اللوز !

[saberalgameel]

المشاركة الأصلية كتبت بواسطة جودينا

دكتور صابر سؤال بعد اذنك
الحين لمن يكون الواحد عنده جفاف شديد عادي يطلع له كيس دهني

الكيس الدهني ممكن يطلع لاي احد .خاصة البشرة الدهنية .
طالما وجدت غدد دهنية في الجلد فممكن ان تنسد واحدة منها وتكبر في شهور الى سنين وتظهر الكيس الدهني

[جودينا]

المشاركة الأصلية كتبت بواسطة saberalgameel

الكيس الدهني ممكن يطلع لاي احد .خاصة البشرة الدهنية .

اي مو هذي المشكله يعني انا ام الجفاف شلون يطلع لي كيس دهني
الحين لمن رحت للدكتوره قلت لها في حبه تحت الجلد براسي قالت مو مشكله هذا كيس دهني واشيله
ولمن شقت الجلد قالت هو من برا صغير لكن من جوا عميق ويحتاج لدكتور جراح واتصلت عليه ولمن شافه قال محتاج عمليه بعدين خيطت الجرح 4غرز
الحين هو شلون يصير عميق وهو في منطقه صلبه؟؟؟الراس جلد وبعده عظمه الجمجمه
مافي مجال يصير عميق
انا حاسه ان الموضوع فيه إنه خصوصا لمن قالت الدكتوره السبت من الصبح لازم تكونين هنا وهي اللي سوت كل الاوراق والاجراءات بنفسها

ان شالله خير

المشاركة الأصلية كتبت بواسطة saberalgameel

طالما وجدت غدد دهنية في الجلد فممكن ان تنسد واحدة منها وتكبر في شهور الى سنين وتظهر الكيس الدهني

هذا سبب وجيه ويدخل العقل بس ماظنتي ان اللي عندي بسبب الغدد الدهنيه
هذا اذا كان عندي غدد دهنيه

[saberalgameel]

انا لم ارى الحالة .
ولكن الكيس الدهني يفرز مادة شبه الشمع . طبعا عندما تنسد فوهة الغدة تكبر تدريجيا وتصير كبيرة الحجم ومع الضغط العالي والالتهاب تزيد في الالم . وغالبا لو دققتي النظر سوف تجدي نقطة سوداء هي فوهة الكيس الدهني المسدودة.
الكيس الدهني يرفع الجلد لان تحت الجلد طبقة صلبة ليفية ثم عضلة رقيق ثم الجمجمة
العملية سهلة جدا

[صدى الدعاء]

بنت الكويت ياخويفة .. ماعملت عملية اللوز..؟

المشاركة الأصلية كتبت بواسطة جودينا

اي مو هذي المشكله يعني انا ام الجفاف شلون يطلع لي كيس دهني

الحين هو شلون يصير عميق وهو في منطقه صلبه؟؟؟الراس جلد وبعده عظمه الجمجمه
مافي مجال يصير عميق

انا حاسه ان الموضوع فيه إنه خصوصا لمن

لا يا جودي لا تتخوفي ... الغدة الدهنية ممكن جدا أنو تطلع بالرأس.
والدليل أمي طالعتلها غدة دهنية برأسها .. و الدكتور قال لها انو ممكن تشيليها اذا حبيتي.
بس هي مابدها تشيلها و عم تداويها بوصفات طبيعية و مرتاحة .
و ان شاء الله بالعافية

[جودينا]

المشاركة الأصلية كتبت بواسطة saberalgameel

العملية سهلة جدا

المشاركة الأصلية كتبت بواسطة صدى الدعاء

لا يا جودي لا تتخوفي ...

شكرا لـ الكم طمنتوني ,,,الحين اروح غرفه العمليات وانا مرتاحه

[meqdadi77]

انا صارلي شهرين شايل اللوز والله عملية صعبة كتير للكبار بالعمر وللحين ما في تحسن عمستوى الصدفية شو نعمل يادكتورنا مع العلم اني لا اخذ اي مضادات حيوية وانا استخدم الدايفوبت منذ فترة وحتى الوجه

[بنـ الكويت ــت]

وااي بعد عمري جودينا
الله يكون بعونج يااااارب
الله ياجرج

[بنـ الكويت ــت]

المشاركة الأصلية كتبت بواسطة meqdadi77

انا صارلي شهرين شايل اللوز والله عملية صعبة كتير للكبار بالعمر وللحين ما في تحسن عمستوى الصدفية شو نعمل يادكتورنا مع العلم اني لا اخذ اي مضادات حيوية وانا استخدم الدايفوبت منذ فترة وحتى الوجه

خرعني بعد خرعني
ياساتر
جم عمرك اخوي ؟؟
ممكن توصفلي العوار ؟
وشكثر مدته ؟ ومن بعدها شلون البلع والالم ؟

[بنـ الكويت ــت]

في شغله محيرتني عفيه ساعدوني لاني مادري شقاع يسير
لاحظت من يبدي المغرب تحوشني حراره وسخونه حييل
ومرات الم بلاعيييييييم ، وعبالي اني سرت مريضه خلاص !
والم بالظهر .. انام اقعد الصبح مافيني شي !!

