اخر تطورات الصدفيه عندكم ..

[ايهاب العراقي]

بس حابى\ة قول شغلى لاخي ايهاب انو بس اصبر ولا تستعجل الشفاء بما انك من الحلالت المتطورة كتر وبما انك اخدت علاجات كيماوبة كتييير
الله يسلمج اختي Rss...يااختي منو قلج انو اني مو صابر ومستعجل الشفاء..بلعكس لو تشوفين حالتي الصحية هسه راح تقولين هذا شلون متحمل هذا الوضع..لأن بصراحة حالتي جدا تعبانة..وصارلي اسبوع تارك العلاج الكيماوي السيكلوسبورين..اني كنت اخذه بأعلى جرعة وماكانت توقف الصدفية عاد هسه شلون بعد ماتركته..والله الحالة لاتوصف والكلمات ماتصف الألام اللي كاعد امر بيه في الوقت الراهن وكالعادة بعد ترك العلاجات الكيماوية..طبعا بعد ماتركت العلاج الكيماوي صارت الصدفية تنتشر بشكل رهيب وسريع جدا يعني في غضون ايام تغطي مساحات جديدة..وايضا خلايا الT-cell لاتهاجم فقط الجلد وتسبب الصدفية وانما في حالتي تهاجم المفاصل والعضلات واكو انتفاخ في العقدة اللمفاوية في العنق حتى مو قادر احرك رقبتي..وتهاجم انسجة الجسم الأخرى وينهدم حيلي حتى اني لااستطيع الوقوف الأ بصعوبة لأن حيلي منهدم ..وليس هذا فقط وايضا ارتفاع حرارة الجسم واحنا بعز الصيف بسبب الألتهابات الشديدة التي تسببها ال T-cell ..وبلاوي اخرى ..رغم كل هذا اني الحمد لله صابر ومحتسب رغم الألام وناوي امتحن المادتين اللي بقت لي من السنة الماضية بسبب الصدفية واني كنت استعمل العلاج الكيماوي مو بسبب كسل مني وبطر.لاوالله كنت استعملها بسبب حالتي الشديدة جدا وبسبب دراستي الجامعية لأن ماستطيع اسيطر على الصدفية الا بهذه العلاجات القوية (مو كافي رسبت سنتين بالجامعة بسبب الصدفية وااله على مااقول شهيد)....والله لو هذي الألام تنزل على جبل لأدت الى تدمير الجبل..يعني بكل بساطة جسمي قاعد يأكل نفسه بنفسه..حتى اخوي الدكتور اللي اكبر مني يقولي لازم تاخذ الميثوتركسيد...او على الأقل حبوب تخفف الألتهاب مثل Mobic ...بس اني ممتنع اخذ العلاجات الكيماوية..ومتحمل ومتفائل واريد اتعالج بالعلاجات الطبيعية وعندي برنامج علاجي..بس ماعرف هل راح اقدر اصمد الى الأخر مع هذا الوضع.الصراحة اني ماشفت هيج حالة لافي منتدانا ولا في المنتديات الأجنبية الأخرى
والله ماكنت ناوي اتكلم عن حالتي بس انتي خليتي احجي.

[abomicho55]

ورب نازلة يضيق بها الفتى ذرعا وعند الله منها المخرج

الحمد لله ..