|
|
|
|
|
|||||||
| ملتقى الجالية المسلمة - Muslim non-arabic قسم يهتم بتوعية الجالية المسلمة وتثقيفهم علمياً ودعوياً مما يساعدهم في دعوة غير المسلمين الى الاسلام |
 |
|
|
أدوات الموضوع | انواع عرض الموضوع |
|
#1
16-04-2009, 03:24 AM
|
||||
|
||||
تعليق الأخت التي أسلمت على البالتاك(ياسلام على الاسلام)
السلام عليكم ورحمة الله وبركاته  هذا هو تعليق الأخت التي أسلمت على البالتاك - ثبتها الله - على تعليقات الأخوة في تسجيلها بموقع الطريق إلى الله وهي تكتب باسم  jesus was my king التعليق :jesus was my king ( الجمعة 1 ربيع الثاني 1430هـ ): السلام عليكم لو فضلت اشكركم طول عمري على الكلام الجميل السمعته منكم مش حوفيكم حقكم قريت كل تعليقاتكم كلها كلها اللي بالعربي واللي بالانجليزي قريت كل دعواتكم الجميلة ودعيت لكل اللي طلب الدعاء زي ماهو كاتب بالظبط ربنا يخلي الاخت الطيبة اللي عرفتني بموقعكم ده بعتتلي الرابط على البالتوك ودخلت وقريت كلامكم وبجد خليتوني ابكي من الفرحة اكتر واكتر فرحتي انكم سامحتوني على اللي كنت باقوله في حقكم وفي حق دين ربنا وفرحتي باخويا المسلم اللي بيقول انه تاااااااااب ورجع لربنا وانه انا السبب بجد فرحتي ماتتوصفش صدقوني وفرحتي كمان اني عرفت اتواصل مع الناس الجميلة دي وارد على كلامهم الجميل وبرغم انتشار التسجيل بطريقة رهيبة مكنتش اتوقعها ولا كنت عاملة حسابها الا ان باشكر ربنا اني في امان ومحدش عرف انه انا اللي باتكلم وده ستر من الرب عليا عشان بعد ما شفت الانتشار ده بصوتي فضلت اصلي لربنا واقوله يسترني ويخبيني وان محدش يعرف انه انا حتى لو امي اللي سمعته كمان انا كنت بردانه والصوت كان متغير من عند ربنا طبيعي بسبب البرد اللي كان عندي مش معقولة ربنا يكلمني ويكون معايا ويعرفني طريقه ويسيبني بعدها يستحيـــــــــــــــــــــــــــــــــــل انا ايماني بستر الرب و حمايته ليا بيوازي ايماني بوجوده انا مش خايفة لان معايا اللي خلقني وخلقكم هل انا لو طلبت من حد فيكم حماية حيتخلا عني؟؟؟ طيب لما اطلب الحماية من الرب اللي عملني وصنعني ونورني هل حيتخلا عني؟ مستحيل لازم ده يكون جواكم ومتخافوش عليا حيجرالي ايه؟ حاموت؟ طب مكلنا حنموت فيها ايه؟ لما اموت وربنا في قلبي احسن ما اموت وانا كنت باشتم على دينه ورسوله بجهلي وغبائي ده انا باساله قالي قال الله شفتم عظمته ؟ سالته سؤال جابلي سورة بتقول قال الله يعني بيكلمني وبيقولي بنفسه الجواب وانا باساله هل حيسيبني ويخلي البشر يقدروا عليا؟ مستحيل وابشركم اني باصلي كل الصلوات كلها كلها وليا اودة بتاعتي لوحدي باكون فيها براحتي باصلي فيها وباحفظ القران ومعايا البنات المسلمات على البالتوك باراسلهم وبيعلموني كل حاجة وكمان انتسبت لغرفة صوتية بيحفظوني قران وكمان حفظت سورة النبا والنازعات والمطففين وشوية سور صغيرة وكمان بادخل مواقع اسلامية وعرفت حاجات كتيرة عن الاسلام كتيرة كتيرة جميلة ولو كنت عرفت الحاجات دي وقريت عنها كنت اسلمت من زمان من غير ما الف وادور واتعذب واسال الاسلام طلع جميل مش زي ما كنت فاكراة ابدا مكنتش باتعلم عن الاسلام غير شبهات وحاجات اكتشفت ان كلها حاجات غلط والمسلمين ردوا عليها رد منطقي ومقنع واكتشفت ان كله بيكذب عشان يشوه الاسلام الرائع واكتشفت ان اعظم انسان في الدنيا هو اللي الناس دي بتكرهه وبتشتم عليه وبترسمله صور وحشة محمد رسول ربنا العظيم البطل القوي الطيب الحنين العبقري من غير كراسة ولا قلم ازاي يقول كلام زي ده ازاي وهو مدخلش مدارس ولا اتعلم ازاي يقول الكلام اللي قريته عن الاعجاز العلمي في القران والبحر المسجور ازاي عرف ان تحت مية البحر في نار لوحده من غير مايدخل مدارس ولا يتعلم ولا كان حد يعرف الكلام ده يااااااااااااااااااااااااااه نفسي اكتبلكم كل حاجة قريتها عنه نفسي نفسي انا كنت رمز الجهل والتخلف والتعصب الاعمى انا كنت رمز التكبر والعناد وعما القلب والعقل بس الكريم العظيم الرب اللي خلقنا مرضاش يسيبني كده وحن وعطف عليا مرضيش يسيبني حيرانة وتايهة وتعبانة ومش عارفة اعيش ساعدني ووقف جمبي وكان يقدر يسيبني جاهلة وتايهة ويموتني وانا بعيدة عنه لكن لقيته بيحبني وقبل ما اساله واكلمه ويجاوبني كنت باتابع الاسلام على الفضائيات وعلى المواقع لكن كنت باتعامى عن اللي باشوفه وباسمعه كنت باسمع اسئلة المسلمين للشيوخ في حاجات في حياتهم والاقي الشيخ رد على المسلم برد مقنع وكنت باحط نفس السؤال اللي ساله المسلم بس في المسيحية واقول لو انا مكان المسلم ده كنت عملت ايه وايه الرد المسيحي على السؤال اللي ساله المسلم ده؟ كتير مكنتش بالاقي ردود واضطر امشي من دماغي عشان كده لما اسلمت حسيت ان ليا رب ممشيلي كل حاجة مفيش حيرة ولا توهان اي حاجة في الدنيا ربنا راسمهالي عشان امشي عليها في حياتي وعيشتي ومعاملتي معاه ومع الناس علمني ازاي اكل وازاي اشرب بطريقة ترضيه علمني ازاي اناجيه وازاي احبه علمني ازاي اعمل اللي يرضيه مخلانيش امشي من دماغي لان الحقائق نسبية ومختلفة عند الناس واللي اشوفه انا صح ممكن يشوفه غيري غلط عشان كده ربنا رسم الطريق الصح المباشر اللي مينفعش يتدخل فيه بشر عرفني ازاي اصلي مخلانيش اصلي بمزاجي وغيري يصلي بمزاجه وكل واحد ماشي مع نفسه حتى في مساعدتي للفقير عرفني اساعده ازاي وبالتفصيل كمان اتعلمت عن الصلاة والصيام والزكاة وقريت عن الحج والقران والوضوء والنظافة عرفت المكان اللي حاكون فيه شكله ايه لو ربنا حبني ماشية وشايفة الطريق قدامي وعارفة رايحة فين وحيجرالي ايه بعد كده ايمان غريب واحساس اغرب