سفاجا تحت المجهر

[صدى الدعاء]

المشاركة الأصلية كتبت بواسطة nada1000

والله يا صدى انا صدفيتي بزيد على الشمس مباشرة حتى رحت لدكتور واعطاني
ادوية للتهدئة.
مثل ما بتعرفي هون سهل تروحي للبحر بس كنت اجلس تحت الخيمة وبس ساعة
فقط يريحني الماء المالح.
صرت اكره البحر لانه علاج.
وشكرا للتحقيقات المهمة ,منتظيرين البقية .

انت متأكدة أنو صدفيتك بتزيد على الشمس ؟؟
لأنو في ناس ما بيتحملوا الا الشمس الخفيفة (اذا كانت البشرة فاتحة في الغالب) و هذا ما لاحظته ايضا في سفاجا .
وفي قلة قليلة جدا من الناس .. الشمس بتضر الصدفية عندهم سواء كانت خفيفة او قوية (بغض النظر عن لون البشرة )

بالنسبة لي انا كنت لاحظ اني لا اتحمل الشمس القوية.
مع اني اخطأت كتير في بداية البرنامج .. بسبب انو في ناس بتفرض عليك رأيها ،،
و انا كنت قول :يمكن هني بيعرفوا اكتر مني لأنو الهم فترة طويلة بيترددوا الى هناك
بس ويييييين حتى اكتشفت انو الشمس القوية بتضرني .
و لما عرفت ذلك ...ما استفدت شيء .. لأنو السطح يلي كنا نتشمس فيه كانت الشمس تروح منه في تلك الاوقات ( أول الشروق و آخر الغروب ).
طبعا انا بقصد بالشمس القوية التي هي بعد الثامنة صباحا و قبل السادسة مساء .
أنا كنت أتضايق منها كتير و ما اتحملها .. و الله يسامحهم الي نصحوني ..هني كانت نيتهم حسنة ،،لانهم كانوا بيتحسنوا كتير على الشمس .
لا شكر على واجب..

المشاركة الأصلية كتبت بواسطة جودينا

حلوين سوالفك صدوش شوقتني اروح سفاجا مرا ثانيه

بس انا ما كنت اسأل لأن اغلب المرات ادخل البحر لحالي
ومرات من الطفش اقعد اعد السمك اللي حولي

عم اتخيل منظرك
أنا كنت اجول البحر طول و عرض ...و تعلمت كل انواع السباحة و الغوص و حتى الانقاذ
يعني طلعت بفائدة ما انو ماطلعت هههههه

المشاركة الأصلية كتبت بواسطة جودينا

بس تصدقين صدوش في شي مو فاهمته
الكل كان يقول لي حالتك حاله سهله جدا ومراح تاخذ وقت
واللي قالو لي كانو مصدفين خبراء يجون لسفاجا سنويا من 14 سنه وكانت صدفياتهم منتشره ولمن كنا راجعين كانت ماشالله نسبه تحسنهم ممتازه مقارنه بي وفي ناس اختفت منهم بس هذول جايين من قبلي
المهم ان الاستجابه تتفاوت مادري ليه

صح هي الاستجابة بتختلف من شخص لآخر ..بس هناك بتسمعي كلام كتييييير و بتدوخي من كتر مابتسمعي
المهم يا جودي انو صدفية اليدين بتحتاج وقت .. هذا أولا
و ثانيا : كل الناس الي عندهم صدفية يدين كانوا كتيركتير ثم كتير يركزوا على البحر،،
و هذا الشئ متعارف عليه هناك ... فهل ياترى كنت بتعرفي هذه المعلومة ؟؟؟
و أنا ماشفت و لا حدا بقي هناك شهر بس و شفي تماما.. الشفاء بيحتاج اكثر من شهر(على حسب الي شفته)
بس كمان بيتبع لصعوبة الحالة ... مثلا انا وجدت في القرية فقط حالتين مثلي :
و هم من النوع الي صدفيتهم بتتأثر بكتير عوامل ... و هني يلي صار معهم مثلي تماما ،،
كل مابيصير تحسن و بيوصلوا لمرحلة تحسن ممتاز ..بمجرد مايتعرضوا لدور برد او اي مؤثر تاني كانوا يرجعوا ينتكسوا
و في ناس كان التحسن عندهم بطئ مثلا ..بس كانوا في تحسن مستمر بدون انتكاسات..
و هم بيطولوا حتى يشفوا ..بس بالاخير بيشفوا بفضل الله .

