قصه واقعيه مجزنه من داخل مدرسه تنصيريه بالقاهره

[طالبة الفردوس]

انتشرت فى الآونة الاخيرة و بشدة ظاهرة المدارس التنصيرية المتمثلة فى مجموعة من المدارس التابعة لأديرة ومنظمات نصرانية تجذب اولياء الامور بمستوى التعليم الفاخر و الاهتمام بمستوى اللغه و تحثهم على دفع مصروفات باهظة فى سبيل راحةاولادهم و توفير مستوى تعليمى افضل لهم.
و طبعا كل واحد يقول لك : انا أب و مرضاش لإبنى غير بأحسن حاجة ، و هى الفلوس تسوى ايه جمب راحة ابنى و جمب انه يدرس صح و يطلعلى مهندس و للا دكتور
وانا هنا اعرض لكم الحقائق الغائبة عن كل ولى امر ، فهذه المدارس فعلا مستوى التعليم فيها مرتفع ، و الاهتمام باللغات الاجنبية شديد ، و لكن هل سألت نفسك يوما عما يفعله ابنك فى المدرسة بجانب التعليم ؟؟؟؟ هل سألت نفسك ما هى المفاهيم التى تم زرعها بداخله؟؟؟ هل فكرت يوما فى ان ابنك يقضى فى مدرسته من الوقت أكثر مما يقضيه معك و مع الاسرة؟؟؟
الهدف مما اكتب هو توعية كل من غابت عنه هذه الحقائق ، كما غابت عن اهل ضيفة مدونتنا فى يوم فعلوا المستحيل كى يدخلوها تلك المدرسة، و لكن حفظ الله هو ما أنجاها ، فى حين لم ينجُ غيرها من تلك الافكار الفاسدة التى تم زرعها فى ثنايا مخها ، و ستقصها عليكم بالتفصيل رغبة منهت فى افادة كل مسلم غيور على دينه .
كتبت لنا قارئة قصتها مع المدارس التنصيرية و طلبت مننا نشرها كما هى و ها هى نعرضها لكم :

بسم الله الرحمن الرحيم


نشأت فى عائلة طيبة و الحمد لله ولى من الاخوة اثنان احدهما يكبرنى بثمانية اعوام والآخر يكبرنى بستة ، تبدأ القصة عندما تقرر ادخال اخى الاكبر ( محمد ) الحضانة ، و طبعا أبي كان يفكر كأى اب؛ فكل ما يهمه مصلحة ابنه و طبعا ديسك نضيف و ناس نضيفة يصاحبوا ابنه ، بدل ما يرميه فى مدارس الحكومة .
طبعا وقتها كانت المدارس التنصيرية فى بداية ظهورها او بمعنى كانت فى بداية خطتها.
فى المنطقة التى كنا نقطن فيها كانت هناك اربعة مدارس : مدرسة ابتدائية حكوميه ، و مدرسة اعدادية حكومية ، و مدرسة خاصة من حضانة لحد ثانوى و مستواها تعبان ، و مدرسة الفرنسيسكان و لكنها كانت ابتدائية فقط ، فمن يدخلها فى ابتدائي مضطر انه يروح مدرسة تانية فى اعدادى ، انما باقى فروع الفرنسيسكان كانت من حضانة لثانوى ، و ذلك يعزى الى انها كانت لسه فاتحة و فى منطقة نائية شوية و كانوا بيعملوا تطوير بطئ .