عمري ما حسيته في حياتي كل يوم بيزيد بيزيد عمره ما بيقل ابدا ابدا بقيت كل ما اسمع الادان افتكر رد ربنا عليا كل يوم خمس مرات اسمع الادان بقيت استنى الادان واتمنى اسمعه عشان بيفكرني باللحظة الجميلة اللي كنت فيها مع ربنا بقيت عايشة اتمنى اعيش في بيت مسلم اعلق فيه قران على الحيطة بالسورة اللي باحبها بقيت عايشة اتمنى اشغل قران بصوت عالي في الكاسيت واسمعه بحرية زي المسلم ما بيعمل بقيت عايشة اتمنى اقلد المسلمة واشيل مصحف اقرا فيه في المواصلات واقول للناس يا عالم انا مسلمة ومؤمنة بالكتاب العظيم ده بقيت عايشة اتمنى امشي بحجاب زي البنات المسلمين واخبي نفسي من الارف اللي باشوفه في الشارع نفسي ومنى عيني اقف في وسط مسلمين كتير في جامع واصلي ونكون كتير زي ما باشوفهم بيصلوا تحت البيت في صلاة العيد وفي رمضان نفسي اروح الجامع وادخله واحضر فيه دروس زي البنات اللي باشوفهم خارجين من الجامع بعد الدرس نفسي اقلدهم واكون زيهم مش عارفة نفسي اعمل رنة في موبايلي بتقول الله اكبر مش عارفة يا بختك يا اللي اتولدتي مسلمة مش بتلاقي اي صعوبة في الحاجات دي وبتعمليها براحتك من غير ماتخافي ان حد يشوفك لكن مهما كانت الصعوبة ومهما كنت مش قادرة اعمل كده علني الا اني بحبـــــــــــــــــــــــــــــــــــــــك يا رب الكون وربي ورب كل المخلوقات بحبــــــــــــــــــــــــــــــــــــــك يا رسول الله وبحب كل اللي بيحبك عشان انت اللي علمت الناس القران اللي جاوب على اسئلتي مكذبتش ومخبيتش وبرغم حب صحابك ليك وبرغم اللي سمعته انهم كانوا يتمنوا تراب رجليك الا انك مادعيتش انك اله او رب كنت تقدر تقول انك اله وانك ربنا لو كنت عايز شهرة وحب اكتر وكانوا حيصدقوك ماداموا بيحبوك الحب ده لكن انت معملتش كده واديت دورك زي ما الرب طلبه منك وهمه كمان حطوك في المكانة اللي تستحقها بجد منتهى العقل والنور حياته وحياة اصحابه وانا معاك لاخر نفس في حياتي ولاخر دقة في قلبي يا رسول الله طولت عليكم؟ معلش اتحملوني لكن مقدرتش ماعلقش بعد ما قريت كلامكم الرائع وانا حادخل اشارك معاكم في المنتدى ويشرفني اكون اخت ليكم لكن ليا طلب من كل اللي حيقرا تعليقي ده انه يدعيلي ان الرب يستر عليا ومحدش يعرف اني صاحبة التسجيل ده لحد ما اموت لان مهما كنت حاسة اني اسيرة ومش قادرة اعلن اسلامي ومش قادرة اعيش زي المسلمين الا انه اهون من اني اكون تحت مراقبة او اني ماعرفش اصلي في اودتي او احفظ قران لان حتى الحاجات البسيطة اللي باعملها دي حاتحرم منها ومش حاقدر اعملها لو حد من اللي حواليا عرف لحد ما ربنا يتمم خطتي الجديدة على خير واحتمال قريب تسمعوا خبر مفرح بزواج من شاب مسلم في كندا صلواتكم ودعواتكم معايا السلام عليكم منقوووووووووول ولا تنسونا من دعائكم سبحان الله والحمد لله ولا اله الا الله والله اكبر سبحان الله وبحمده سبحان الله العظيم اللهم صل وسلم علي نبينا محمد