[صدى الدعاء]

اليوم رح نغير الاومبلاج شوي و رح نسلط المجهر على منطقة كلاوي :

بالاول بدي قول انو هذه المنطقة عطتكم عمرها
لأنو لما المعنيين اكتشفوا انو في ناس بتروح الى هناك بسبب ملوحتها العالية ،،
قرروا أنو يستثمروا هذه المنطقة لصالح الاجانب ..
لا يعني مالصالح الاجانب هو لصالح الشعب ،،لأنو الاجانب بالاخيرعبارة عن ثروة اقتصادية سوف تعود بالنفع على لشعب .
المهم ...أما الناس المصدفين من ابناء الشعب المسكين فراحوا يبحثوا عن كلاوي جديدة ،،
و فعلا ...أسفرت رحلة المصدف كريستوف كولومبوس عن اكتشاف كلاوي جديدة
مع انها ليست كما كلاوي القديمة من ناحية شدة الملوحة لكن يعني ماشي حالها
يعني هي صايرة بين ارتفاعين (غير مرتفعين كتير) و شكلها يعني ليس كلية كلية بس شي بيشبه الامعاء
و تتميز المنطقة بوجود الطحالب البحرية على مسافة كبيرة في الشاطئ ..وهذه كانوا يقولوا انو فيها معادن و مواد مفيدة للصدفية(والله اعلم)
و ايضا المميز فيها هو رمالها ذات اللون الاسود و التي تفوح منها رائحة الكبريت .
و يوجد بالقرب من المكان ملاحات ..كانوا الناس ياخدوا منها الملح حتى يستخدموه لما بيرجعوا على بلدهم
بس الملح كان قاسي جدا و بتحتاج فأس و مجرفة حتى تطلعه من الارض
لكن وجود الطحالب على الشاطئ كان يخبي تحته كائنات بحرية ..ممكن تظهر لك باي لحظة (يعني فتحوا عيونكم منيح)
بس المنطقة جميلة بالفعل ..
و طبعا لازم تحرص على اخذ واقي شمسي حتى ما تحترق من اشعة الشمس هناك لأنو رح تضطر تقعد هناك طول النهار ومافي اي مكان ظليل .

[meqdadi77]

الاخت صدى يعني انتي تنصحي بالذهاب هناك ؟؟؟؟؟؟؟؟؟؟؟

[صدى الدعاء]

شاطئ سفاجا :
اولا انا أشهد فعلاان البحر الاحمر نظيف و ومياهه صافية وغير ملوث .
وهو شاطئ جميل و بتشوفوا فيه كائنات بحرية غريبة و أسماك ملونة و ثعابيييين
بس فعلا انو الواحد ممكن يستمتع بالبحر مع العلاج و ذلك باستعمال النظارات الي رحتشوف من خلالها منظر الشعاب الجميل
كان فيه شعاب على مسافة ليست عميقة كتير .
و يوجد بالقرب من القرية شاطئين :

الأول شاطئ رسمي : مزحم بالناس من كل الاختصاصات (مصدفين و مصيفين )
بس هذا الشاطئ مزعج جدا اثناء النهار ..و قليل من المصدفين الي كانوا يرتادوه نهارا بسبب الزحمة.
أنا كنت أعتقد اني رح لاقي شاطئ خاص بالمصدفين لكن الحقيقة هي انه شاطئ عام لكل الناس،،
لكن و الحق يقال فيه شمسية واحدة للمصدفين على يمين الشاطئ ببلاااااش ..وبتلاقيها مميزة عن باقي الشماسي.
لكن هذا الشاطئ ميزته انه رملي ..لكن ما ان بتقترب شوي الى اليسار (يسار مين مابعرف)
حتى بتلاقي الصخور التي تجبرك على الرجوع الى البقعة المحصور فيها الناس.
و نحن كنا نسبح فيه في الفجر فقط ..بسبب انو ماكان فيه كتير ناس وقتها
وايضا كان فيه مراكب فيها اضواء بتساعدنا في تلمس الطريق وقت الفجر
و هذا الشاطئ ليس ضحل مثل التاني ..و مارح تضطر ان تدخل مسافة طويلة حتى توصل للعمق المناسب.