و طبعا والدى سأل الناس و استشارهم ، قالوا له : لا دى مدارس الراهبات دى مفيش زيها فى التزامهم بالتعليم .
اقتنع ابى و ادخل اخى الحضانة فيها ، و انا وقتها كنت فى علم الغيب ، بعد دخول اخى تلك المدرسة بعامين دخل اخى الآخرنفس المدرسة لما رآه ابى من تطور ملحوظ فى قدرات ابنه العقلية و فى مستوى لغته الاجنبية .
و لكن أبى أخطأ لأنه لم يسألهما ابدا عما تعلماه فى المدرسة من مفاهيم و قيم و أخلاق و كان يكتفى بالسؤال عن التعليم و عن الواجبات و طبعا اجتماعات مجلس الآباء وما الى ذلك .
طبعا تفاصيل ما عاشه اخى فى تلك المدرسة لم اعرفها الا مؤخرا عندما قصصت عليه ما كان يحدث معى فيها .
و جاء وقت دخولى المدرسة
فى البداية رفضتنى المدرسة لصغر سنى عن السن المفروض للدخول ببضع شهور ، و لكن ابى كافح حتى أدخلنى مدرسة الآباء الفرنسيسكان المشتركة.
أحب اوصفلكوا المدرسة الاول ؛ المدرسة عبارة عن دير و كنيسة صغيره و بيت للمكفوفين النصارى ، البيت كان دورين والمدرسة كانت فى الدور الارضي ، و المكفوفين رجالة و ستات مش ستات بس لأن كان فى واحد اسمه دميان كان بييجى يعزفلنا فى الحفلات و هو كفيف و عايش معاهم، المدرسة كان فيها تماثيل ليسوع و للعذراء و فى الكريسماس كانوا بيجيبوا شجرة و يزينوها و كنت بحبها لدرجة انى كنت بزعل ان اهلى مش بيجيبوا شجرة فى الكريسماس.
فى الحضانة طبعا كان الاهتمام بتعليمنا انجليزى عالى جدا و الاهتمام بتوصيل مستوى التعليم و المتابعة مع اولياء الامور عالى جدا.
كل يوم الصبح كنا بنقف فى الطابور اللى بتديره مديرة المدرسة اللى هى طبعا راهبه ( سير زينه ) وهى لبنانية الاصل و طبعا الطابور مكنش زى اى طابور لأننا كنا بنغنى فيه غانى مألفاهالنا الراهبه و هى كانت بتغنى فى المايك و احنا بنردد وراها ، و بتشجع الاصوات الجميلة على الغناء ، و بعد ما نغنى بنقف تلات دقايق نصلى للرب ، انا مكنتش فاهمه يعنى ايه نصلى للرب فبقت هى تتلو الصلوات فى المايك و احنا بنسمعها .
وطبعا اغلب المدرسين و المدرسات كانوا من النصارى و المسلمين كانوا قلة قليله و كانوا متعينين عشان يدرسولنا مادة الدين .
طبعا حباً فى القديس فرانسيس سميت المدرسة فرانسيسكان لأن القديس فرانسيس كان غلبان و كان بياخد على قفاه و بيستحمل و بيحب الفقرا و فيلم هندى كده دفع كل الاطفال للاشفاق عليه و حبه .
و فى المدرسة كان بيدرسلنا العربي معلمة نصرانية فى اولى و تانية ابتدائى و بعد كده جابولنا معلم مسلم .
صفعة من أجل الحجاب


و فى يوم لن انساه ابدا، دخلت زميلة لى وعلى رأسها "طرحة" بيضاء و دخلت حضرت الطابور ، وعندما رأتها الراهبه توجهت ناحيتها و صفعتها على وجهها وقالت لها :"انتى فاكرة نفسك فين ؟؟؟" ووخلعت" الطرحة" عن راس زميلتى و قالت لنا ان من تلبس" طرحة" فى المدرسة دى تفعل ذلك بسبب وجود حشرات فى شعرها ، طبعا كلنا قرفنا منها وقتها ومن الحجاب و من ساعتها نهلة مش بتلبس طرحة .
فى الفسحة بنقف طابور عشان نصلى للرب انه يرزق الفقرا زينا و يباركلنا فى النعمة و بنقف دقيقتين كل واحد يصلى فى سره بعد الصلاة اللى كانت بتقولها الراهبه.