__________________
|
|
#2
16-04-2009, 04:40 AM
|
||||
|
||||
رد: تعليق الأخت التي أسلمت على البالتاك(ياسلام على الاسلام)
طبعاً ربنا يثبتها يارب لكن في بعض الكلمات فيها اخطاء طبعاً رب العزة سبحانه وتعالى لا يتحدث مع أحد ولا يكلم أحد فهى تقول قلت له وقال لي وهذا لا يجوز قوله فالله سبحانه وتعالى لم يكلم إلا موسى عليه الصلاة والسلام كليم الله فقط .. فأرجوا ان ننتبه لبعض اللفاظ التي تكون في الموضوعات التي نقوم بنقلها ..ونحذر من دخول موقع البلاء توك هذا لانه فيه الكثير من الأخطاء وخاصة من لا يكون على علم صحيح حتى لا يهتز تفكيره في وسط الكم الكبير من الغرف السب في الاسلام والمسلمين جزاكم الله خيراً
__________________
|
|
#3
16-04-2009, 05:19 AM
|
||||
|
||||
|
رد: تعليق الأخت التي أسلمت على البالتاك(ياسلام على الاسلام)
السلام عليكم ورحمة الله وبركاته
الحمد لله على نعمة الإسلام وكفى بها نعمة نحمد الله على هدايتها نسأل الله لها ولنا الثبات نسأل الله لها التوفيق فى أمور حياتها وإعانتها فهو خير معين ونسأل الله الهداية لمن كان مثلها يسير فى دروب الظلمة والشكوك ويرشدهم إلى طريق الهداية المنير وأن يرزقها الزوج الصالح والبيت المسلم الذى تحلم به وتعيش حياتها بحرية جزاك الله خيراً أخى الكريم على هذا الطرح المؤثر
__________________
 . اللَّهُمَّ اقْسِمْ لَنَا مِنْ خَشْيَتِكَ مَا يَحُولُ بَيْنَنَا وَبَيْنَ مَعَاصِيكَ وَمِنْ طَاعَتِكَ مَا تُبَلِّغُنَا بِهِ جَنَّتَكَ ، وَمِنَ اليَقِينِ مَا تُهَوِّنُ بِهِ عَلَيْنَا مُصِيبَاتِ الدُّنْيَا ، وَمَتِّعْنَا بِأَسْمَاعِنَا وَأَبْصَارِنَا وَقُوَّتِنَا مَا أَحْيَيْتَنَا ، وَاجْعَلْهُ الوَارِثَ مِنَّا ، وَاجْعَلْ ثَأْرَنَا عَلَى مَنْ ظَلَمَنَا ، وَانْصُرْنَا عَلَى مَنْ عَادَانَا ، وَلاَ تَجْعَلْ مُصِيبَتَنَا فِي دِينِنَا ، وَلاَ تَجْعَلِ الدُّنْيَا أَكْبَرَ هَمِّنَا ، وَلاَ مَبْلَغَ عِلْمِنَا ، وَلاَ تُسَلِّطْ عَلَيْنَا مَنْ لاَ يَرْحَمُنَا
|
|
#4
16-04-2009, 05:27 AM
|
||||
|
||||
|
رد: تعليق الأخت التي أسلمت على البالتاك(ياسلام على الاسلام)
[quote=أم عبد الله;691360]
لكن في بعض الكلمات فيها اخطاء طبعاً رب العزة سبحانه وتعالى لا يتحدث مع أحد ولا يكلم أحد فهى تقول قلت له وقال لي وهذا لا يجوز قوله فالله سبحانه وتعالى لم يكلم إلا موسى عليه الصلاة والسلام كليم الله فقط نعم أختى جزاك الله خير على التنبيه سيفيد من لا يعرف بالتأكيد علينا أن نقدر ما هى فيه فمن فرحتها جعلتها تقول ما قالت بكل عفوية أبى جميع الناس وعجزوا عن الرد عليها فقدر الله وما شاء فعل أن تصعد فى هذا الوقت بالذات وقت الفجر ويأذن الآذان وتسمع القرآن وكأنها رسائل ربانية ليهدى قلبها ويخلصها من عذاب ما تلاقيه نسأل الله الثبات لها
