د.سمير عبدالغفار فيني ورم ليفي ارجو المساعدة ؟؟

[sh0sha]

السلام عليكم ورحمة الله وبركاته

مرحبا بالجميع انا عضوه جديده .. شاركت لانني احتاج للمساعده
والله يجزي خير اللي عمل الموقع واللي ساهم بنجاحه

اناا فتاة عمري 24 سنه غير متزوجه ... اللي حدث اني اكتشفت بمحض الصدفه ان فيني وروم ليفي
بعنق الرحم .. وهو ورم وااحد ... لاني حسيت باعراض انتفاخ البطن لدرجه تمنعني من الاكل .. والكل يلاحظ ضعف جسمي ..والام اسفل البطن وبالجهه اليسرى ومن الخلف عند الحوض.. انا اعاني من القولون وكنت اظن طول هالمده انه اعراض القولون .. لكن لما شفت ان الحاله لم تعد تحتمل ... فرحت وعملت سونار وقالوو ان عندي الياف ..وحجمها كبير شوي ولكن ما يعرفوون موقعها بالضبط .. فعلى طول الطبيب قال ابره وعملية ومادري ايش ..هني ما استعجلت واناا بطبعي بامور الصحه ما استعجل فيها واحب اتمعن واسال واتطمن ... فانا من البحرين ....
ذهبت الى السعوديه لمستشفى خاص وقامو باللازم من فحوصات عشان يعرفوون وين مكانه لانه مو واضح بالرحم والا بالمبايض ... فعملوو لي اشعه تححد مكانه وحجمه ... وقالوو لي انه مو بالمبايض هني ازددت رعب .. قالو لي انه بالرحم لكن وين بالضبط مو عارفين وطبعا هذا كلام استشاري ومتخصص بامراض النساء
وقالو نسوي العمليه ونتاكد اكثر عملوو العمليه لكن ما قدروو يعملوون شي لان لقو ان الورم الليفي كبير حجمه 9سم وبعنق الرحم فخافوو انه يسبب نزيف ويتم استئصال الرحم ... الدكتوره مصريه والاستشاري ايضا مصري
فخبرووني ان علاجه مو هنا بالخليج برع يا اما بمصر في مستشفى عين شمس او بامريكا ... واحناا مادياا ما نقدر نسافر امريكا ... وقالت ان التقنيه مو موجوده عندنا . وعلاجه ان نقضي على العرق المغذي للالياف.. فقلت اروح لاكبر مستشفى بالسعوديه واللي لها بااع كبير... فذهبت لها وخسرت فلووس بعلم ربي اشلوون دبرناهاا وعطاني ابرتين كل 28 يوم وما نفعت معاي وقال لي الورم نكيس على نفسه وما اثرت الابرتين عليه وبالاخر وبعد كلام الدكتور والثقه اللي عطانه اياهاا والمبالغ اللي دفعناها يقول نفس كلام اللي قبل ولازم توقع بورقه احتمال استئصال الرحم للضروره ... هني قلت لاهلي ماني مسويه العمليه والشفاء من رب العالمين ... وضليت ارقي نفسي وادعي ربي واقره القران ... بعدين لما فتحت على قناة الحقيقه .. اخبرت ابوي ليش ما اروح لعنده واتعالج بالاعشاب ..فابووي وافق ورحنا ... وخذنا العلاج مع الرقيه والقراءه .. ولله الحمد كل شهر ينزل 1سم بفضل الله ثم الدكتور الهاشمي الين وصل الى 4سم .... ففرحت انه تقلص من 9سم الى4سم وكل مره اعمل الفحوص الطبيب يستغرب ويقول واصلي بالعلاج عند الهاشمي .. وبديت اكل زين والانتفاخ قل عندي ... والدوره الشهريه غير منتظمه وكانت تنزل 7 اياام والحين الحمدلله 4 اياام .. لكن بعدها اخذ علاج لمدة شهرين وانا كنت متوكله على ربي وقلت بينزل 2 سم لكن لما عملت الفحوصات قال الطبيب الورم عندج ثابت 4سم .. وقالي تقدرين تاخذين ابره ووو لكن تذكرت الابره اللي عطوني ايااها قبل ولا عملت شي فرفضت ..وقعدت ابحث عن النت ولقيتك يا دكتوور سمير عبدالغفار وقريت موضوعاتك عن الالياف بالرحم ..وانا طالبه مساعدتك لحالتي بعد الله .. مع العلم انه تقدم لي شااب ونعم الاخلاق والدين وولد جارنا ... ووافقنا عليه مبدئيا لكن ما خبرناهم عن اللي فيني خوف انه يأثر على الحمل ... والزواج مابه غش واناا اخبرت اهلي اي شخص يتقدم يخبرونه لانه حراام نغش احد ...وقاعدين نأخرهم الين ما اطيب ان شاء الله ..... فايش تقول عن حالتي يا دكتور وبشنو تنصحني بارك الله فيك ؟؟؟ وهل التقنيه اللي انت تستخدمها قسطره الرحم تفيد معاي .. ولما تمنع عن العرق المغذي .. يزوول الورم الليفي والا انه مجرد تخف الاعراض واناا اخبرتك سابقه اانا الاعراض الحمدلله ليست قويه فقط انتفاخ من غير نزيف ولا حتى اثر على شي ؟؟؟ ولو ازال في احتماله يرجع مره ثانيه ...؟؟؟؟
مع العلم اني ما زلت اخذ علاج الاعشاب من الهاشمي متوكله على الله سبحانه وتعالى
ارجووك تجاوبني .. واسفه عالاطاله ... لكن الله وحده يعلم بالمعاناه اللي فيني

اختكم في الله
شوشه