و اتذكر مرة جالنا مدرس العربي و انا فى سنة رابعة ابتدائى و اعطانا حصة مكتبة و قال بدل ما نحكى حدوتة الموضوع هيبقى مفتوح، سألناه عن الجنة و النار
و قال لنا عن الساعة و كلامه كله من القرآن و السنة فسألناه هو احنا ممكن ندخل الجنة من غير صحابنا المسيحيين ، قال لنا يا احنا يا همه انما مش هندخلها سوا و فضل يتكلم فى الاسلاميات، تانى يوم الراهبه كانت متعصبة (ياترى ليـــــــــــــــه) و اخدتنا على المسرح لأن المسرح كان واسع جدا و قعدتنا على ديسكات بعيدةعن بعضها و وزعت اوراق زى اوراق الاجابة بتاعت الامتحانات و قالت كل واحد يكتبلى المستر اداكو ايه امبارح فى حصة المكتبة ، طبعا كلنا كتبنا ، و من ساعتها و الراجل ما شفناهوش تااااااانى خاالص، و جابتلنا مدرس غيره.
طبعا احتفالات المدرسة كانت كتيرة زى حفلة عيد الام و الكريسماس و حفلات التخرج و كنا بنشارك فيها برقصات و كنا بنرقص مع اصحابنا الولاد و الرقصات كنا بنتمرن عليها بصفة يومية عشان مننساهاش
و فى الايام القليلة قبل انتهاء الدراسة قالتلنا الراهبه ان المدرسة هيحصل فيها تعديلات و هيعملوا اعدادى و ان اللى مش هيكمل يبقى فقير و معوش فلوس ، و انا طبعا كان نفسي اكمل يعنى بس والدى كان ساعتها لاحظ ميولى المسيحية و استيائى من المحجبات و حبى للراهبات و القساوسة و طبعا خرجنى من المدرسة لمه عرف ان انا و اخى كنا بنبوس ايد القسيس و احنا فى المدرسة .
بعد دخولى الجامعه اتعرفت على بنت كانت فى مدرسة الفرانسيسكان بس فرع تانى و كملت فيها لحد ثانوى ، و كانت صدمتى انها متعرفش ايه هى النوافل و متعرفش يعنى ايه عقوق الوالدين و متعرفش اى حاجة عن دينها و بتحب المسيحيين جدا و مش بتستظرف المسلمين أد كده.
و قالتلى انهم سمحوا بالحجاب فى تالتة ثانوى بس .
و قد قمت بعمل استطلاع لعدد ممن دخلوا تلك المدارس ، واخبرونى انهم كانوا يشاهدون اصدقائهم النصارى و هم يتلون صلواتهم امام تمثال العذراء ، و ان من كانت تريد الحجاب كانت ترتدى الحجاب فى اتوبيس المدرسة و تخلعه على باب المدرسة . واحسرتاه على بناتنا و ابنائنا

انا اكملت دراستى فى مدارس حكومية وعرفت دينى حق معرفته و ليس كما كانوا يعرفونى اياه ، و دخلت كلية من كليات القمة التىيحلم بدخولها اغلب الشعب و اصبحت بالتزامى محل احترام الكلية كلها و بزيي الاسلامى و باحتشامى اصبحت مدعاة فخر لأهلى و لمن يعرفنى

منقول من منتدى طريق الإيمان للأخ راصد التنصير بارك الله فيه

[وســـــــــام*]

السلام عليكم ورحمة الله وبركاته

لا حول ولا قوة إلا بالله
للأسف كما ذكر هذة المدارس أخذت فى الازدياد بشكل غريب
والآن الأطفال المسلمين منذ نعومة أظفارهم يسمعون ويراون ما يفعل هؤلاء
وأصبحت رقابة الأسرة ضئيلة فالمهم كما ذكرت صاحبة القصة مستوى التعليم واللغات مع أن هناك مدارس خاصة مسلمة اعلم تماماً أنها تهتم بالمستوى واللغات ويكون هناك مستوى رفيع ومنهج للأنجليزية بجانب المنهج بجانب الاهتمام بحصص القرآن وحصص منهج التربية الدينية الإسلامية
أما مدارس اللغات والتجريبى أغلب تلاميذها ومعظم مدرسيها نصارى ومن المؤكد أن ذلك خطر على عقول أبناء المسلمين ، فتسمعى الطفل المسلم يقول أصدقائى .. .. ..(اسماء نصرانية) تقولى له فى أصحاب لك مسلمين فيعد على الأصابع

نسأل الله أن يرينا الحق حق ويرزقنا اتباعه

جزاكِ الله خيراً أختى على النقل المهم

ينقل إلى قسم القصة والعبرة

[خديجة]

سبحان الله
نسال الله السلامة والعافية
والذنب ليس ذنب الابناء
بل ذنب الاباء الذين يرسلونهم الى مثل تلك المدارس
يجب اولا اختيار المعلم والمدرس
فتدريس الابناء وتربيتهم مسؤولية عظيمة وليست مجرد شي نغض عليه الطرف
لاحول ولاقوة الا بالله
جزاك الله خيرا
وبارك فيك على القصة
التي تحكي واقعا مرا مريرا

[طالبة الفردوس]

جزاكى الله خير اختى الغاليه وسام على مرورك الطيب وأختى الغاليه الذاكرة لله على مرورك الطيب

[نهر الكوثر]

حسبنا الله ونعما الوكيل للاسف كثير من الاياء يحبون المظاهر
الكاذبه ويصحون بعد فوات الااوان بارك الله فيك على القصه اختي الطيبه