علاقة القولون بالصدفية

[حلا..]

السلام عليكم ورحمه الله وبركاته

انا بعد بطني خرباااااااااااااااااااااانه بس مدري هو قولون ولا لا بس احس اعراض القولن فيني بس مارحت لباطنيه خايفه يقول معي قولون عصبي
لان يجين يانتفااخ ومقدر اكل لبن ولا اشياء فيها حليب ولا اشياء مقليه واذا حسيت بتوتر بطني توجعني حييل

يمكن يكون علاج القولون سبب للعلاج انشاء الله ياااااااااااااااااااااااارب

[قاهر الصدفيه]

مدام يجي عندك انتفاخ فيمكن يكون قولون عصبي انا قلت يمكن ماقلت اكيد
انتبهي لا تروحين تشيلين هم وتقولين لاهلك ان عندك قولون
انا قلت يمكن واحتمال مايكون قولون لازم تتاكدين
والا اقولك انسي اني قلت لك انه يمكن يكون قولون

[حلا..]

خخخخخخخخخخخخخخخخخخ

لا انا متآكده بنسبه 90% واصلا عااادي جدا لو طلع معي صايره انا والامراض اصدقاء الحمدلله ع كل حال

لان حتى يوم كنت منومه في المستشفه بسبه الصدفيه
كشف علي دكتور الباطنيه وقال عندك مشاكل بس طنشت من بعدها

[بنـ الكويت ــت]

انا كنت ناويه اسوي غسيل بس امي موراضيه
انا كنت حاطه ابالي يعطوني ادويه وتنظف قولوني !
مادري ان الطريقه جذي :|
احس هونت !
فوق مانه محرج واحس يعور ويضايق ماي يدخل بجسمك :s
عفيه الي بجرب خل يطمنا بعدين عن الطريقه ويقولنا سهله او لا ؟
والله مايندرى احتمال كبيير يكون هالشي شفاء لنا من الصدفيه يارب

[أبوخريش]

السلام عليكم ورحمة الله وبركاتة
كيف حالكم يا اخوني ملتقى الشفاء
انا بعد من زمان والباطنية عندي تعبانة
وبرضة عندي حرقان ،
بس اكيد القالون له دخل في الصدفية
واذا ماهو القالون يمكن المعدة
حداهم هم السبب في الصدفية
الله يشفينا ويشفي جميع المسلمين
ودمتم بخير

[بنت العم]

هلا بالكل الي اعرفه والي ما اعرفه ....الي اعرفه اقول كيفك؟ والي ما اعرفه اقوله اهلا تشرفت
اليوم دقيت على مستشفى سعد عندنا بالخبر وقالوا اي عندنا غسيل قولون وقلت:حلو ابي احجز ...لكن قبل الي بسوي الغسيل الدكتور او الدكتورة او ممرضه(عاد مجازف شارح الطريقة)زين اني مارحت وتفشلت
قالت لي :ما عندنا حد يسوي غير دكتور
قلت لها شكرا بطلت
اوووف خسارة كان ودي انظف بطني الخايس يمكن تروح الصدفية الأخيس هههههه

[بنـ الكويت ــت]

الله يهداهم ليش ماكو مره يعني ؟؟
انا حتى لو في مره ماراح اسوي عقب ماقريت الطريقه !
اوف موناقصين
ليش مايدخلون الهوز من داخل الفم ؟
عاد ياحلاتي وانا يضخون الماي من حلجي وجذي ينتفخ بطني واسير نفس البالونه
<< متاثره بالببايات

[بنت العم]

والله كله اخس من بعضه لا يدخل من فوق ولا من تحت
كله عذاب
بس وش نسوي ابغى افتك من الصدفية
قسم بالله اليوم جيت بروح عند ناس جاتني الصيحة ...صعب اللبس ..لازم مريح وساتر ولا يحك
علة تعل الصدفية
يارب اشفيني منها يارب

[البنان2]

غسيل القولون يخفف المرض وحدته ولكن لا تشفيها
فاعتقد ان وصلت بنسبه 75% اشبه بالمعجزه
فاستمر واسال المولى عز وجل ان يمن لنا ولك بالشفاء

بارك الله فيك

[mojazaf]

توصية بالتخلص من السموم في الجسم وتخفيف الوزن

عيادة التغذية
الاسم / الطول العمر الوزن

تاريخ الزيارة / /14 هــ وزن البداية ك
رقم الملف موعد المراجعة / / 142هـ موعد المراجعة / / 14هـ

نظام الثلاثة ايام ( الديتوكس )
يعتبر لديتوكس طريقة جديدة لمساعدة الجسم على التخلص من السموم المتراكمة فيه
والطريقة المثلى للقيام بهذا النظام هو تخصيص يومين أو ثلاثة حيث يتم التوقف عن
تناول جميع المأكولات واللحوم والشيكولاتة والشاهي والفهوة والمشروبات الغازية
والاكتفاء بقدر كبير من الماء والخضار والفاكهة الطازجة فقط وعلى الرغم من ان هذا
النظام يساعد على تخفيف الوزن إلا انه عرفه الطب القديم لعلاج امراض اللجهاز التنفسي والالتهابات لفطرية وتقوية مناعة الجسم

اليوم الاول :
( 3 ) كأسات ماء فاتر على الريق
الافطار كوب عصير ليمون أو برتفال أو تفاح طازج
الغداء سلطة خضراء + طبق خضار مسلوقة أو بالفرن
العشاء سلطة فاكهة طازجة ( حسب الفاكهة المذكورة )
قبل النوم كأس شاي اخضر بالنعناع

اليوم الثاني
الافطار كوب ماء فاتر + كوب عصير ليمون على الريق
قبل الغداء حبة فاكهة ( حسب الفاكهة المذكورة )
الغداء خضار مسلوقة أو بالفرن + سلطة خضراء
العشاء سلطة فكهة ماعدا ( حسب الفاكهة المذكورة )

اليوم الثالث:
الافطار( 2 ) كأس ماء فاتر
قبل الغداء ( 50 ) جم جبن ابيض خالي الدسم او جبن قريش + ربع خبز اسمر
الفداء شوربة خضار + سلطة خضراء
العشاء ( 2 ) كأس عصير فاكهة طازجة ( تفاح او برتقال )

قبل النوم
كأس نعناع أو شاهي اخضر
ملاحظة : عند الشعور بالجوع يتناول
طبق خس + جرجير + خيار + فلفل اخضر + قليل من الجزر + عصير نصف ليمونه
الفاكهة ( تفاح أو برتقال أو كمثري أو يوسفي أو بطيخ أو جوافة أو فراولة )