|
|
|
|
|
|||||||
| ملتقى الشباب المسلم ملتقى يهتم بقضايا الشباب اليومية ومشاكلهم الحياتية والاجتماعية |
 |
|
|
أدوات الموضوع | انواع عرض الموضوع |
|
#1
25-11-2007, 03:28 PM
|
|||
|
|||
حوار مع زبال.....
حوار مع زبال
هناك مهن عديدة لا نعرف عنها الكثير... ولكن بالدخول في تفاصيلها تسمع وتري وتتعلم الكثير .... ما استوقفني هذا الأسبوع هي مهنة الزبال .... وهي وإن كانت مهنة شريفة ... ولها دور هام وحيوي في موضوع النظافة لو تم ترشيدها وإدخالها في منظومة أعمال النظافة ... إلا إن نظرة المجتمع لها ...نظرة غير منصفة ... فيمكن أن تنظر لرجل يلبس أغلي الثياب ويركب أفخم السيارات ويعتلي أعلي المناصب ...نظرة إجلال وتقدير ...هو لا يستحقها ... فمأكله ومشربه وملبسه ...من دم هذا الشعب المعدم المبتلي بالفاسدين والحيتان بجميع أنواعها أزرق وأبيض ... وحتي حيتان كروهات ...!!! في حين ينظر المجتمع لزبال ... يموت تعباً كل يوما وكداً في سبيل الحصول على اللقمة الحلال ...نظره سلبية ... لأنه يرفض المكسب السريع الحرام .... والله يا سادة بعد ما قمت بهذا الحوار مع زبال حقيقي .... أيقنت أنه لو كان هناك إنصاف لأعطينا كل زبال ... وعامل مجاري ... وماسح أحذية وعامل نظافة .... التقدير والإجلال الذي يستحقه ... نعود للحوار الرائع مع الزبال .... إقتربت منه وهو يقوم بالتنقيب في صناديق القمامة ....وبدأ هذا الحوار : - ممكن أتعرف عليك ..... - إتفضل يا باشا ..... - لا أنا عايزأعمل حوار معاك .... وأتكلم معاك شويه .... وأصورك كام صوره ..... - ماشي الكلام ... بس بلاش تطلعني في التليفزيون ...!!! - يا عم إنت شايف إيه في إيدي كاميرة تليفزيون ....!!! - إسمك إيه .... - كرم .... -سنك كام يا كرم ..... - أنا عندي 25 سنة ... - معاك أي مؤهلات .... - خالص .. ولا بأعرف أقرأ ولا أكتب .... - مهنتك إيه ..... -زي ما إنت شايف بلم زبالة ...... - إشتغلت الشغلانه دي إزاي .... ؟؟؟ -خرجت من الجيش ...ما فيش شغل ... أبويا مريض بالسكر وعندي ست إخوات أنا أكبرهم ... أعمل إيه لازم أشتغل علشان ياكلوا .... -إيه رأيك في شركات النظافة الأجنبية التي إنتشرت خلال السنوات الأخيرة .... - بصراحة ... فتحت بيوت ناس كثيرة ... - مش فاهم ....!!! - فيه ناس كثيرة ... إشتغلت .... غير كده ... كان زمان الزبالة مش متوفرة كده بخيرها .... كان الزبالين يطلعوا ياخدوها ويفرزوها ....وما تلاقيش وراهم حاجة .... الشركات لما جت ... بقت الزبالة شاملة كل حاجة في الشارع ... وإحنا نأخد منها وهما يشيلوها ... !! - طيب يا عم كرم .... أنا مستغرب الصناديق البلاستيك التي وضعتها الشركات في الشوارع ... إختفت ... راحت فين .... ؟؟؟ - بص يا باشا ..... الناس بتأخذها ... ويعملوها (توايل ) للبهايم .... يحطوا فيها العلف والأكل .... يصب في القعر نص شيكارة أسمنت علشان الصندوق يكون ثابت ... وبعدين يحط العلف ... !! أو فيه ناس بيقطعوه ويبيعوه خرده بلاستيك .... وفيه ناس بيعملوه خزان ميه فوق بيوتهم ... !! -إيه المشاكل التي تواجهها في عملك .... ؟؟؟ - مطاردة البوليس لنا .... متخيلين إننا حرامية ... وإننا بنسرق ( بلاليع ) الشارع ... يا باشا ... بتوع الخردة إللي بيسرقوها ..مش إحنا ...وأي مصيبة تحصل في أي شارع ... أول ناس نتمسك إحنا .... - طيب ممكن تشرح لي إنت بتتعامل مع الزبالة إزاي ... ؟؟؟ - بص يا باشا .... أنا بفتح كيس الزبالة ... أبص فيه ... أفرزه ...(( الباغة)) .... يعني البلاستيك الشفاف والأكياس لوحدها .... (( المعدن )) ألومنيوم ... علب كانز .... لوحده .... (( العادم )) يعني الورق الفضي ... لوحده ... وكل حاجة لوحدها .... ورق عادي ...ورق بسكويت .. كرتون ... جرنال .... عيش .... نحاس .... زجاج كل حاجة لوحدها... - إنت بتحط الحاجات دي في إيه .... - بص .... فيه حاجه إسمها (( الجونية )) دي عبارة عن شيكارة أو شوال إحنا بنعمله نحط فيه الكرتون والورق .... وفيه (( الزكيبة )) بنحط فيها بقية الأصناف .... - ممكن تقول لي إنت بتبيع الحاجات دي بكام .... -أقولك .... - ما تخافش مني .. أنا ولا ضرايب ولا حكومة .... - عارف يا أستاذ شكلك مش باين عليك إنك منهم .... !!! - أنا ببيع البلاستيك الخردة ب 175 قرش للكيلو ..... والكانز .... ب 40 قرش للكيلو .... والكرتون ... النظيف ب 35 الكيلو .. والكرتون الوسخ ب 20 قرش للكيلو ... ورق الجرايد ب 55 قرش للكيلو ... العيش ب 50 قرش للكيلو ...ورق الفويل ب 1.5 -2 جنيه للكيلو والنحاس الأحمر ب 35 -40جنيه للكيلو .... والنحاس الأصفر ب 25-30 جنيه .... والألومنيوم الطري ب 18 جنيه ...والناشف ب 10 جنيه ... - إنت بتبيع لمين الحاجات دي .... - فيه تجار ... لكل صنف ... والأيام دي كتير جداً ... !! - طيب ممكن تقول لي العيش الموجود في الزبالة...بتعملوا به إيه ..؟؟؟ وهل صحيح بتبعوه لبتوع الفلافل علشان يضعوه في العجينة ...!!! - لا ... حرام..:ده حرام .... لا ما بيحصلش .... بتوع الزرايب بيأخذوه للمواشي .... - مبسوط ... يا كرم في شغلتك دي .... ؟؟ -لا ... ده أنا طالع من هدومي ... - متزوج ... - لا ... - مش خايف تروح تتقدم لواحدة .... معلش يا كرم ... أنا آسف ... يقولوا زبال ... ويرفضوك ... - أنا خاطب بنت خالتي في الصعيد .... - هل أهلها في نفس الكار ... -لا ...بس عايزأقولك حاجة .. أنا بشتغل شغلة شريفة ... ومش حرامي أو بسرق ... يرفضوني ليه .... - طيب يا كرم... إنت .. سامحني ...في أسئلتي ... ما بتقرفش من الزبالة .... - أنا مش قلتلك أنا طالع من هدومي .. وبعدين أكل عيشي وماعنديش غيرها ... أعمل إيه ... ؟؟؟ - طيب إنت مش خايف من الأمراض والميكروبات .... -أنا سايبها علي الله .... وبص شوف إيدي ...متقطعة من الإزاز والصفيح إللي في الزبالة حنعمل إيه ....؟؟؟ - طيب إيه أغلي أمنية في حياتك ..... ؟؟؟ - أكون نفسي .... وأشتغل في شركة شغلانة ثابتة بمرتب .... - بس دي يا كرم مرتبها حيكون ... ضعيف ... - مش مشكلة .... - ممكن أعرف الزبال بيحصّل في اليوم كام جنيه .... 