خلاص ما أبي انتحر تراجعت

[قاهر الصدفيه]

المشاركة الأصلية كتبت بواسطة أم فرفورة

أخوي قاهر معليش سؤال إيش دخل الصدفية في الوظائف ماهي معدية ولاخطيرة تؤدي للوفاة عشان يبعدونا هناك موظفين وموظفات الكل يعاني محد مرتاح اللي عنده السكر القلب الضغط امراض كثيرة مزمنة بس عايشين وممشيين الانه الحياة مستمرة ماهي قاعدة لك لوحدك ولا عشان الصدفية ظاهرة برة خد علاجك وعيش مارس الحياة طبيعية والارزاق بيد الله بصدفية ولا بدونها الله يزوجك ويرزقك بوظيفه ويفرجها عنك من كله آآآآآآميين على فكرة أعرف ممرضة ومعلمة وزارة ناجحات في وظائفهن معاهم البهاق يضحكوا ويفطروا بثقة مع الناس

قولتي لي ليش ؟
انا اقولك نظام الشركات وبالذات قطاع الاتصالات والبنوك يبون موظف حسن المظهر وحتى اي قطاع اخر
انا بحكم الصدفية جاءت بوجهي حبتين بدقني اليسار وحبة بدقني اليمين وبجبهتي وبحواجبي ما اقدر احلق دقني واذا تركت دقني يطلع مايصلح
يعني جاتني انذارات شفهية وانذارات كتابية بان اعتني بالمظهر لكن حكم المرض اقوى مني .
ورحت اقدم بالعسكرية خلوني احلق راسي على رقم 4
ورحت اسوي فحص طبي وكشف
مشيت بكل شيء الا تحليل البول او الدم وقف لي وطلع عندي صدفية
وشافوا راسي وبطني وظهري
عاد كتبو ا لي غير لائق طبيا .
يعني انا حاولت اخفي الصدفية من وجهي بالكورتزون مدة طويلة بس اثرت علي كبرت الحبة وتوسعت وظهرت حبوب جديدة خليها على الله .

[ساره2000]

توني اعرف ان الصدفيه تبين في البول والدم

ماتدري لعها خيره لك ويرزقك ربي من واسع نعيمه انا زي حالك اتوظفت لاني ماقدر الشكل ماياهل ولا المضمون لاني اتعب من الصدفيه وبالي مشغول فيها دايم

اتمنى لنا اشفاء باسرع وقت

[sultan7777]

المشاركة الأصلية كتبت بواسطة جودينا

الحمدلله انك طلعت صاحي

وربي اليوم افكر لو انحرت بأحس بالذنب مع اني ماسويت شي

معاناتك طويله ومع هذا انت شخص مكافح

الله يشفيك ويعوضك خير

مشكور على مشاعرك الطيبه وانا مستحيل أنتحر بس كانت عندي اسباب كثيره كنت ابي اتوصل لها بس ما جت معي أحد الاسباب أن كثير من مرضى الصدفيه ما تكلموا عن قصصهم مع المرض و أنا حبيت أثيره بالموضوع عشان يتكلم و فيه كذا واحد نفع معه الموضوع و تكلم بس للاسف انحذف الموضوع عموما الف شكر لك والله يشفيك ويحفظك دووووووووووووووووووووووم

[sultan7777]

المشاركة الأصلية كتبت بواسطة الامير الوسيم

شكلي أنا اللي بنتحر اللحين

لا لا لا يا أمير كل شي الا انت ادري اني أقلقتك معي بس لو انتحرت من ألي بيخليني مثل ميسي .... و أحفظ مني هالبيت :

والله أني ع المصايب أولوا عزمن و بئسن شديد
كل ما زادت جروحي صرخت يادنيا هل من مزيد

[sultan7777]

المشاركة الأصلية كتبت بواسطة سارة 22

الف الحمد لله على سلامتك اخي
انا بصراحه الي اكتر من 8 سنين والصدفيه عندي وستعملت كريمات وخلطات بس ما راحت

الله يسلمك و يحفظك و يكتب لك الشفاء العاجل ... من خبرتي في عالم الصدفيه ( متعوب عليها الجمله ) قد تكون بعض الادويه مفيده لمريض معي و غير مفيده لمريض آخر . اتمنى أن هالعلاج يفيد معك والله يكتب لك الشفاء العاجل
وإذا ما نفع معك وزادت عليك الصدفيه نصيحتي تجربين الحقن لانها مره فعاله و ممتازه .