|
|
#5
16-04-2009, 07:48 AM
|
||||
|
||||
|
رد: تعليق الأخت التي أسلمت على البالتاك(ياسلام على الاسلام)
اقتباس:
ولكن هي حديثة العهد بالاسلام  وارجو ان تستمعي للمادة لكي تفهمي مقاصدها فهي صادقة في كل ما قالته وتعيش حالة من الايمان لم تستطع ان تعبر عنه جزاك الله خيرا على حرصك
__________________
|
|
#6
16-04-2009, 07:51 AM
|
||||
|
||||
|
رد: تعليق الأخت التي أسلمت على البالتاك(ياسلام على الاسلام)
اقتباس:
 وجزاك الله بالمثل اسال الله ان يجيب دعائك بالتوفيق اختي الكريمة
__________________
|
|
#7
16-04-2009, 07:56 AM
|
||||
|
||||
|
رد: تعليق الأخت التي أسلمت على البالتاك(ياسلام على الاسلام)
[quote=وســـــــــام*;691368]
اقتباس:
ففي تلك اللحظة كلمها الله بشكل غير مباشر وكما قال العلماء من اراد ان يكلمه الله فليقرا القران ومن اراد ان يكلم الله فليدعووهذا واضح جدا شيئ جميل الحمد لله
__________________
|
|
#8
02-02-2010, 01:16 PM
|
||||
|
||||
|
رد: تعليق الأخت التي أسلمت على البالتاك(ياسلام على الاسلام)
بارك الله فيك أخى الكريم ينقل إلى قسم الجالية المسلمة فى أمان الله
__________________
. اللَّهُمَّ اقْسِمْ لَنَا مِنْ خَشْيَتِكَ مَا يَحُولُ بَيْنَنَا وَبَيْنَ مَعَاصِيكَ وَمِنْ طَاعَتِكَ مَا تُبَلِّغُنَا بِهِ جَنَّتَكَ ، وَمِنَ اليَقِينِ مَا تُهَوِّنُ بِهِ عَلَيْنَا مُصِيبَاتِ الدُّنْيَا ، وَمَتِّعْنَا بِأَسْمَاعِنَا وَأَبْصَارِنَا وَقُوَّتِنَا مَا أَحْيَيْتَنَا ، وَاجْعَلْهُ الوَارِثَ مِنَّا ، وَاجْعَلْ ثَأْرَنَا عَلَى مَنْ ظَلَمَنَا ، وَانْصُرْنَا عَلَى مَنْ عَادَانَا ، وَلاَ تَجْعَلْ مُصِيبَتَنَا فِي دِينِنَا ، وَلاَ تَجْعَلِ الدُّنْيَا أَكْبَرَ هَمِّنَا ، وَلاَ مَبْلَغَ عِلْمِنَا ، وَلاَ تُسَلِّطْ عَلَيْنَا مَنْ لاَ يَرْحَمُنَا
|
|
#9
03-02-2010, 02:43 PM
|
||||
|
||||
|
رد: تعليق الأخت التي أسلمت على البالتاك(ياسلام على الاسلام)
جزاكم الله خيرا على هذا الطرح الرائع الذى يشع بنور عظمة الاسلام .. فالحمد لله على نعمة الاسلام وكفى به نعمة وفقها الله وثبتها ورزقها بالزوج الصالح والاسرة المسلمة النقية اللهم اهدنا واهد بنا واجعلنا سببا لمن اهتدى
|
|
#10
24-03-2010, 08:51 PM
|
||||
|
||||
|
رد: تعليق الأخت التي أسلمت على البالتاك(ياسلام على الاسلام)
بارك الله فيكم
__________________
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
|
|
|
Powered by vBulletin V3.8.5. Copyright © 2005 - 2013, By Ali Madkour |
العرض العادي
