حد جرب الدكتور مصطفي جبر لعلاج الثعلبة الشاملة

[ساره 330]

مساء الخير جميعا ...
بالنسبه للي سأل عن الأبر !!
بديت مع الدكتور اول أبره وبعد اسبوعين الثانيه وبعد شهر الثالثه وبعد شهر واسبوعين الرابعه
وبعدين خلصت الأبر وماتواصلت مع الدكتور وماعاد أخذتها لي تقريبا شهرين واسبوع بالضبط ومافكرت اخذها الصدق وماسويت تحاليل كل هالفتره !!
ان شاء الله بتواصل مع الدكتور واشوف وش بيقول ؟؟

[عبدالعزيز عبدالله]

بالنسبه للاخت املي في ربي

قلنا لكم يا اخوان راح يرد يتساقط الشعر للاسف

وانا الكرتزون الطبيعي نزل عندي لان الكرتزون الصناعي يخليه ينخفض

الحمدلله سويت تحاليل بعد توقفي من الكرتزون ب ٣ اشهر الهرمونات رجعت طبيعي

[املي في ربي]

شكرا للرد اخ عبد العزيز عبد الله
اخي ممكن توضح لنا كيف وضعك الحين مع زلجانز وهل هنالك اي اثار جانبية للدوا معاك. ووين ممكن اتحصل عليه

[دلوعةحناني]

السلام عليكم
وينكم الي تعالجتوا عند الدكتور
بشرونا لا هنتوا
فكلماتكم امل كبير لغيركم

[حمود444]

السلام عليكم

اقروو كلااامي زيييين ركزوا معي ارجوكم إذا تخافون على صحتكم ومستقبلكم


بقولكم قصتي وقلتها قبل بالموضوع ذا بس عشان الناس تفهم وتعي إن هذا الدكتور نصاب وقاعد يسوي تجارب على العالم

اولا تعالجت قبل بداية رمضان باسبوع

خذيت اول ابره دروبوفس (كورتيزون)
اول يوم برمضان

بعدها باسبوعين بتاريخ 15 اخذت الابره الثانيه


طبعا في بداية العلاج يحرق الراس بااسيد الخل الم غير طبيعي (لا احد يجربه )

المهم بعد الابره الثانيه بدا الشعر يطلع لانه كوريتزون اي دكتور يقدر يصرف لك هالابره ,,

طبعا بديت اقرا والف عن هذا النصاب مصطفى جبر وجد كل التعليقات سلبيه بل يدعون عليه

ماعدا واحد او اثنين تقريبا

خلوكم معي


بعدها وقفت الدواء ولا خذيت اي ابره ثانيه

الأعراض إلي حسيتها اولا اولا ضعف جنسي وانا متزوج عشان كذا وقفته فورا


انتفاخ بالوجه والخدين بشكل غريب

الم في الرقبه واسفل الظهر عجيب


قطعتها رجعت اموري تمام بدا الشعر يتساقط الحين والله يعوضنا خير


المهم لحد يفكر يروح عند الدكتور تجارب المرضى معه مريره

للأسف في شخص تعالج عنده وزاد وزنه 20 كيلو
والحمدلله ترك العلاج الحين وان شاء الله اموره ترجع تمام

ومعي شخص يرفض إنه يوقف لأني انا معه بدينا العلاج سوا ,,انصحكم في ايقاف العلاج ,,, العلاج مضر وخطير

الدكتور عليه شبهاات يلعب في حسبة الناس بالاردن لا حسيب ولا رقيب



لا تخافون علاج الثعلبه بيجي ان شاء الله

اللهم بلغت اللهم فأشهد

[املي في ربي]

كفيت ووفيت

[عبدالعزيز عبدالله]

الاخ حمود

انا تكلمت قبلك وقلت لهم ان الدكتور يلعب بالعالم لعب
وفي شخص اصابه مرض السكر بسبب الكرتزون

والي يمدحونه اما انهم ناس محسوبين عليه او اشخاص جدد وبعد كذا شهر بتشوفهم يدعون عليه

[2الأمل2]

المشاركة الأصلية كتبت بواسطة حمود444

لا تخافون علاج الثعلبه بيجي ان شاء الله
اللهم بلغت اللهم فأشهد

انا مقتنعه تماما ان الكرتزون خطر كبييير على الجسم.. لكن وين البديل وين الدواء الي بيجي
تكلم الاخ sayer s عن دواء زيليجانز لكن وين ممكن نلقاه ومن الطبيب الي بيصرفه.. والاهم من كل هذا هل راح يستمر الشعر في النمو بعد التوقف عن العلاج.. ام انه بعد التوقف سيسقط الشعر من جديد.. لان على ما اعرف سعر الدواء غالي جدا .. ممكن المريض يدبر قيمة العلاج لفتره لكن على طول صعب جدا...
أخ sayer s ياليت تفيدنا بمعلومات اكثر جزاك الله خير.

[املي في ربي]

انصح كل من يعاني من هذا المرض بإجراء فحص حساسية الجلوتين فقد وجد ان حساسية الجلوتين من الممكن ان تتسبب في مرض الثعلبة الله يعافي الجميع

[البلعاووي]

انا وقفت اكل القمح ومشتقاته لمدة شهرين و ما نفع معي العلاج