35- ... قول 40 ... بس مش كل يوم ...ممكن يوم يرجع فاضي ... - لولقيت طاقية الإخفاء في الزبالة تعمل بيها إيه .... إنت شفت الفيلم ده ... عارف طاقية الإخفاء ... - أيوه عارفها ... حأولع فيها دي كلها شر ...... - طيب بلاش طاقية الإخفاء لو لقيت مصباح علاء الدين في الزبالة وحكيته وطلع لك المارد يقولك شبيك لبيك ..تطلب إيه ...؟؟ - حأطلب الستر ..... - إنت حيرتني معاك ... طيب لو بقيت رئيس جمهورية ... - أنا ما أعرفش أقرأ وأكتب ... إزاي حأكون رئيس للبلد .... - يا عم إفرض ... إفرض ... - لو رئيس جمهورية .... أحكم بالعدل .... - طيب أخر سؤال ... لو قالوا لك تختار جنسية غير مصر تختار إيه ...؟؟ - في حد يستغني عن بلده .... وعن خيرها إللي في زبالتها .... - ضحكت من آخر جملة ...حتي إرتفع صوتي جداً .... وقلت له ... والله يا كرم إنت عسل ..... وربنا يحقق لك كل ما تتمني ... وإنتهي الحوار .... ويبقي السؤال ..... ألا يستحق أصحاب هذه المهن القاسية .. إحترامنا وتقديرنا ... بل وإمتناننا لهم ... سيدنا محمد صلي الله عليه وسلم ...إنحني ليد كلت وتعبت من العمل وقبلها وقال صلي الله عليه وسلم : هذه يد يحبها الله . ألا تستحق يد كرم ...ومن علي شاكلته أن نقبلها فهي أشرف ....من يد من سرقناونهبنا ومن سرطننا ومن فيرسنا ومن غرقنا ومن عذبنا ويعذبنا ..... هي يد ... إختارت الطريق الصعب ... طريق الحلال في بلادنا .... تحيه لكل كرم في بلادنا وباقة ورد وإحترام له ولأمثاله ..... اتمني ان تنال إعجابكم
__________________
  ( إذا استغنى الناس بالدنيا فاستغن أنت بالله، وإذا فرحوا بالدنيا فافرح أنت بالله، وإذا أنسوا بأحبابهم فاجعل أنسك بالله، وإذا تعرفوا على ملوكهم وكبرائهم وتقربوا إليهم لينالوا بهم العزة والرفعة فتعرف أنت إلى الله وتودد إليه تنل بذلك غاية العز والرفعة ). ملتقي الشفاء الاسلامي
|
|
#2
27-11-2007, 12:24 AM
|
||||
|
||||
لا حول ولا قوة الا بالله قرأتها كلها ولا اكذب لوقلت لم يبكي قلبي معها ناس تعيش على الكد وتشقى وتحمد ربها على القليل القليل ولا ترجوا من الله الا الستر وناس نعيش في رفاهية ولا تحمد ربها وتريد المزيد ،،
هؤلاء الناس يعملون ومن يعمل بالحلال فله منا كل تقدير وإحترام .. قصة جميلة وهادفة وفيها معاني كثيرة بارك الله فيكِ اختي
__________________
 
|
|
#3
27-11-2007, 06:06 AM
|
|||
|
|||
|
جزاكي الله خيرا علي المرور
__________________
( إذا استغنى الناس بالدنيا فاستغن أنت بالله، وإذا فرحوا بالدنيا فافرح أنت بالله، وإذا أنسوا بأحبابهم فاجعل أنسك بالله، وإذا تعرفوا على ملوكهم وكبرائهم وتقربوا إليهم لينالوا بهم العزة والرفعة فتعرف أنت إلى الله وتودد إليه تنل بذلك غاية العز والرفعة ). ملتقي الشفاء الاسلامي
|
|
#4
27-11-2007, 03:54 PM
|
||||
|
||||
|
جزانا الله وإياكم
__________________
|
|
#5
04-02-2008, 08:36 AM
|
||||
|
||||
|
[quote=دمعة خاشعة;417015]-
