اسئله حول القطران وبعض طرق استخدامه (موضوع متجدد)

[أجوان]

الله لايسامحهم
أفكر أشوف لي محضر مختبر يزيدلي التركيز

[{ ريم }]

السلام عليكم يارفاق
بسألكم < وش عندك غير الاسئله
سويت خلطه المراهم وحطيتهم على فروه راسي
القشور خفت نوعا ما لكن المشكله المرهم يلصق بالشعر ومهما غسلتيه يظل دهني بقوه وكاني ماتروشت < احراج ههههه
عادي استخدم diprosalic تقضي على القشور وماتدهن بالشعر ..

[أجوان]

حبيبتي ريم قبل ماتتحممي حطي بودرة جونسون بيبي على شعرك
عشان ينظف شعرك لما تغسليه وادعيلي .

[abo.alfars]

ابو التحطيم
وانا اقول التحسن عندي مرررره ضعيف
تصدقون لي شهر الان تقريبا ونسبة التحسن 10% اذا مو اقل
لكن ابستمر ألين الله عز وجل يكتب لي الفرج من عنده
وبعدين عندي مشكله اذا قعدت ربع ساعه بدون ترطيب انواع القشور يصير فيه قشور بيضاء
والله العظيم اني احترت معه مدري وش السواة

[الزوجه الاولى]

ابد استمر يا ابو الفارس والحن بعد لا تحطيم ولا شي وش نسوي بندهن من هالي معنا والعشره في الميه حلوه بس اهم شي نستمر كل الاعراض الي ذكرها الاستاذ قيس العبيدي ظهرت معنا الاسمرار والحبوب
لا امس كلمت صيدلية الشراع وقلت وفروا لي ثلاث غراش ان ما خففوها بعد عن التركيز الي هي عليه

[أجوان]

أخوي أبو الفارس زيد عدد المرات لين ربك يفرجها والقشور طبيعي إستخدم الفازلين
السائل (لوشن) ولاتتحطم أبداً // خيتو الزوجه الأولى إتصلي على الصيدلي
واشترطي عليه التركيز 20 % وقولي الكل ماراح ياخذ نسبه أقل فاتقوى الله
ولاتغشون المسلمين .

[الزوجه الاولى]

تو اتصلت على الصيدلي واكدت عليه قام قالي هذي الموجود الي في الشركه(قصده المستودع)وان التركيز عندهم واحد من 10 لثمنيه في الميه قلت طيب بما انك صيدلي وفر لنا العشرين في الميه قال العشره هي الي آمنه في الاستعمال
قلت اقول بس ولم الغراش العوض ولا القطيعه

[abo.alfars]

المشاركة الأصلية كتبت بواسطة أجوان

أخوي أبو الفارس زيد عدد المرات لين ربك يفرجها والقشور طبيعي إستخدم الفازلين
السائل (لوشن) ولاتتحطم أبداً // خيتو الزوجه الأولى إتصلي على الصيدلي
واشترطي عليه التركيز 20 % وقولي الكل ماراح ياخذ نسبه أقل فاتقوى الله
ولاتغشون المسلمين .

اغلب الفازلين اللوشن اللي موجود يجي بروائح واخاف تزود المحروسه

[{ ريم }]

المشاركة الأصلية كتبت بواسطة أجوان

حبيبتي ريم قبل ماتتحممي حطي بودرة جونسون بيبي على شعرك
عشان ينظف شعرك لما تغسليه وادعيلي .

الله يجزاك خير ياقمر .. بجربها ان شاءالله
الله يشفيك حبيبتي اجوانه ويفكك منها قريب انتي والمصدوفين كلهم يارب ..

[مشاعل الهدى]

خذ اللي مكتوب عليه غير معطر

وغطاه أزرق