لسع النحل لعلاج الصدفية

[بو عبدالرحمن]

انا جربت الحجامة مرتين
سويتها عند دكتور عراقي عندنا بالكويت اسمه دكتور عدنان ، عنده عياده خاصة ،، الصراحه شغله وايد نظيف
و ماشاء الله تبارك الرحمن ،، إيده وايد خفيفة ،، هذا التشريط اللي تقولين عنه ما تحسين فيه ،، يعني بدون مبالغة ،، جنه واحد حاط على الجلد ورقة و قاعد تمر عالجسم ومافي أي شي بمكان الحجامة ،، لا آثار جرح و لا بدأ مكانها صدفية مثل ما تقولين.
للعلم انا سمعت ان بالرياض عندكم خوش مركز للحجامة خاص للنساء.
والحجامة لها مواعيد وشروط للحصول على أفضل نتائج.
أذكر منها:
- ان افضل الأيام يوم 17 ، 19 ، 21 من الشهر العربي.
- أفضل أيام الأسبوع الاثنين ، الخميس و ما ادري شنو باقي الأيام ،، و في أيام منهي الحجامة.
- يفضل الحجامة على معده خالية ، و يفضل في أول النهار (وقت الفجر) إن أمكن عشان هالفترة يكون الدم راكد ، عدم السباحه في يوم الحجامة .. و في بعد تنبيهات أخرى إذا يهمج الموضوع ممكن أرسل لج باقي المعلومات اللي عندي بالمجلة بشكل مرتب و أوضح.


عموما نرجع للموضوع ، نأسف للخروج عنه أصلا ..
هذا اهو موقع الشيخ سامي الثنيان:
www.sami-althnyan.com
وبصراحه انا وايد استفدت منه ، بس بالنسبة للـ "سنامكي" انا كنت استعمل حبوب من الصيدلية ، مو مثل ما يقول "اعشاب" و في منها انواع وايد و رخيص
في إماراتي اسمه "لاكسال" و في ألماني ، و فرنسي و انجليزي , انا استعملت الانجليزي لأنه كان اهو المتوفر عندي ، الحمدلله ما يسوي مغص ولا اي مشاكل هضمية.
واسمحوا لي عالإطالة..

[بو عبدالرحمن]

الموقع فيه حمية الصدفية
و عدة حميات علاجية و تنبيهات عامة ومفيدة.

[ساره2000]

بوعبدالرحمن ماقصرت ويعطيك العافيه انا جربت الحجامه ثلاث مرات بعياده زينه في الرياض بس التشريط يسبب جروح والجرح يصير مكانه صدفيه

عموما معد احتجمت بس الحجامه اكيد فيه فوايد وكان ودي اني كملت لحد ماوصل للشفاء بس ربي ماكتب وسافرت واستعملت علاجات ثانيه ومع الاسف ماجابت نتجيه

بالنسبه لموقع سامي بفتحه واقرا فيه
وبالنسبه للسنامكي استعملته اعشاب شهرين كاملين زين ماطلعت امعائي ههههههه بس مع الاسف صدفيتي عله مايفيد معها شي

انا اتجهت للقران في علاجاي والرقيه الشرعيه مع زيت الزيتون لان الصدفيه زي ماتعرف سببا مو معروف والشيطان يجري في ابم ادم مجرى الدم ما اخبرنا الحبيب محمد عليه افضل الصلاه والسلام

وماننسى قصة نبينا ايوب ان الشيطان مسه بنصب وعذاب
سبحان الله هالمرض غريب وانا قرت قبل فتره حديث عن الرسول

ليكونن في امتى الطعن والطاعون قالوا يارسول الله اما الطعن فقد عرفناه وهو القتل فما الطاعون قال رسول الله وخز اعدائكم من الجن وفي كل شهداء) حديث صحيح في الموطا ومسند احمد

سبحان الله شي يحير لان الاطباء مايعرفوا السبب والخلل في الجهاز المناعي ومايعرفون وش الي قاعد يصير

[بو عبدالرحمن]

الله يهداك اختي السنامكي ما يكون استعماله شهرين.. الحمدلله على سلامتك اختي.. جربي الحبوب تراها اخف ، بس هم اعيد و اقول مو صح الواحد يستمر عليها فترة طويلة.
يعني مثلا مرة إلى مرتين او بالكثير ثلاث بالشهر وبس.
تسوي خووووش تصفية للجسم.

[بوسطن]

لصدفيه الراس الدهن الهندى ممتاز .
ولصدفيه الاظافر فرك بالليمون وماء وملح .
وللجسم ماء البحر قبل الغروب ومن ثم دهان بالخلطة الدهيميه.

