معاني أسماء البنات حسب علم النفس

عصافير · #1 15-01-2007, 03:28 PM

ابتسام : رزينه .. و ثقيله .. و خدومه .. بس عقدتها انها حساسه.

أمل : طيبة قلب .. و تفكر ألف مره قبل ماتقرر بشي.

أحلام : قوية شخصيه .. ذكيه .. خدومه .. و دايم تحلم و تخطط حق المستقبل وعندها طموح.

أسماء : هاديه و علطول ساكته .. و مخلصه .. بس غامضه.

ايمان : طيبة قلب .. يحبونها اللي حولها .. مشكلتها انها ماتعرف تعبر عن حبها .. وتحس ان مافي حد يفهمها.

بدور : مثل اسمها حلوه و مزيونه و خجوله .. بس ياويلك منها اذا سويت فيها شي.

بشرى : تحب تثبت نفسها .. ذكيه .. تحب الناس .. غامضه .

بدريه : ثقيله و رزينه .. وكتومه .. يعني اذا قلتلها سر .. تظمن سرك في بير.. بس ثقيلة دم .

بسمه : انسانه ذكيه .. شخصيتها قويه .. ماتحب اللف و الدوران .. اذا حست ان في انسان بيغلط عليها .. تلعن سلسفيل اجداده..

تهاني: خفيفة دم و من خفة دمها أحيان تظن انها موصاحيه.. حذره في تعاملها مع الناس.

تغريد: طيبه و محبوبه من الجميع .. بس فيها عرق سوداني .. يعني ماتقتنع.

جميله : ذكيه .. و جريئه .. و الواحد يعتمد عليها .. مشكلتها انها ماتقدر تمتنع عن الحش.

حنان : خفيفة دم .. خدومه .. مخلصه .. و مطيعه .. بس أحيانا تصير أنانيه بشكل فظيع .

حصه : قوية شخصيه .. محبوبه .. بس للأسف مالها حظ .. دايم مقروده.

حوريه : محبوبه .. و تحب التعارف و الصداقات .. بس انها شرسه .. محد يتحمل لسانها الطويل.

حياة : اللي مايعرفها مايثمنها .. عاقله .. بس شينها انها تحب كل شي قدامها يكون جاهز .

خلود : طيبة قلب .. شخصيتها قويه .. محبوبه من الجميع .. دلوعه .. وراسها يابس.

خديجه : خدومه .. و تحب الناس .. و قلبها طيب .. ماتحب الحش .. و تتعامل مع الناس بطيبة قلب .. بس اذا غلط عليها أحد توريه نجوم الظهر.

دلال : .حلوه و جذابه .. بس مشكلتها انها ضعيفة شخصيه .

ديما : قوية شخصيه .. تتعامل مع الشخص مثل مايعاملها .. كلمتها وحده .. و قلبها طيب .. من طيبته يوديها في مشاكل.

دانه : أهلها يموتون فيها .. دلوعه .. و حلوه ولسانها طويل تعلقه على كتفها..

رشا : ياحليلها .. طيبة قلب .. و دمعتها دايم على خدها .. عاطفيه .. بس ياويل من يغلط على أحبابها ولا يدوس لهم على طرف..

روان : دلوعه .. و محبوبه .. بس دايماً تكون ضايعه في الطوشه يعني ماتدري وين الله حاطها.. خبر خير يعني..

رقيه : مخلصه في شغلها .. ماتحب اللي يلعب بذيله .. متحفظه .. وماتحب اللعب و اللف و الدوران..

ريم : طيبة قلب .. و خدومه .. و على نياتها .. مطيعه .. تحب الناس .. بس مقروده مالها حظ..

رنا : حلوه .. حنونه .. و تحب الناس .. اجتماعيه .. واجتماعيتها هاي تسبب لها مشاكل..

رانيا : دلوعه .. ويعتمد عليها .. بس مشكلتها انها ثقيلة دم..

زينب : حلوه و مزيونه .. و لها شخصيه قويه .. خدومه .. و تحب تعبر عن مشاعرها بطلاقه .. و راسها يابس.

زهره : ذكيه وشاطره .. حبوبه .. تحب الصداقات .. مشكلتها غيرتها اللي تذبحها و تذبح اللي حولها .

زكيه : تحب الضحك .. و المزاح .. و المرح .. شاطره .. و حنونه .. بس لسانها دايم يخونها..

سماح : وفيه .. وحبوبه .. و تفكر بعقلها قبل قلبها في الامور العاطفيه .. بس للأسف انها مقروده مالها حظ.

سلوى : قلبها طيب ..مطيعه و خدومه .. و حلوه و مزيونه .. دلوعه .. بس للأسف مالها حظ .

سعاد : شاطره و ذكيه .. بس شرانيه.

ساره : محبوبه .. ذكيه .. طموحه .. عنيده ..و مزعجه.

سلمى : ذكيه .. شخصيتها قويه .. تحب الحريه و التجديد .. لكنها مزعجه.

سناء : حبوبه و خفيفة دم .. و اذا حبت تبيع الدنيا للي تحبه .. مشكلتها انها تفكر بقلبها قبل عقلها .. و هذا يسبب لها مشاكل .

شعاع : ذكيه .. و مجتهده .. و شخصيتها قويه .. واذا حطت براسها شي لازم تسويه .. بس انها lصعبة..

شريفه : خفيفة دم .. تحب صديقاتها .. و الناس تحبها .. بس وقت الجد جد .. ماعندها مزح و كلام فاضي .. (عسكريه ).

