رحلتي العلاجية بونجلور الهندية لمتابة العلاج بالاوزن من الصدفية - التقرير الاول

[فتى الخرج]

اخوي صدفاوي
مسائك ورد حبيبي
كيفك وكيف صحتك ان شاء الله بخير
والله شوقتني للهند
بس جالس ابحث عن الوقت المناسب وان شاء الله قريب
لكن اخوي انت ما عطيتنا العلم
نجي ولا ما نجي يعني زانت امورك وفتح جلدك ولا عاده على ماهو عليه
انهج علينا خلنا نزهب عمرنا تعرف ورانا تاشيره وورانا تذكره وامور كثيره لازم نجهزها
وبنسبه للاخوان الي بيروحون انصحهم
بانهم ياخذون معهم عزبه القهوه والشاهي وعزبه الكاتم والمقلاه يعني مثل عزبه البر وياخذون معهم معلبات من تونه ومن فول ومن زيتون ومن جبن ومن مكرونا يعني اي شي تشتهيه اخذه معك قبل لا تروح لان عندهم جفاف من الامور هذي وبنسبه لرز والحم والدجاج متوفر
واهم شي شنطه علاقي على الكتف او شنطه على الخصر لانها مفيده في حفظ الاغراض
ولازم تاخذون شريحه جوال هنديه من الهند علشان تتواصلون مع الاهل والاصدقاء في ديرتكم
وش بعد عسى ما نسيت شي..
وزي ما قالكم اخوي صدفاوي لا تعتمدون على السواقين لانهم بمجرد انه يفزع لك ترا ياخذ سمسره من ظهرك يعني راح يرفع السعر عليك لان السواق راح يرجع له وياخذ حقه من راعي المحل او من راعي الفندق او من راعي المطعم يعني مستغلينك مستغلينك ذا الهنود
وبنسبه لمكان اصدار التاشيره من السفاره موقعهم بالرياض بحي السليمانيه مقابل اسواق الجزيره الي بشارع موسى ابن نصير
وش بعد لا يكون نسيت شي ...
اقول نشوفك على خير
ولاتنسى ترد لنا يا صدفاوي وش الجديد الي صار معك
دمتم بخير

[صدفاوي]

هلا والله ومتابع ردودكم وماشاء الله نصائح خبير يا اخوي فتى الخرج
بالنسبة للأخت اللماس راح يجون انشاء الله الثلاثاء الجاي أسأل لهم العافية والتوفيق والشفاء ...
الدكتورة صاحبت العيادة اكدت ان العيادة راح ينتقلون لموقع اخر اكبر من الموقع الحالي لوجود اجهزة جديدة تنفع للحالات المنتشرة لهم الصدفية بشكل كبير مثل ما سبق واكده لنا الاخ مستر اونلي ..
بالنسبية لصدفيتي بصراحة مش باين نتيجة مباشرة انتاو عارفين تاخذ وقت لأن الجلد صعب يرجع لوضعه الطبيعي خلال يومين او ثلاثة ...
ماحصل لي من جلسات هي نفسها تتكرر بإستثناء الزنك اخذته مره واحدة فقط وكذلك الكليشن .. الدكتورة مركزة على اوزون الاذن والقولون وكذلك مغذية الاوزون ... وشرب لتر ماء اوزون يوم بعد يوم ... الملاحظ ان الصدفية بدأت اطرافها بالانحسار للداخل مع اطراف داكنة تميل للون الجلد وتغير للون الوردي وانخفاض في مستوى ظهورها اعلى من مستوي سطح الجلد مع استخدام جل الاوزون اللي هو عبارة عن خليط من زيت الزيتون مع جل مضافا له اوزون ..... لاتوجد نتيجة واضحة للأن لكن العلامات طيبة نسال الله بها العافيه .... ومثل ما بلغتكم يا لربع التقرير نهاية الكورس .. عشان اعطيكم نتيجة .. وش ينفع التقرير دون نتائج طبية ..
والبلد مافيه مثلها وطبيعتها وطيبة اهلها وعز الله ان حن مقصرين واجد مع الهنود شعب يطلب العيشة وماله بالمشاكل وعوار الراس وبلد امن كل مكان تلقا فيه سيكيورتي ... بالنسبة لمكاتب الاستقدام اخوي فتى الخرج ماراح تلقا في بنجلور المكاتب والعمالة كلهم في كيرلا وبومبي وفالك طيب

