علاج مجرب والنتيجه في 3 ايام

[سالفة عشاق]

مبررررررررررررروك اخوي الوليد
طيب لو اخذت من الطين الاسود الي ينباع بيكون نفس المفعول ومن وين احصله

[وليد2001]

الرحله كلفتني تقريبا 3 الاف ريال الاقامه والاكل والشرب 1800 ريال الفندق 5 ايام و1200 مصاريف وبالنسبه للطين والملح جبت معي كميه وان شاءالله بستمر عليها والحمدلله على كل حال

[بوسطن]

لابأس بالسعر ولكن الاهم النتائج
نتمنى لك الشفاء العاجل اخوى وليد

[بنت العم]

مبروك التحسن اخوي وليد ....والله انك صادق طين البحر الميت مافي زيه ابد ابد
بس مو موجود عندنا بالشرقيه الا بالراشد مول وغالي مره العلبه بخمس ميه ريال
استخدمته السنه الي راحت ومن جد تحس بالفرق من اول استخدام بس السعر مشكله

[بوسطن]

بنت العم يبيلك زياره للاردن

[بنت العم]

المشاركة الأصلية كتبت بواسطة بوسطن

بنت العم يبيلك زياره للاردن

والله لو بيدي كان قعدت فيها كم شهر ...ولكن تجري الرياح بما لا تشتهي السفن:d

[حيدرحسين]

مبروك اخ وليد
ولعله يكون سبب في شفاء نهائي باذن الله

[snoo]

الله يتمم عليك الشفاء ..

ان شاء الله ..

وعقبالنا ياارب ..

[عمار الشاطر]

الأخ وليد افهم من كلامك انك لم تجلس في البحر الميت الا 5 ايام وتشافيت تماما من الصدفية وياليت تخبرنا هل 3000 ريال مع التذكرة او بدون وياليت تكتب اسماء الفنادق المحترمة اللي ما تستغل المرضى

[وليد2001]

هلا فيك اخوي عمار بالنسبه للشفا لم اشفى تماااما لاكن الصدفيه لونها فاااااتح والسعر غير شامل التذكره التذكره كانت في حدود 1400 ريال والفندق اسمه فندق البحر الميت العلاجي وفيه عيادة واخصائي بس انا مارحت له لاني عارف الكلام الي راح يقوله لي فانا قضيتها سباحه من الساعه 8 الصباح للساعه 2 الظهر اطلع في الشمس شوي وادهن نفسي بالطين الاسود وارجع اتغسل وعلى الحال هذا كل يوم والحمدلله على كل حال يارب