مطبخ نور ( ملاك النور ) بالصور

[نور]

حلو المعكرون

[نور]

شوكولا بالبندق

[نور]

حلاوة الجبن بالقشطة

التزيين زهر الليمون و الفستق الحلبي مع القطر

جبنة عكاوي بدك تكوني ناقعتيها منيح و مصفية المي عنها قبل بوقت
و شي كوب من السميد الناعم و البعض بيحط سميد خشن ( يعني الناعم هو ما يسمى طحين فرخة ) و هو عادة بيكون أنعم بحلاوة الجبن .
ماء زهر

شوية قطر ممكن تحتاجيهم خلال طبخها

و بس هاي هي الشغلة

بس بتحطي الجنبة على النار و بتبقي تحركيها لتذوب الجبنة و بتطلع كل ميتها
ساعتها بتصيري تضيفي من كوب السميد الناعم لحد ما تتشرب كل المي اللي طلعتهم الجبنة

و بتضيفي شوية ماء الزهر

و لو حسيتيها سمكت ممكن تضيفي برضة شوية قطر ( شيرة )

بتبقي تحركي حركة سريعة فيهم شوي

بعدين على الكاونتر و الأفضل يكون رخام الشغل عليه أسهل بتحطي كمية من القطر
و بتصيري تمدي من الجبن المطبوخ عليها و بحركة سريعة مع القطر بتصير تمد معك بسهولة

بتقدري تحشيها بالقشطة و بعدين تقطيعها و هيك أنا عملت

و بتقدري تقطعيها من الأول قطع صغيرة و تحشيها

و بتزينيها باللي بدك ياه


في طريقة تانية البعض بيعملها و هو أنهم بيذوبوا الجبنة بحمام ماء ساخن و بيجهزوها بباقي الطريقة فوق بس على حمام الماء الساخن

هالطريقة أفضل من ناحية أن الجبنة بالآخر خلال حشوها بتبقي عم تضمني أنها تبقى طرية أطول وقت ممكن



البعض بياكلوا حلاوة الجبن بدون حشو ، يعني يتم تقطيعها قطع صغيرة و يتم أكلها لوحدها أو مع اضافة القطر عليها ...

[نور]

قطايف بالجبن

[نور]

رول فيليه الدجاج المحشي






















































صدور الدجاج ، ندقهم شوي عشان يصيروا فيليه جاهزين للحشي

منحط عليهم البهارات اللي بدنا اياها ، انا نوعت بالبهارات ، و من ضمن البهارات أورغانو

حشيتهم بالخضار ( فليفلة خضرة و حمرة مع جزر ) و جزء ( لحمة مع بصل ) و منهم ضفت على اللحم الفليفلة ، و شي بفستق حلبي

بعدين منلفهم ، و نمسحهم مسحة خفيفة بالبيض ( ممكن الإستغناء عنها ) و نغلفهم بالطحين

مع ملعقة زبدة وملعقة زيت ، نشوحهم شوي عشان نغلف الدجاج منيح ، و ما يصير الطعم مثل المسلوق لو مباشرة حطناهم بالفرن ، لهيك يتم التشويح قليلاً

بعدين نحطهم بالصينية ، و نحط عليهم الصوص اللي بدنا ياها و اللي بتحبها العائلة ...

[نور]

وجبة خفيفة للأطفال
























مرتديلا بفستق ، و دجاج مدخن ، مع جبنة قشقوان
زيتون ، خيار ، مخلل خيار و بندورة كرزية


هو الفكرة هيك للأطفال عشان تكون فكرة جديدة من وقت للتاني
و شغلة تانية ممكن الأطفال برضه يساعدوا بالخطوات و يشاركوا بالتحضير













هدول التوست المقطعين بالقطاعات








باقي التوست اللي طلع من التقطيع عملت فيهم
كنافة بالتوست و الجبن و القشطة و السميد و الحليب ...

[نور]

كبسة ريش الغنم








هون تبلت الريش بالبهارات المنوعة







حضرنا البصلة قبل ما نبدأ بتشويح الريش شوي







بعد ما تم تشويح الريش و حطيت فوقهم بندورة و باقي البهارات و اللومي و الفلفل و البهارات الجافة











هون و هم عم يستوا






بس استوا الريش منشيلهم على جنب و نصفي المي اللي طبخنا فيهم الريش ، و نحضر فيهم الرز البسمتي المنقوع














بس نحط الرز و بعد ما يبدأوا يغلوا ، نصف الريش فوق الرز و نغطي على الطنجرة بقطعة قماش على الغطاء و نتركهم حتى يستوا



بس يستوا ، نصبهم بصحن التقديم و نعيد صف الريش على وجه الطبق و نضع عليهم اللوز ... و بجانبهم الصوص

[نور]

هدول البطاطا و الجزر و الفطر مع الروزماري و تغيلفة خفيفة من زيت الزيتون ، مع السمك الفيليه المتبل ببهارات السمك قبل ما يدخلوا على الفرن

[نور]

حلاوة الرز و هي كالتالي


نسلق رز مصري ، بعد السلق نقوم بطحنهم على المطحنة حتى يصير الرز كريمي


نحطهم بالطنجرة و نصيف فوقهم السكر ، و ماء الزهر و ماء الورد ، و رشة مستكة

يتم طهيهم على النار حوالي 8-10 دقائق


بعدين نضيف الجبنة عليهم و طوال الوقت و نحن نحرك بشكل سريع إلى أن تذوب الجبنة بالكامل

و تتعشق الجنبة بالرز و يندمجوا سوياً


نصبهم بصحن كبير أو بصحون صغيرة


و مقابلهم نحط قطر ...


كتير طيبة جربوها ....



و صحة و عافية للجميع ...



طبعا من الصعوبة التصوير خلال شغلهم لأن بدهم حركة سريعة
من أول ما نحطهم على النار إلى وقت صبهم

[نور]

نمورة