سؤااال عاااجل اتمنى الرد

[ضبيه]

السلام عليكم ورحمه الله وبركاته
انا عندي صدفيه وحبيت استفسر منكم لو اعمل تحليل دم تبان الصدفيه بالتحليل
وهل لها تاثير ع الدم يعني مثلا لو احلل للزواج يبان من التحليل انه فيني صدفيه
وهل الصدفيه تمنع من الزواج؟؟؟وسمعت عن منقيات الدم مثل التمر والحبه السواد
الله يشفينا واياكم من الصدفيه جميعا واعجبنى روح التفائل هنا اتمنى من الله عزوجل ان يشفينا

[هجهوج]

ما تبين ومالها علاقه
بارك الله فيس
اعرسي وقدامس العافيه
ولا تنسينا من المفاطيح

[احساس زوجه 1]

لا ابد ما تبان

قدامج الخير وابشرج في حريم اتزوج واتروح عنهم الصدفيه او العكس لانه والعلم عند الله تتغير هرمونات المرأه واتكون في تغيرات في الجسد


الف مبروك مقدمنن

[reem50]

بس لاتنسين اتخبرين خطيبك قبل الملجه هذا ضروري

[متعومسه]

وعليكم السلام ورحمة الله وبركاته

الله يكتب لج اللي فيه الخير

مدرري ما اتوقع ان الصدفيه تكوون عتبه تمنع الزواج

ودي اقولج عطيه خبر عنهااا وودي اقول ماله داعي

الخيار عندج وانتي كييفج

الله يوفقج يااااارب

[تعبت هموم]

والله ما اعتقد انها تمنع عن الزواج

كثير ناس مصابين بالصدفية وتزوجوا وخلفوا اولاد

انا اعرف قريب لي كان مصاب بالصدفية وتزوج ولله الحمد

ورزقة الله بأولاد وهو الان متعافي من الصدفية ولله الحمد

بس بين فترات طويلة تجيه بشكل صغير جداٌ وتروح من نفسها

ودائماً ماينصحني بعدم التفكير كثيراً فيها . ويقول حاول تسعد نفسك

لاجل تكون نفسيتك مرتاحة وتخف عندك الصدفية .

___

الله يشفي جميع مرضى الصدفية عاجلاً غير آجل

[ضبيه]

جزاااكم الله خير
الله يشفينا واياكم من الصدفيه

[قدرة الله]

حبيبتى الصدفية متطلع فى التحليل وماتمنع الزواج وأطمنك أنا عن نفسى فينى صدفية ومتزوجة وزوجى فيه صدفية ..المهم أعرفى كيف تختارى شريك حياتك يفهمك ويفهم ماهو مرض الصدفية
وربى يسر الأمور ويسخر الحال .
ربى يشفينا ويشفى مرضى المسلمين

[أم ناصرررر]

يااختى العزيزه الله يوفقك يارب
انا اقول احسن لك ان كانت فيج الصدفيه منتشره بشكل واضح خبري اهل الولد
علشان انتى ترتاحي نفسيا
وبالنسبه للدم ما تبين ما يحتاج لها لانها خارجيه
موفقه يارب
والشفاء للجميع ان شاء الله

[بوسطن]

انا اقول الصراحه راحه