[ايهاب العراقي]

المشاركة الأصلية كتبت بواسطة بو عبدالرحمن

الأخ إيهاب ، تسلم و مشكور على مرورك ،، و يا ريت لو تفيد بالمعلومات اللي في الكتاب اللي عندك إذا مافيها تعب عليك.
بخصوص أماكن اللسع ، و جدول اللسعات (الأيام + العدد)
و عسى الله يفرج عنا و عنك و عن باقي المسلمين

اهلا اخوي ابو عبد الرحمن..بالنسبة للكتاب دورتلك عليه مالقيته ..واذا لقيتة راح اكتبلك المعلومات..بس صدقني الي اذكره واللي كان مكتوب بالكتاب عدد اللسعات (ذكرته بموضوعي)وجدول اللسعات (ايضا ذكرته في موضوعي) اما اماكن اللسعات فما كان مذكور بالكتاب والأماكن انا استاذي د.مزاحم الله يذكره بالخير واللي كان يدرسني بالجامعة علمني اياها وقلي عليها(وايضا ذكرتها في موضوعي وهي 4 مناطق)وبالنسبة لي كما ذكرت بالموضوع اشتريت خلية نحل وحطيتها فوق السطح وكنت انا السع نفسي بنفسي..وكنت اريد استشير د. مزاحم في بعض الشغلات بس للأسف كان معتقل عند الأمريكان ..يعني كل المعلومات اللي سألت عنها موجودة بالموضوع ..والمعلومات اللي موجودة بالكتاب هي نفسها الي كتبتها بالموضوع ماعدا اماكن اللسع ماكانت موجودة.
تحياتي

[بو عبدالرحمن]

تسلم أخوي ،، يعني 240 لسعه بالشهر ،
و أماكن اللسعات على أماكن المناعة الأربعه ، أهي نفسها تنفع للصدفية
على الفخذ من الجهة الخارجية ، نزولا من الحوض 20 سم، و على الساعد من الداخل نزولا من الكتف 20 سم أيضا.
صح؟
و اللسعات 3 يوميا ؟؟

[ايهاب العراقي]

لا ياخوي ابو عبد الرحمن ..مو هذا اللي مكتوب بالموضوع..اللي مكتوب بالموضوع ..العدد الاجمالي الكلي للسعات 240 مو 240 لسعة في الشهر مثل ماقلت .
والمسافة لا مو 20 سم..عيوني ابو عبد الرحمن راح ابسطلك اياها..بالنسبة للمنطقة العليا اكو منطقة اسفل مفصل الكف وفوق عضلة الذراع (من الخارج)كلا الذراعين..والنطقة السفلى اسفل مفصل الحوض بمسافة( من الخارج)كلا الفخذين.
واللسعات مو 3 لسعات يوميا ..اول يوم لسعة ثاني يوم
لسعتين ..الى ان توصل اليوم العاشر 10 لسعات..بعد ماتاخذ استراحة لمدة 3 ايام وراها تبدي تاخذ 3 لسعات في اليوم.
هذا اللي مكتوب بالموضوع
والمناطق التي تؤثر على المناعة هي اربع مناطق وهي (تحت الكتف بحوالي 12سنتمتر من خارج الذراع (كلا الذراعين)وتحت الحوض بحوالي (17 ) سنتمتر من خارج الفخذ(كلا الفخذين ).

وعدد اللسعات هي كالأتي :وهذا شرح عدد اللسعات
في اليوم الأول لسعة واحدة-في اليوم الثاني لسعتان –في اليوم الثالث ثلاث لسعات وهكذا 0000000 الى ان نصل الى اليوم العاشر 10 لسعات .وطبعا تكون اللسعات موزعة على هذه المناطق الأربع التي ذكرتها وبعد اليوم العاشر نأخذ استراحة لمدة 3 ايام ثم نعاود العلاج بعدها بمعدل 3 لسعات يوميا ولمدة شهرين ويكون عدد اللسعات في نهاية العلاج حوالي (230-240)لسعة تقريبا .
وطبعا السم يذهب الى الدم مباشرة ويؤثر على المناعة (يصحح الخلل الموجود في المناعة ان شاء الله).
اعتقد كل شي واضح انت بس اقرى الموضوع زين.
تمنياتي لك بالشفاء

[بو عبدالرحمن]

تسلم اخوي ،، كفيت و وفيت

[ايهاب العراقي]

الف هلا ..عيوني ابو عبد الرحمن راح ابسطلك اياها..بالنسبة للمنطقة العليا اكو منطقة اسفل مفصل الكتف وفوق عضلة الذراع (من الخارج)كلا الذراعين..والمنطقة السفلى اسفل مفصل الحوض بمسافة( من الخارج)كلا الفخذين.
تمنياتي لك بالشفاء