.::: اكسب حسنات :::..

[أبويحيى]

كثيرا منا من أول ما أدخل الإنترنت عنده وهو بيتمنى يعمل حاجة ينفع بيها الدين ... وكل واحد بيحاول بطريقته وعلى قدر وسعه ... يجرب على الشات شوية ... ويجرب يتعلم برامج شوية ... وينقل بعدها على منتدى ... وهكذا يقضى الأخ أو الأخت حياته على الإنترنت ويقضى الساعات من وقته ... وفى الآخر ما الثمرة ؟؟ ... إيه اللي أنتجه من عمله ... وحتى لو في نتائج هتكون قليله الثمرة ...
فى بعضنا ربنا فتح عليه فى العمل على الإنترنت ... مننا اللى ربنا أكرمه بالبرمجه وشغل التصميم ... لكن عمله العشوائي ضيع كتير من مجهوده فى حاجات بالساعات كان ممكن تتعمل فى دقائق لو كان متعلم أكتر... وبعضنا بيدخل على الشات .... ويفضل يجرب مرة والتانية ... ومرة يغلط مرة يتسأل سؤال ميعرفش مرة حد يحطله رابط يدخله ويكون فى الرابط ما لايرضى الله ... والسبب إنه لوحده ولإن محدش أعطاه خبرته ...
فكرتنا من هذا القسم إننا نجمع ونظم جهودنا ... عملنا فى فرق هيقوى نتائج العمل .... و هنستفيد من خبرات بعض ... وهننجز أكتر إن شاء الله ... ولعل ربنا يكرمنا إن شاء الله ونكون نواة لتجميع العمل الدعوى على النت ...
بتعرف فى التصميم ؟؟؟ ليك فى البرمجة ؟؟؟ بتفهم فى الصوتيات والمرئيات والتسجيلات ؟؟؟ ليك في كتابة المقالات والمواضيع الدعوية ؟؟؟ بتعرف فى عمل الكتب الإلكترونية ؟؟؟ بتفهم فى الشات والمنتديات ؟؟؟ ليك فى تفريغ الشرائط ؟؟؟ بتعرف فى الدعايا ؟؟؟ بتقضى وقت كتير على النت ؟؟؟
مهما كانت موهبتك ومهما كانت الأعمال اللى تعرفها هتلاقي ليك دور معانا ولا تحقر من المعروف شيئا ومتقولش يعنى أنا اللى هعمل حاجه ... محدش فينا يعرف ربنا ممكن ينصر الدين بمين .... كل واحد فينا لبنة في بناء الدين مهما كان دورك صغير بس مهم .... شارك معانا وقول اللى تعرفه ولو حتى قضاءك وقت على النت وهنبعتلك دورك اللى تساهم فيه إن شاء الله ....
شارك معنا الأن

[ابو البراء]

جزاك الله خيرا اخي الكريم
وكل منا بامكانه ان يكون داعية سواء في بيته او عمله ولو بكلمة طيبة او حكمة او موعظه
وكل منا له دور وكلنا مسؤولون امام الله في نشر الدعوة وهذا الدين

ملاحظه اخي الكريم تم التعديل على موضوعك بحذف الروابط التى تحيلنا الى مواقع اخرى لانها مخالفة لشروط المنتدى
وبارك الله فيك

[أبويحيى]

عذرا أخى الحبيب على وجود الروابط ... أكيد كل منا ممكن يكون داعي فى كل مكان ودى خيرية هذه الأمة التى صرنا بها خير أمة اخرجت للناس و لكن لازم نبقى محترفين دعوة أيضا ولا نألوا جهدا فى العمل لدين الله خصوصا مع ما نراه من تخطيط وكيد للإسلام فى كل لحظه ...