جمعه الرحيل وقوه الحشد برصاصة الرحمه (نصائح وتوجيهات)

[أم عبد الله]

نريد ان نعيش في سلام مصر بلدنا نحن ونحن من يعرف مصلحة بلدنا لا دخل لأحد فيما نفعل او لا نفعل برجاء من عنده كلمه طيبه يقولها وان لم يكن فلا يتكلم نهائياً ..فارس اللواء حضرتك مصري هل ترضى ما يحدث في مصر الأن؟؟ خسائر وعدم أمان وناس غلابه مش لاقيه اللقمه لأنهم بيعملوا يوم بيوم ؟؟ وبسبب التحرير ومافيه ضايعين تقدر تقولي هذا يرضي الله ؟؟ لا والله هذا حراااااام وهل المظاهرات كانت ايام الرسول ولا الصحابة ولا الخلفاء ولكنها بدعه نقلناها من الغرب الكافروخلاص . المطالب بتستجاب يبقى نلتزم الصمت ونعود للحياة إن لم تنفذ يكون الأمر مختلف والوضع اختلف لكن لا داعي لأن نشعل النار ولن نحرق بها إلا أنفسنا .. جميل ان تدخل اميركا علشان تحمي الشعب؟؟ جميل ان تدخل اسرائيل ؟؟ هذا ما ترضاه لبلدك ؟ ياريت نفكر بالعقل اكثر من العاطفه نفكر في ناس غلبانه بتنام من غير عشا ومش لاقيه اللقمه بسبب الي بيحصل في البلد . نفكر فينا كلنا الي بنام كل يوم خايفين من البلطجيه وغيره وغيره وغيره . الناس اتظاهرت وقالت رأيها واتنفذ اتنفذ الكثير منه مش كل شوية نقول في لسه متغيرش في متعدلش اتقوا الله بالله عليكم اتقوا الله في مصر وحسبنا الله ونعم الوكيل

[شروق الاجزجي]

ايوه يا ام عبد الله ..لكن احنا لو رجعنا في نص الطريق دلوقتي كل دم راح مش هيكون له تمن ..احنا مشينا لطريق وفي ناس دفعت تمن كرامتنا حياتها ..ووصلنا لحالة من قلب موازيين القوى لصالح الشعب ..لو تراجعنا دلوقتي هيكون كل شئ كأن لم يكن ..وهيضيع دمهم ..
اكيد انا مقدرة خوفك وقلقك ومشاعرك ..لكن الدم اللي راح كان هدفه انه يحمي دمي انا ودمك انتي ..
االي ساب بنته وابنه اللي عندهم سنتين عشان يقول ..عيش حرية كرامة انسانية ..خرج عشاني انا وعشانك انتي ..
ولو رضينا بقليلنا زي كل حاجه في حياتنا ..الجاي هيكون اسوء لانه هيكون انتقام ..
لو احنا عايزين نعيش بكرامة لازم ندفع تمن الحرية ..في ناس دفعت الحساب عننا ودفعت التمن دمها واولادها وقوتها ..واحنا كمان لازم ناخد جزء من الفاتورة ..لازم ندفع جزء من الضريبة ..والا فمنستاهلش الحرية ولا الكرامة ..

مصر اللي كانت اجمل بلاد الكون ..هي بلادي ..وبلادي اللي خشرت 30 مليار في كام يوم ..خسرت كمان مليارات كتتير طول السنين اللي فاتت في ظلم وفساد وسرقة ..
نعمة النسيان جميلة ..لكن هما بيلعبوا عليها ..
نسينا اننا محققين اعلى نسبة فشل كلوي وسرطان في العالم واللهم لا حسد وما شاء الله ..
نسينا ان اكتر من40 % تحت خط الفقر ..اللهم لا حسد وما شاء الله ..
نسينا سيد بلال وخالد سعيد وغيرهم كتير وكتير ..

الحرية تمنها غالي يا ام عبد الله ..ولازم ندفع جزء من التمن والا فمش من حقنا نطلب حرية ..

المظاهرات مش بدعة ..لانها مش دين ..وانتم اعلم بامور دنياكم..ديه وسيلة محترمة وسلمية وحضارية للتعبير عن المطالب ..والبديل ليها هو العنف ومظنش ان ده يرضي الله ورسوله ..

وايام الصحابة والرسول مكنش في مظاهرات لان مكنش حد يقدر يهين كرامة مسلم ..
ولما حصل ومن غير مظاهرة السيدة قالت وامعتصماه ..الدنيا كلها قامت حرب ..

