طريقه مبتكره لترطيب تشققات الارجل

[ام احلى سمكيه]

طريقه حلوه تكسبك نعومه للارجل الادوات والطريقه

الحجر الخفاف ....وفرشه للاظافر وبين الاصابع وصابونك المعتاد

انا استخدم الفازلين ....او فازلين زبدة الكاكاو ....العلبه اللي تحت لانه كثيف

العلبه الكبيره خفييييف مره للجسم فقط

سعرها 35 ريال

تدهنين رجولك ....وتكثرين اذا كانت اول مره وتركزين على الكعبين والاصبع الكبير المنطقه اللي تحته

وبين الاصابع وخاصه الكبير واللي جنبه للي يلبسون سليبر ابو اصبع ...تصير هالمنطقه يابسه

{ يالله عاد نجي للاكتشاف ...

بللي شرابك واعصريه لايصير ينقط مويه هههههههههه نبي رطوبه بس

البسيه ....

عاد الحين نبي نحفظ هالرطوبه ....شلون ؟؟؟

نلبس عليه كيس بلاستيك شفتو الذكاء

طيب هنا النقطه اللي استشفيتها من فكرة الحذاء الخاص اللي ينباع بالسوق

عشان اخذ راحتي واتحرك ....ماقدر لاني لابسه كيس ورجولي تتزحلق

قمت لبست شراب ثاني طبعا ناشف ....

الله كذا الواحد يمشي براحته

احيانا اكشخ بالشراب ابو بقره

ولا تقولون لي حر ...مو حر لان الداخلي رطب ....وخلي شرابك من النوع الصيفي الخفيف عشان ما تحسي بالثقل

انا البسها واشتغل بالبيت ...

ولا البس عليهم جزمتي واروح اقضي مشاويري ...سوق ...سوبر ماركت ...ولا حتى امشي رياضه

اي شي يخطر ببالي ولا تسدح عند التي في <<<<< حلم حياتي

وبما ان الدعوه كللللها وردي خل اكمل الطقم ....ممكن هالجزمه القماش لو بتتحركين كثير بالبيت اريح لك من الشراب

عاد براحتك ...ساعه ساعتين ...3 ساعات ...اللي يعجبك

اذا خلصتي ممكن تسوين هالخطوه وانتي تاخذين الشور حقك ......ولا تدلعين نفسك وتسوين بدكير

لكنها خطوه بسيطه جدا عشان الجلد الميت كله ينزل وتتنعم الرجل

ولا تنفجعين من رجولك اذا شلتي الشراب ....بتكون مجعلكه ورطبه وحالتها حاله

عادي 5 دقايق وتصير مافيه اروع منها

الحين تنقعين رجولك بمويه وصابون ...وانا اضيف شرايح ليمون

مو لازم تنقعينها لانها اصلا منقوعه ....بس هي هالخطوه للنظافه فقط

بعدين تستخدمين الحجر للكعبين وللمناطق القاسيه ....دعك بحركه دائريه ناعمه

مافيه داعي للفرك لانه اصلا الجلد طري وجاهز عشان يطيح

ونظفي بين الاصابع والاظافر بالفرشه .....هنا بقولكم شي

انا هنا ما راح اتكلم لا عن الجلد الزايد حوالين الاظافر ولا المناكير

لان هالاشياء سهله ...واعتبرها كماليات للرجل ...بالنسبه لي نعومة الرجل والكعبين اهم

غير كذا قصقصة الجلد الزايد تحتاج خبيره تسويه

ولو اني انا افضل ما اقصه ....لما انقع رجولي ادف الجلد لورا بالعود الخاص واكتفي بهالحركه

كذا مره سويت البدكير ...كم يوم ويتجرح اللي حوالين الاظفر ....فبطلت اسويه

مدري هو من البدكير نفسه ولا انا جلدي حساس ...برغم اني سويته عند كذا حرمه ...لكن النتيجه وحده

<<<< قلت لكم حكره وكلش ماحبه

واذا بتدلعين عمرك زود ....استخدمي المقشر ....انا استخدم هالنوع من بودي شوب

Africa Ximenia & Salt Scrub

املاح مقشره للجسم

تحتوي على خلاصة الرز

سعره 99 ريال

هنا نكون خلصنا .....بس نرطب الرجول بالكريم المعتاد اللي تستخدمينه وتفضلينه ...ونحرص اننا ما نمشي حفيانين عشان ما تنشف رجولنا مره ثانيه

انا استخدم هالمرطب من بودي شوب

هذي من الفترات اللي احب ادلع رجولي فيها

بالايام لاعاديه فازلين بزبدة الكاكاو او دوف <------- قصدك اذا طفرتي

الكريم هذا رائع من بودي شوب لليدين والرجلين

Africa Honey & Beeswax Hands & Foot Butter

كريم الاقدام واليدين بزبدة الشيا وشمع العسل

سعره 65 ريال

{ والنتيجه النهائيه انه بعد كم استخدام لهالطريقه .... رجلك باذن الله بتلق لقققق

والزين فيها انها بسيطه وعمليه وغير متعبه ولا مكلفه

احيانا اسويها كل يوم
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــ

منقول وبتصريف مني من منتدى اخر بس شفته عجبني قلت انقله لكم للافاده
والحركه هذي كمان حلوه لليدين وكمان لترطيب فروة الراس قالي الدكتور اغطي راس بنتي بعد دهنها بزيت الزيتون بغلاف بلاستيكي بس بصراحه خفت وقلت لمن تكبر بسويها لها ان شالله .... لا نستغني من دعواتكم

[وائل الدوسري]

يعطيك العافية اختي ام احلى سمكية