[sultan7777]

المشاركة الأصلية كتبت بواسطة الامير الوسيم

يالله طهور أن شاء الله يديم عليك الصحة والعافية ويبعد عنك كل مكروه وشر يا سلطان سلام يا لونيل ميسي

هههههههههههههههههههاي قسم بالله أنت واحد غير .. أنا لازم أعزمك يوم بس ماقلت لي اي فريق تشجع ....... تراني مو هلالي متعصب ولا شي

[sultan7777]

المشاركة الأصلية كتبت بواسطة ayache

الحمد لله على السلامة

الله يسلمك يارب و يشفيك و يعافيك ويرفع عنك ويرزقك جنته يارب

[sultan7777]

المشاركة الأصلية كتبت بواسطة قاهر الصدفيه

سلطان تراني كتبت رد وخلصت يوم جيت ابي اضيفه رفض السستم لان الموضوع انحذف وصدقني لو انك قريته اضنك بتنتحر بغرفتك

ياهو كلام يرفع الضغط كتبته لك
يا اخي انت من جدك تنتحر
انا جتني الصدفيه عام 1417 او 1418
ما اذكر بالضبط
حاليا انا عاطل عن العمل
فصلت من شركة زين لان الشركه تبي واحد يحلق دقنه مرتين بالاسبوع وانا الصدفية مو مريحتني
بعدين قدمت بالعسكرية
شافو جسمي وراسي وطلع بالتحليل صدفية قالوا اقضب الباب وسكره وراك
وانا الى اليوم ما ادري اشيل هم الصدفية ولاهم العطالة
والله طفشت من جلدي ومن شكلي ما البس الا ثوب ما اقدر البس رياضه
والصيف جاي والله يخارجنا
وما اقولك اني مافكرت بالانتحار فكرت لكن قلت هم وعذاب بالدنيا اروح واتعذب بالاخره
يعني قلت عذاب بالدنيا وانشاء الله اجر ونعيم بالاخرة
وانت اللحين خلك معنا بالمنتدى ولايطريك تتركنا
واي شيء تبيه حنا حاضرين
وترانا ناس طيبين وبنفيدك ونبي نستفيد منك ومن تجاربك
اخوك قاهر الصدفية

سلام

مشكور على مرورك و على مشاعرك طيبه بس بقول لك شي أنا عمري ما فكرت بالانتحار و طول سنوات عمري مع الصدفيه كنت متاكد و مقتنع أن الله راح يشفيني و كل ما زاد علي المرض كل ما كنت متاكد أنه بيروح .
واذا ع الوظائف كذا وظيفه تركتها ومنها شركة زين بس مو عشان الصدفيه تركت زين . عشانها شركه غبيه واحمد الله ان ربي فكك منهم .
عموما انا مستعد بأي شي تبيه و مستعد بلي أقدر عليه ونصيحتي لك تابع آخر ما توصل إليه الطب في علاج الصدفيه و لا تعتمد على التجارب و على كلام الناس ولا تهمل الصدفيه لان اهمالها خطير مره صدقني . اسال الله ان يكتب لك الشفاء عاجلا قبل آجل .

[sultan7777]

المشاركة الأصلية كتبت بواسطة المتفائــله بربها

يالله !!
قصتك طويييله ماشاءالله عليك مكافح يمكن انا لو اني ولد كان ماخليت ديره ماسافرت لها عشان العلاج بس الحمدلله
الحمدلله انك رجعت لنا سالم ياخوي حنا مسلميين والله ان قوله ابنتحر احس اني ابكفر
اجل انا رديت عليك قبل بموضوعك وكتبت لك قصتي ماعمري قلته لاحد بس انت اثرت مافي داخلي وانفجرت :d
على العموم مالك بالطويله الحمدلله على السلامه والله يشفيك شفااااء دااائم يارب والمسلمين اجمعين
وترا الدنياااا حلوووه

لا مو طويله ولا شي تراني مختصر كثير قسم بالله بدون مبالغه أحس محد عانى كثر ما عانيت غير الصدفيه كانت عندي مشاكل كثيره لو كتبتها هنا يمكن محد يصدقني و مع ذلك الحمدلله أني صابر .
انا قريت قصتك وهذا الي كنت ابي اوصل له يوم كتبت موضوع الانتحار وقريت قصة الاخ ألي من العراق . كنت أبي اجمع اكبر عدد ممكن من قصص المرضى بس يالله انحذف الموضوع .
عموما حاب أنصحك اذا الصدفيه مرررره تاعبتك جربي الحقن وتراها بتريحك كثير ومن أول أبره وأتوقع تقدرين تدفعين حق كل أبره في وقته مو شرط كاش واتمنى ما تهملين الصدفيه وتكثرين من الاستغفار وقراءة سورة البقره

[sultan7777]

المشاركة الأصلية كتبت بواسطة أنـــا

والله حرام عليكـ..

عيوني دمعت وأنا أقرا موضوعك اللي حذفوه..
وفي الأخير طلعت تستهبل..

المهم إنكـ بخير..
وانكـ اتشافيت.. وإن شاء الله ماتشوفها طول حياتكـ..
والله يعوضكـ على صبرك ومكافحتكـ للمرض..

( يارب اشفي مرضانا ومرضى المسلمين )

عسى عيونك ما تعرف ألا دموع الفرح يوم تتشافين أنا ما كنت أستهبل . أنا كان لي هدف من الموضوع بس للاسف انحذف . عموما انا آسف كثير واتمنى من الله يشافيك ويعافيك ويرزقك جنة الفردوس