اللي في الميدان ناس رضيت تدفع حساب اكبر ..ورضيت تدفع تمن عني ..احنا فعلا ممتنين ليهم ومساندينهم ..ولازم نساندهم ..
واللي بيماطل مش هما ..واللي بيقتل مش هما ..واللي هيضيع وقت وبيأذي مصر مش هما ..

وعن انه اتنفذ منه كتير ..فلأ الحقيقة انه لم يتنفذ منه غير اطار شكلي وكلام منمق ووعود جميلة ..واهو كلو كلام في الهوى بيطير قبل ما يتقال ..

السلام الحقيقي اني اعيش في بلدي وانا مش خايفة اني اعتقل بموجب الطوارئ
السلام الحقيقي اني اقدر اتكلم من غير ما اخاف لحسن تكون الحيطان ليها ودان ..
السلام الحقيقي اني اتعامل باحترام ..

الشباب اللي نزلت المظاهرة كانوا من الطبقات العليا والمتوسطة مش فقراء ..عارفة ليه ..
لانهم شافوا في نشاطتهم التطوعية حال الفقراء عامل ازاي ..
شافوا الفساد والظلم والمرض والجهل والفقر ممكن يعلموا ايه في بني ادم ..
شافوا اللي مش عنده تمن ابرة وعنده السرطان ..
شافوا اللي مش عنده مايه ولا نور ..وبيشرب من الصرف الصحي ..وبتجيله فاتورة كهربا ..
شافوا كتتير قوي ..
ليا صديقة قالت لي ..
انا لو كنت ساكنة في شقة غرفة وصالة وفيها 8 افراد وزوجي بيقبض 200 جنيه بيدفع ميه ونور وايجار واكل وشرب وكمدارس ومواصلات وبتخلص في اول اسبوع في الشهر ..اواللحمة ب70 جنيه والسكر ب7 جنيه و...و...و... اكيد كنت هكون اول واحده في ميدان التحرير ..

انا فعلا مقدرة قلقك وخوفك وتعب الاعصاب .اللي كلنا عايشين فيهم .لكن احنا بتشتري كرامة وحرية ..يبقى لازم ندفع التمن ..

[رياض123]

[quote=ابو هاله;1071027]

المشاركة الأصلية كتبت بواسطة شروق الاجزجي

يا استاذ ابو هالة .. لا تجنح بنا الى زوايا لا حوارية ..
لا اجنح الى شئ انا ارد على كلامك ان حسنى لو تنحى لفسدت البلد فقلت لنفرض انه مات الان اهذه لا تساوى تلك؟؟؟؟؟؟؟؟؟؟

كلامي واضح ومحدد ومباشر ..
قلت البرادعي والاخوان .. والاثنين يعلمون لصالح اجندات لا مصرية ولا وطنية ..
كلامي واضح!!!
اتفق معك ان البردعى يعمل لصالح اميركا اما الاخوان فهذا من الهراء
اذ كيف يعملون لصالحهم وهم يمثلون هما كبيرا لاميركا وعميلها الاول نظام مبارك
ومحاربتهم وحظر نشاطهم خير برهان على كذب ادعائك
وللعلم انا لست من الاخوان بل من المعارضين لجل نظامهم ولكن نقول قولة حق
ان تتفق ان يتولى البرادعي السلطة سيدي الفاضل
بالتأكيد لا والف لا ولا عمر سليمان عميل النظام ولا حتى عمرو موسى كمايطالب بعض الناس ولكن نسأل الله ان يولى من يصلح البلد على يديه
ولى سؤال حول هذه النقطه اين اهل التيار الاسلامى من هذا الامر

اي هراء يا ابو هالة
الم يدخل الاخوان افغانستان على ظهور الدبابات الامريكيه
هل نسيت العراق ومؤامرات الاخوان لتسهيل احتلاله وتسليمه للمجوس
ابحث لي عن ارض اسلاميه واحده فيها اخوان ولم يدنسوها بعمالتهم لاعداء الله
عن اي هراء تتحدث يا ابو هاله بالله عليك ماذا يفعل الاخوان في مصر حاليا غير تنفيذ احندات امريكيه وبيع دماء من ضحو بثمن بخس والترويج لنصارى ووضمان علمانيه الثوره وعدم تحولها لاسلاميه
وعلى ما يبدو اني لا اجيد العد جيدا يا ابو هاله هل لك ان تحصي لي عدد الضحايا من جماعه الاخوان وخاصه قياداتهم الذين سقطو في الثوره حتى يحاولو الاستيلاء عليها والتفاوض بسمها مع نظام مبارك
العدد لغايه الان صفر ولا يتحرك عندي خاصه في صف القيادات هل يمكنك ان تعد انت يمكن انك اشطر في العد

[المؤمنة_بالله]

لا حول ولا قوة الا بالله العلى العظيم