[Mr Only]

اخي صدفاوي الحمدلله كل العلامات تدل على استجابة للعلاج وتقدم ان شاءلله للاحسن ولاتنسى الاسنان جدا مهم علاج اي حشوات وازلت القديمة واستبدلها بجديدة انا كان عندي حشوات وكل الاطباء قالو لي انه سليمة على حسب كلامهم ولكن معا الاسف عندما اصريت ونزعت التلبيس وجدت خراج في احد الاسنان والحمدلله تم علاجه

[ساره2000]

مالاحظتوا ان العلاج بالاوزن يشتغل على القولون معناه البلى في الباطنيه واغلب الي تعالجوا نظفوا بطونهم بطريقه لحد ماوصل بهم للشفاء من الصدفيه


معا يد بيد نعالج الجهاز الهضمي مع علاج قيس العبيدي بالقطران وياااارب مايضيع مجهودنا


صدفاااوي متفااائله كثيرررر ويارب ماترجع الا وانت راااضي عن النتااايج واسنغفر ربك كل وقت يكتب لك الشفاااء

[أبو ريماس]

بالتوفييييييييييييق والى الامام يا بطل وفالك الشفاء التام ان شاء الله أخوي صدفاوي

و على طاري الشفاء والعافية لا يسعني الا ان اقول :

نعم نعم نعم لتجديد العهد و الوفاء بالوعد

متاااااااااااااااااااااااااااااااااااااااااااااااا ااااااابعيييين

[أبو ريماس]

وعلى طاري المتابعة مشكووووووووووووووووووووور أخوي فتى الخرج على النصايح خصوصا تحديد مكان السفارة الهندية في السليمانية

يلووووموني فيك يا شيخ وفالك العاااافية ان شاء الله

[فتى الخرج]

الله يعطيك العافيه اخوي صدفاوي
وان شاء الله هذي بوادر الشفاء من الصدفيه
وياليت اخوي صدفاوي تذكر لنا الموقع الجديد للعيادة واهم شي الفنادق الي حولها ولا الشقق النظيفه علشان نزبط امورنا مره وحده
وانا ناوي ان شاء الله اروح بعد العيد للهند
ويا هلا ومرحبا فيك اخوي ابو ريماس
ولا شكر على واجب اخوي وهذا واجبنا لاخواني واخواتي في هذا المنتدى الطيب
وياليت ادارتنا الموقره تفتح موضوع جديد لحصر جميع الاخوان الي راح يروحون للهند للمتابعه معهم ومعرفه اوقات ذهابهم وعودتهم ومتابعه حالتهم
وقدامكم العافيه ان شاء الله

[صدفاوي]

ابشــــــــــــــر وابشر لكن انا افضل من الجميع التريث ..... خلو ننتظر النتيجة مع الاوزون ... والاهم من هذا كلة ان العيادة تكون انتقلت للموقع الجديد بكامل الاجهزة والمعدات .... وفالكم الطيب .... ان الله اراد ونشفى فالحمد لله على كل حال وان لم يكن العلاج فالحمد لله حمدا كثيراا ... وفالكم الطيب وانتظروا بس للمعلومية العيادة ستنتقل بشكل كامل بعد 3 اشهر للموقع الجديد الذي لم يحدد بعد ولكن جميع معلومات العيادة راح توصلنا بالتواصل مع المختصين بالعيادة

[اللماس]

نتمنى الشفاء للجميع والامل بالله كبير واذا لم تتحسن الحاله مع الاؤزون نجرب علاج الاستاذ قيس اصبحنا حقل تجارب مع الصدفية

[هجهوج]

بالموفجيه ان شاءالله للبنغلوريون