طيب ممكن تقول لي العيش الموجود في الزبالة...بتعملوا به إيه ..؟؟؟ وهل صحيح بتبعوه لبتوع الفلافل علشان يضعوه في العجينة ...!!! - لا ... حرام..:ده حرام .... لا ما بيحصلش .... بتوع الزرايب بيأخذوه للمواشي .... امممممممممممم ايش عرفك يا عم كرم  هذة الإشاعة منتشرة عندنا فإن اشهر المحلات طلعت عليها الحكاية ديه بس اللى وصلى بصراحة ان البوابين هما اللى بيلموا العيش ويبيعه بالكليو لهذة المحلات لا حول ولا قوة إلا بالله - طيب أخر سؤال ... لو قالوا لك تختار جنسية غير مصر تختار إيه ...؟؟ - في حد يستغني عن بلده .... وعن خيرها إللي في زبالتها .... ههههههههههههه وانا كمان ضحكت  هي يد ... إختارت الطريق الصعب ... طريق الحلال في بلادنا .... تحيه لكل كرم في بلادنا وباقة ورد وإحترام له ولأمثاله .....  سبحان الله مازال هناك من يمشى جنب الحيط ويطلبون الستر بدلا من النهب والسرقة والكسب الغير مشروع وما ذكر خير مثال على ذلك مشكورة اختى الحبيبة دمعة خاشعة على طرحك الجميل اثابك الله الجنة غاليتى
__________________
. اللَّهُمَّ اقْسِمْ لَنَا مِنْ خَشْيَتِكَ مَا يَحُولُ بَيْنَنَا وَبَيْنَ مَعَاصِيكَ وَمِنْ طَاعَتِكَ مَا تُبَلِّغُنَا بِهِ جَنَّتَكَ ، وَمِنَ اليَقِينِ مَا تُهَوِّنُ بِهِ عَلَيْنَا مُصِيبَاتِ الدُّنْيَا ، وَمَتِّعْنَا بِأَسْمَاعِنَا وَأَبْصَارِنَا وَقُوَّتِنَا مَا أَحْيَيْتَنَا ، وَاجْعَلْهُ الوَارِثَ مِنَّا ، وَاجْعَلْ ثَأْرَنَا عَلَى مَنْ ظَلَمَنَا ، وَانْصُرْنَا عَلَى مَنْ عَادَانَا ، وَلاَ تَجْعَلْ مُصِيبَتَنَا فِي دِينِنَا ، وَلاَ تَجْعَلِ الدُّنْيَا أَكْبَرَ هَمِّنَا ، وَلاَ مَبْلَغَ عِلْمِنَا ، وَلاَ تُسَلِّطْ عَلَيْنَا مَنْ لاَ يَرْحَمُنَا
|
|
#8
04-03-2010, 05:28 PM
|
|||
|
|||
رد: حوار مع زبال.....
شكرا على طرح هكذا موضوع ....وهكذا حالة نشاهدها كثيرا والفنا رؤيتها دون ان نفكر يوما بماساة هؤلاء الاشخاص الذين حقا كما ذكرت بيستاهلو كل التقدير والاحترام
|
|
#9
05-03-2010, 07:56 PM
|
||||
|
||||
|
رد: حوار مع زبال.....
السلام عليكم ورحمه الله وبركاتة بارك الله فيكِ اختى الحبيبه دمعه خاشعه على هذا النقل للحوار الرائع من نوعه انا عن نفسى قرأته حرف حرف وبصراحه اعجبت جدا بالاخ كرم على رغم انه شاب فى مقتبل العمر وبصراحه سن 25 سن خطير من نوعه ونحن نعلم اصحاب هذا السن وما يفعلوه فهدا الله الجميع ووفقك كرم وغيرة من اصحاب المهن الصعبه واعانهم على الكسب الحلال بالتوفيق وهذه باقه ورد لاخى كرم وكل اصحاب المهن الصعبه 
__________________
|
|
#10
08-03-2010, 03:47 PM
|
|||
|
|||
رد: حوار مع زبال.....
السلام عليكم
لعل اجمل ما لفت انتباهي في هذا الحوار هو الصدق ، فمثل هؤلاء هم اساس المجتمع ، فتحية صادقة مني لهذا الشاب المحب لوطنه ، وتحية لكي اختنا ( دمعة خاشعة )
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
|
|
|
Powered by vBulletin V3.8.5. Copyright © 2005 - 2013, By Ali Madkour |
العرض العادي