الشاطئ الثاني كان تابع للجيش :
بس هذا الاخير كان ارحم بكتير من الاولاني ..مع انه كان ضحل جداو كمان كان فيه صخور في بدايته ..
بس بيضل ارحم بكتيييير و أنظف و أوسع من الاولاني .
و كنا نسبح فيه النساء في ناحية و الرجال في ناحية أخرى هيييييييك لحتى اجا في يوم من الايام ( ان شاء الله ماتكونوا نمتوا من الملل )
اجا ضابط من الجيش و كان بدو يطلعنا بس ماقدر علينا
والله كانت ذكريات حلوي ..
يتبعععععع

[صدى الدعاء]

المشاركة الأصلية كتبت بواسطة meqdadi77

الاخت صدى يعني انتي تنصحي بالذهاب هناك ؟؟؟؟؟؟؟؟؟؟؟

نعم أخي أنا بنصح بالذهاب الى هناك...خاصة و أن هذه الطريقة (اذا كنت قرأت القصص)
هي طريقة اثبتت نجاعتها و هذا ماشاهدته بأم عيني .
و يمكن تقول أنو يعني مافي ناس لم تتحسن؟؟
و الجواب نعم ... و ماهي الا أسباب ..وكله بيد رب العالمين
وعلى الاقل هي طريقة خالية من الاثار الجحانبية اذا ما اتبعت البرنامج صح و بعيدا عن الشمس الشديدة.
بس كمان انا لاأستطيع ان اجزم ان سفاجا فقط هي التي تساعد على الشفاء .
ربما يكون للبحر بشكل عام نفس التأثير .. بس هم بيقولوا انو ماء سفاجا أملح و غير ملوث و الشمس هناك مركزةبسبب انعكاسها على الجبال .

[سامية الحرف]

ماشاء الله تبارك الله
الله يتمم عليك الشفاء العاجل انه على ذلك لقدير
ونحن في انتظار المزيد من المعلومات المهمه

[سعيد مسلم]

كتابات مميزه و طريقة سرد رائعه للأحداث يكتنفها حس مرهف و دعابه .
و تجعل الواحد لا يمل من القراءه و متابعة الاحداث بفضول و شغف و يصبح في نفسه شيء غريب يختلجه حماسه للذهاب هناك.
شكرا أختي صدى على السرد و ننتظر المزيد

[nada1000]

السهل الممتنع يا صدوش .
برشحك تكوني كاتبة سناريو ومخرجة,على الاضاءة لكل الجوانب.
بس ليش حسيت اول ماكتبت عن الموضوع انك تفاجئت عندما وصلت,
الى سفاجة .

[صدى الدعاء]

المشاركة الأصلية كتبت بواسطة اخت الغلا

ماشاء الله تبارك الله

الله يتمم عليك الشفاء العاجل انه على ذلك لقدير

ونحن في انتظار المزيد من المعلومات المهمه

شكرا لك اختي الكريمة..

[صدى الدعاء]

المشاركة الأصلية كتبت بواسطة saidmoslime

كتابات مميزه و طريقة سرد رائعه للأحداث يكتنفها حس مرهف و دعابه .
و تجعل الواحد لا يمل من القراءه و متابعة الاحداث بفضول و شغف و يصبح في نفسه شيء غريب يختلجه حماسه للذهاب هناك.
شكرا أختي صدى على السرد و ننتظر المزيد

هذه شهادة أعتز بها اخي سعيد ..و هذا فقط من بعض ماعندكم .
و أنا بكون كتير سعيدة اذا استطعت ان ارسم البسمة على وجوه اخوتي في هذا الملتقى .
بس لا تتحمس كتير للذهاب ..لأنو المنطقة جديدة و امكانياتها في مجال السياحة محدود..حتى ماتقول اني لم اقول لك هههههه
انا كنت اتمنى ان احصل على هذه التفاصيل قبل ان اذهب الى هناك ..لذلك تجدني اكتب بهذا التفصيل ال ...الغير ممل على قولتك