وامس حاشتني حراره وسخونه قوووووووووويه جدا !
احس نار جسمي ، وارجف من البرد لكن من غير الم بلاعيم .. مع كحه
وتغير فالصوت وبلغم .. لما بنام منسدحه اختنق اتقلب بالفراش بس ابي هوا
والم بكل اسناني .. وفجاه راح الالم وكأنه اسناني مبنجه واحد شادهم حيل ! ماحس فيهم لدرجه قمت اعضهم بلساني بتاكد اسناني موجودة او لا !
والم بالقلب .. بعدها رحت الحمام وانتو بكرامه ولا اشوف خدوددددي حمررره حييل
وشفايفي حمررره حيل من تاثير لسخونه والله خفت ، والمشكله الساعه 3 الفير
مابي اخرع ابوي ! .. والمشكله وين اروح مادري ؟ مايو كلينيك مافيه طوارئ

الله يعيين .. شنو تفسيره ؟ .. قعدت الصبح المس جسمي احس كأني جذابه !
مافيني شي بس حسيت شوي بحراره داخليه ولكن الحين مافي شي
والي يشوفني امس يفتكرني كنت ح مووت !

[ومضه]

يآآ حبوووبتي يآ بنت الكويت لو تطاوعيني وتسوين كل الي قلت لك عليه..

أحس الي فيكي عين .. مومعقوله إنه مرض عادي ..

لأن حالتك جدا معقدة ..

سوي الي قلت لك عليه بإمآن ويقين المسلمة الي موكلة أمرهآ كلو لله..

وصدقيني كل الأطباء مجرد سبب والأدوية ضرها أكثر من نفعها ...

خليكي على العلاجات الي من القرآن وسنة حبيبنا محمد صلى

الله عليه وسلم وقوي ايمانك بالله ...

(قال النَّبِيِّ صلى الله عليه وسلم ( يا غُلامُ، إنِّي أُعَلِّمُكَ كلِماتٍ احْفَظِ اللهَ يَحْفَك، احْفَظِ اللهَ تَجِدْهُ تُجاهَك، إذا سأَلْتَ فاسْأَلِ اللهَ، وإذا اسْتَعنْتَ فاسْتَعِنْ باللهِ، واعْلَمْ أنَّ الأُمَّة لَو اجْتَمَعَتْ على أَنْ يَنْفَعُـوكَ بِشَيءٍ لَمْ يَنْفَعُوكَ إلا بِشَيْءٍ قدْ كَتَبَهُ اللهُ لَكَ، وإن اجْتَمَعُوا على أن يَضُرَّوكَ بِشيءٍ لَمْ يَضُروكَ إلا بِشَيء قد كَتَبهُ اللهُ عَلَيْكَ، رُفِعَتِ الأقْلامُ وَجَفَّتِ الصُّحُفُ)

(خلي طبيبك الله وراح تلقي الشفاء عنده )

صلي ركعتين بالليل واشكي لربي كل شي ..

ولا تقومي من سجودك الا وانتي مرتاحة ...

الزمي الاستغفار وسورة الفاتحة وسورة البقرة..

وحبة البركة اغليها واتغرغري فيها مع ملح ..

وكل ما حسيتي بوجع قولي {وَلَهُ مَا سَكَنَ فِي اللَّيْلِ وَالنَّهَارِ وَهُوَ السَّمِيعُ الْعَلِيمُ}

تذكري قصة ايوب عليه السلام ..(وَأَيُّوبَ إِذْ نَادَى رَبَّهُ أَنِّي مَسَّنِيَ الضُّرُّ وَأَنْتَ أَرْحَمُ الرَّاحِمِينَ ﴾‏

والصدقة لها مفعوول عجيب والله بالشفاء شوفي القصص مليانة بقوقل عن

فضل الصدقة في الشفاء .. لو إنك بأمريكى ولا تعرفين أحد تتصدقين عليه

خذي حبوب وأطعميها للطيور ... خذي حلويات وأعطيها للأطفال ..

ولو بالمستشفى خذي كم وردة وأعطيها الأطفال المرضى منها صدقة

ومنها دعوة للإسلام بطريقة غير مباشرة ..

ربي يرفع عنك المرض ويمتعك بتمام الصحة والعافية ولا يحوجك

للأطباء كلهم يآآرب ..

أدري طولت عليكي استحمليني بس وربي من خوفي عليكي

من الادوية الي تهلك الجسم..