بشرى سارة لمرضى الصدفيه علاج بالاعشاب وبعيدآ عن اي مضار جانبيه من الشيخ احمد الروضان

[{ ريم }]

ويارب الفرج ...
يعطيك العافيه اخوي الساهروالله يسهل امرك

المشاركة الأصلية كتبت بواسطة جودينا
سؤال يدور ببالي
يومنه مجاني ولوجه الله ليش مايعطون الناس المقادير وكلن يسوي لنفسه

ولله شي مُحير ياآوم الجود صحيح ليه مايعطينا مقاديرها
لكن نحسن النيه يمكن يبي يكسب اجرفينا
المشكله الخلط بين الصدفيه والاكزيما وانو الخلطه تنفع للأثنين وهم مختلفين !!

[هجهوج]

اخاف انها كليجاء
مطحونه

[أبو ريماس]

المشاركة الأصلية كتبت بواسطة قاهر الصدفيه

الصدفيه على حسب علمي تختلف عن الاكزيما
لكن انا بتصل عليه وبشوف
وان شاء الله يجيب العلاج نتيجه مرجوة
غير والله لاشغل سيارتي وامر الخرج على طريقي واخذ فتى الخرج ونكمل للرياض واقابل هجهوج وابو ريماس واخلي فتى الخرج يركب ورى عشان هجهوج يركب قدام والاثنين يركبون ورى ووينك يابريده
وعسا الله يكتب اللي فيه الخير ويعجل بفرجه

يالبى قلبك والله اخوي قاهر والله يا اني احس ان هالحملة ماراح توقف في القصيم هههههههههه الله العالم ماراح يردنا الا اقليم الكنغال التركي بقيادة الدليلة أبو الهجاهيج
يسلموووووو على المبادرة يا بعدهم

[هادي111]

السلام عليكم ورحمة الله وبركاته
خذ معك واحد نفر من الرياض اذا ممكن وباقي مكان..... الله يكتب لكم السلامة والشفاء وجمع اعضاء هذا المنتدى الحبيب , بانتظارك

[جودينا]

المشاركة الأصلية كتبت بواسطة أبو ريماس

لله درتس عمة جودينا على هالاستنتاج

والله ان نفس استنتاجتس اللي كان يدور ببالتس كان بعد يدور في بالي بس والله اني كنت مستحي خصوصا يوم شفت الربع يأيدون

وبعدين الرجال اللي في المقطع يقول العلاج للاكزيما اللي نسميها بالعامية ( صدفية ) !!

وشذا الحتسي أشوا ان أهلنا و الاولين ما يعرفون كلمة ( صدفية ) بالعكس يمكن كلمة ( الاكزيما ) مشهورة أكثر عند الناس !!

مع الاخذ في الاعتبار ان المرضين مختلفين اختلااااف تام

ولكن ما اقول الى مثل ما قلتي ( الشافي الله )

الله يعين

الله يدردرك للجه يبو ريماس

تدري ان الواحد اذا بيسوي شي لوجه الله يحب انه يعم اكبر قدر من الناس..فلو كان لوجه الله كان حطو المقادرير بدال مغط ذي المشاوير
وبعدين المصاديف في العالم كله مو بس في السعوديه..يعني مو معقوله كل المصاديف بيرحون الهم
بس الظاهر انه مجاني مبدئيا وبعدين بيجي في العلوم علوم

ولو هو بمقابل مادي..عادي من حقهم بس عاد لا يقولون لوجه الله
ولو هو علاج بمعنى علاج ويقضي على الصدفيه بشكل ( نهائي ) وقتها خلهم يتشرطون للصبح من حقهم والله لأنهم جابو شي محد جابه قبل

نتمنى شفاء المصدوفين بأسهل الطرق واهونها

[مشاعل الهدى]

وش هالموسيقى الحزينه كن ميت لنا ميت

مو كانها بشرررى

ماااش مااش ماتفااالت كثير

بالتوفيق اخوي ساااهر

[أبو ريماس]

انا اللي صدز محيرني ومخليني احاتسي عمري من الحيرة شي واحد بس يالربع الحين العلاج ومخترعته حرمة على قولتهم وش دخل الروضان في السالفة طيب ؟!!!!
الله يعين بس

[قاهر الصدفيه]

افا عليك ياهادي السيارة تكفي اربعه ورى
والله ودنا بالهبقات يا ابو ريماس قبل لانتزوج ونرتبط
المهم هذا الروضان ياناس وشو شيخ يقرأ على الناس(راقي) ولا ايش
يعني استاذ في ايش
انا البارح جالس اتصل عليه ومقفل جواله

[فتى الخرج]

ياحبي لك اخوي قاهر
اجل انا انتظرك عند مفرق الضبيعة
ونروح على سيارتي
بس اخاف اخونا هجهوج مداوم
عطنا علمك اخوي هجهوج كانك بتخاوينا لم بريدهُ

[فتى الخرج]

بس اخونا الساهر انت تقول وليس لي لا ناقه ولا جمل مجرد اني حصلته و كل ما اتمنى انكم تدعون لي بالشفاء من الصدفيه الله يشفيكم ويجعله سبب خير
وانا لما فتحت اليوتيوب حصلت اسم الفيديو
علاج الصدفية بالاعشاب موثوقه وخاليه من اي مواد ضاره الاستاذ احمد الروضان زوجي و زوجتي عالم الحياة الزوجيه الــ،،،ـــااهر زورونا www 0o1o0 com
حصلت اسمك الساهر بنفس المقطع لايكون انت الي مسوي الدعايه لصاحب العلاج ام انك نفس الشخص الذي اخترع هذا العلاج