شوق : رقيقه.. و تحب تثبت نفسها .. خوافه.

عبير : مجتهده و شاطره .. و حبوبه و دلوعه .. غامضه .. بس مشكلتها انها متهوره.

عايشه : شاطره .. صبوره .. مخلصه .. اذا حبت أحد تحبه بجنون .. بس مشكلتها انها تمشي ورى هواها.

عزيزه : مخلصه .. رزينه .. ثقيله .. وثقيلة الدم.

العنود : شخصيه قويه .. مزيونه .. محبوبه .. لها شعبيه كبيره .. و ذكيه .. طموووحه .. و ياويل من يتجرء يغلط عليها.

فاتن : حلوه .. حبوبه .. ذكيه .. شخصيتها ضعيفه.

فردوس : ذكيه .. طموحه .. شخصيتها قويه.

لمياء : محبوبه .. تحب تبني صداقات .. و دلوعه .. و ياويله اللي اذا طلبت منه شي و لا جابه لها.

لينا : طيبة قلب .. و على نياتها .. و دمعتها علطول على خدها .. بس تحس ان محد يفهمها.

ليلى : شخصيه قويه .. ذكيه .. حبوبه . تحب المزاح .. لكنها مزعجه.

منيره : واضحه .. ماتحب اللف و الدوران .. صريحه .. و أم حنون .. بس لسانها طويل.

منال : هاديه .. و حلوه . ودلوعه .. وواثقه من نفسها .. بس انها مغروره .

مريم : طيبه و على نياتها .. عاطفيه .. و مندفعه .. تحب الحش.

منى : هاديه .. و رزينه .. ذكيه .. و تحب المظاهر.

مشاعل : محبوبه .. تحب بناء صداقات .. لكنها غامضه .

نوره : شخصيتها قويه .. ذكيه .. و شاطره .. تفكر بعقلها في الأمور العاطفيه .. تحب تزيد ثقافتها .. صريحه ماتعرف تجامل .. مشكلتها انها ماتعرف تعبر..

نوف : تحب بناء الصداقات .. تحب المغامرات ... تحب التراث .. لكن يا حبها حق الحش .

نوال : شخصيه قويه .. محبوبه .. و تحب الناس .. مطيعه .. و عنيده.

ناديه : شخصيتها قويه .. و تحب تثبت نفسها .. تعتمد على نفسها .. وماتحب تغامر بشي .. تفكر مليون مره قبل ماتسوي أي شي
.
هدى : شخصيه قويه .. يعتمد عليها في أصعب المواقف .. خدومه .. لكنها غامضه .. و تحب الحش.

هناء : على نياتها .. تتصرف حسب مايملي عليها عاطفتها .. بدون تفكير .. ذكيه .. خدومه ..

هيا : محبوبه .. تحب اللي يحبها بس .. مطيعه .. مخلصه .. لكنها عصبيه .

هند : عاطفيه .. ذكيه و شاطره .. اذا حبت شي تحب تمتلكه لحالها .. غيوره

هنادي : شخصيه قويه .. تحب الدلع و المظاهر .. ذكيه .. ومحبوبه من الجميع

وفاء : شاطره و ذكيه .. بس ياويل اللي هي تحط عينها عليه.

ياسمين : قلبها طيب .. خدومه .. مزيونه .. لكنها متهوره.

يسرى : شخصيه قويه .. تحب تثبت ذاتها .. و تحب المظاهر...

همس الذكريات · #2 15-01-2007, 03:50 PM

ليش اسمي مو موجود
طيب على العموم
مشكوره ياعسل

عصافير · #3 15-01-2007, 04:00 PM

لأنني لا أعرف اسمك !!!
فإذا عرفت سأبحث لك عن معناه ...

همس الذكريات · #4 15-01-2007, 04:24 PM

لالالا
ماعليك
اسمي لي هههه
مابي معناه
يعطيك العافية

ريحانة دار الشفاء · #5 15-01-2007, 05:35 PM

السلام عليكم
مشكورة على الموضوع الرائع
فى انتظار اسماء اخرى
وين اسمى؟
ريحانه؟

العطوف · #6 16-01-2007, 06:26 AM

اسمي مو موجود اريد معناه رحاب

عصافير · #7 19-01-2007, 07:00 PM

معنى اسم ريحانة :كل نبات طيب الرائحة ............

و رحاب : واسع.......................

قطرات الندى · #8 20-01-2007, 01:13 AM

السلام عليكم اختى الكريمة
عصافير

مشكورة بارك الله فيك
موضوع جميل و لطيف

يعطيك العافية ***

القطوه الحلوه · #9 23-01-2007, 02:53 PM

تسلمين الغاليه عالموضوع الحلوه

في انتظار يديدج

نجمة المستقبل · #10 23-01-2007, 03:32 PM

شكرا كتير ع الاسماءالرائعة

يسلموووووووووووووووووووووووو
عصافير

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
معاني أسماء الأشهر الهجرية	ابو الفاروق	الملتقى الاسلامي العام	21	31-07-2007 12:31 AM
كلمات لها معاني عظيمة	وهج القمر	الملتقى العام	11	16-11-2006 12:43 AM
معاني في سطور	الجواد الاصيل	ملتقى الشعر والخواطر	4	09-09-2006 02:11 AM

الذين يشاهدون محتوى الموضوع الآن : 1 ( الأعضاء 0 والزوار 1)