي هي جبتها من google

تحــــــــــــــياتي

[صمت الحرمان]

انا منتشره علي هل ايام مع البرد

بجرب طريقتك السمسم والخل مهبله في شعري

الله يعطيك العافيه

الله يشفينا

[احساس زوجه 1]

جودينا ههه

من صجك قاعدتلها قعده

[احساس زوجه 1]

صمت الحرمان

جربيها

حلوووووه

[بوسطن]

الف شكراختى لطرح الموضوع وتجاربك الجيده
اتمنى تواصلين للان امراض الجلديه تحتاج وقت طويل لظهور النتائج

[عمار الشاطر]

يووه الصدفية اريح !!

امزح بصراحة مجهود رائع

[Haiytham]

جزاكي الله خيرا أختي احساس زوجة , وصفة مفيدة , ربنا يخليكي

[احساس زوجه]

هههه

ضحكتني تعليقاتكم

بس صدقوني صحتنا تستاهل اكثر

وبوسطن شاكره مرورك

واكيد الصدفيه يبيلها قلب قوي ومثاير

[reem50]

انا دائما اقول ان الصدفيه ممكن علاجها بس تحتاج صبر ودقه في الاختيارات
وغالبية اللي يقولون دمرتنه الصدفيه تلاقيهم لايصبرون على علاجها
وانتي والحمد لله صبوره
انا اقول عن تجربة زيت الخواجوا كانت رائعه ومريجه بشكل كبير ويجب ان نظيف هذا الزيت الى الزيوت المهمه في علاج الصدفيه مثل زيت الكتان وزيت البابونج وزيت حبة البركه وزيت الخواجوا وايضا زيت السمسم مهم جدا جدا خاصة للترطيب وقد نصحني به احد العشابين واكد عليه للصدفيه كما اكد الكثير من الاعضاء
تحياتي وبارك الله بك