مرهم جاد - للصدفية - نتائج مذهلة

[بو عبدالرحمن]

مشكور أخوي أحمد ,, بس انا اتكلم عن المرهم الثاني ، هالمرهم الأسود اهو اللي في بالي. والدايفونكس اظن إن كثر سعره ما يعدى 4-5د.ك. وصح كلامك بعيادة الجلدية مجاني.
و طبعا الشكر موصول لكل من شارك في الموضوع.
لكن انا مو متأكد انه فيه كوتيزون. لأنه فيه حرقة مثل طريقة الفلفل .. الكورتيزون بكل انواعه و بكل انواع الأدوية اللي استعملتها مافيه ولا ذرة حرارة.
و الحمدلله لما قطعته ما لاحظت ان الصدفية رجعت بقوة.
انا متردد منه لأن الصدفية تروح بسرعة , بس ما ادري هل فيه كورتيزون ولا لأ.
لأن فيه بالي أن الكوتيزون ما يسوي حرقة ، و أظن الكل معاي في هذي النقطة.
يعني في مادة ثانية فعالة تساعد ان الصدفية تروح..
محد يعرف مختبر لتحليل الأدوية؟؟

[بو عبدالرحمن]

اخوي فتى الخرج
المرهم اللي انت استعملته هو اهو نفسه هذا اللي معاي . مرهم جاد ؟؟
من جبته ؟ و بكم لقيته ؟؟

[فتى الخرج]

يا هلا فيك اخوي بو عبدالرحمن
نفس العبوه مندون لصقه
ونفس المرهم الموجود عندك
مرهم مجروش معه حبه سوداء ولا تعرف وش مكوناته ابداً غير الحبه السوداء الموجوده فيه
جبته انا من واحد يقاله المطلق من منطقه القصيم
ولا اعرف عن هذا الشخص شي
الوكاد انا قلت له كيف المرهم لصدفيه قال من افضل شي وان شاء الله تروح منك على طول
قلت فيه كرتيزون قالي لا ما فيه كرتيزون
وهو وذمته
لكن لمى استخدمته تبين معي انه مليان كرتيزون
لكن لم استطع ان احلله
لكن استنتجتها من الذهاب السريع لصدفيه
وحرقاً في اول الاستعمال
وبياض على الجلد من المرهم
والرجوع السريع لصدفيه عند ترك المرهم وتوسع منطقه الصدفيه عن السابق
والعلبه اخذتها منه 250 ريال
علبه صغيره نفس علبه تحليل المختبرات
ولو هو علاج نهائي لصدفيه كان عمدوه من زمان وصار من اكبر تجار العالم
لكن زي ماقلت لك الدعوه غش في غش
واذا تبغى تتاكد حلل العلاج وخل الحكومه مالكم يتفاهمون معهم
والله يكتب لك الخيره اخوي

[بوسطن]

المشاركة الأصلية كتبت بواسطة فتى الخرج

يا هلا فيك اخوي بو عبدالرحمن

نفس العبوه مندون لصقه
ونفس المرهم الموجود عندك
مرهم مجروش معه حبه سوداء ولا تعرف وش مكوناته ابداً غير الحبه السوداء الموجوده فيه
جبته انا من واحد يقاله المطلق من منطقه القصيم
ولا اعرف عن هذا الشخص شي
الوكاد انا قلت له كيف المرهم لصدفيه قال من افضل شي وان شاء الله تروح منك على طول
قلت فيه كرتيزون قالي لا ما فيه كرتيزون
وهو وذمته
لكن لمى استخدمته تبين معي انه مليان كرتيزون
لكن لم استطع ان احلله
لكن استنتجتها من الذهاب السريع لصدفيه
وحرقاً في اول الاستعمال
وبياض على الجلد من المرهم
والرجوع السريع لصدفيه عند ترك المرهم وتوسع منطقه الصدفيه عن السابق
والعلبه اخذتها منه 250 ريال
علبه صغيره نفس علبه تحليل المختبرات
ولو هو علاج نهائي لصدفيه كان عمدوه من زمان وصار من اكبر تجار العالم
لكن زي ماقلت لك الدعوه غش في غش
واذا تبغى تتاكد حلل العلاج وخل الحكومه مالكم يتفاهمون معهم

والله يكتب لك الخيره اخوي

الله ينور عليك اخوى فتى الخرج كلامك صحيح 100%

[ألانوار]

حيرة يأخوان تأكدوا قبل الاستعمال افضل لكم ..بالشفاء ان شاء الله

[بو عبدالرحمن]

اي والله يالشفاء للجميع.
بس المشكلة الواحد من وين يتأكد ..

[بوسطن]

اخوى بوعبدالرحمن منوين محصل هالعلاج
انا قبل استخدمت دهان بسعر15 دينار قالولى من السعوديه شخص
يوصله للبيت لونه بنى وفيه نقط مثل علبة فازلين البيضا طلع فيه كورتيزون
اخذ العينه وروح المختبرات الخاصه بساعدونك

[بو عبدالرحمن]

بوسطن اي مختبر تقصد ؟؟
تعرف واحد ؟؟ صج ماعندي مانع أروح أحلل الدواء عندهم ،، ولا تدري شلون شرايك نروح مع بعض ، منها تدفع معاي نص المبلغ و منها أعزمك على عشاء و نتعرف على بعض ،، شقلت ؟؟

[بو عبدالرحمن]

ترى أضحك ويا ما أبي إلا سلامتك
و العشاء تستاهله
بس صج والله جاااان تعرف مختبر بأكون لك شاكر.

[بنـ الكويت ــت]

جيك وان طلع صج فيه كورتيزون
دق على حماية المستهلك خل يشووفون شغلهم معاهم !!
شنو عبالهم صحة الناس لعبه ؟!
شالناس بس وشالذمه اللهم ياكافي !