الشركه التي اعمل بها ستطلب القطران وأنا سأدفع ....

[مشاعل الهدى]

طيب الاخوان في مصروباقي الدول العربيه

لازم يكلموا الشركات اللي ببلدهم ويطلبون من ميديكس

[قاهر الصدفيه]

الدوسري وينك ياخوك باقي صامل ولا ايش

[أجوان]

أخونا الدوسري جاب الطلبيه ماقصر لكن أتلفوها في المطار

[أجوان]

مصدوم أخوي قاهر ؟! القطران إللي جابه الاخ الدوسري أتلفوه في المطااااااااااااااااااار لأنه ماده
مشتعله وماقتنعوا انه للعلاج .. الله يعوض اخونا الدوسري ونصيحتي لك تشتري من المتوفر حالياً عندنا
في السعوديه .. تحياتي

[قاهر الصدفيه]

الله لايوفقهم لادنيا ولا اخره

[مشاعل الهدى]

قمة التخلف حسبي الله ونعم الوكيل اذ الموضوع جد

مو مصدقه ؟؟؟من الصدمه

[مشاعل الهدى]

وكيف شركة تسويق الدوا تستورده

[أجوان]

المشاركة الأصلية كتبت بواسطة مشاعل الهدى

قمة التخلف حسبي الله ونعم الوكيل اذ الموضوع جد

مو مصدقه ؟؟؟من الصدمه

والله هذا كلامه لي // قهرووووووووووه حسبي الله عليهم هو سعى وتعب ودفع
عشان المرضى وفي الاخر بكل بساطه يتلفون الكميه كلها طيب أقلها يعوضونه خسارته

[وائل الدوسري]

السلام عليكم

هذا اللي حصل يا جماعة الخير الشحنة تحولت الى وزارة الداخلية قسم الأسلحة والمتفجرات

وشيل وحط معاهم حتى اني اخذت اجازة من العمل علشان هالموضوع

ووصل تقرير من مستشفى قوى الأمن انه هالمادة غير مدرجة كعلاج طبي

وخلال المراجعات كلمت واحد من الشباب يقرب للمدير الدكتور \ سليمان السحيمي
كلمه وقال التقرير من عندنا ارسلناه وصعبة نقول تقريرنا خطأ وفعلاً العلاج غير مدرج عندنا ومو متوفر عندنا ولا نصرفه لمرضى الصدفية ( كان جيتوا من أول كان دبرنا الموضوع )

الحل تطلب تقرير من مستشفى آخر للتأكيد

وقالوا بالحرف انتوا شركة صناعية ليه تستوردون مادة مش بتخصصكم

وقلت لهم هذي خطابات الشركة انه انا خبير كيميائي وعندنا تجربة وانا

مسؤول عن هالمواد مسؤولية كامله وتعهد أسبوعي اني اواظب على ارسال كمية المخزون وكمية المستهلك ووين استهلك

والشركة قالوا لي ترا مالنا شغل لو انحجزت او اتلفت تسدد الدراهم من راتبك

وبعد تحايل وحب خشوم وواسطات عطوني تقرير طبي انه علاج وقالوا مستشفى خاص ما نقبله لازم حكومي

والله حوسه وبعد تعب وجهد جهيد ما قدرت والله لا تقهروني الله يرضى عليكم

وش اسوي ؟؟ كل ما جبت واسطة قالي مسؤولية ما اقدر لو تستخدم بالإرهاب انا اتحمل السؤولية ( الله اكبر بفجر الدنيا كلها كم كيلو قطران خام و40 % محلول )

كل ماقلت ادمة يسوونها و صيدليات العناية بالجلد يسوونها ووووو الخ

قالوا لي بتعلمنا شغلنا ؟؟؟ شئ يقهر ويفور الدم

حسبي الله ونعم الوكيل

جربت شركات تجيبها تحت اسمهم

ووالله اني عرضت عليهم اني ازود السعر لهم

رفضوا قالوا مسائلات وفسح وحوسه وانت اعرف بالإجراءات والله صادقين

ومعاهم حق ينحاشون ويرفضون

والله قيمة القطران خام من ميدكس الكيلو 264 ريال وصلت معاهم الى اني بدفع للكيلو 400 ريال وحاولت اغري المندوب وقال بكلم الادارة

ومثل ما توقعت قال والله رفضوا

لاتزودون علي بالقهر

لكن اوعدكم اني راح ادبره

والله ان اجيب هالقطران ملعون الجدف

حامض اللاكتيك جبته وسهل اجيبه وساعد اخواني بالسمكية

الكيلو ب 1000 ريال بالصيدليات وانا احضره وابيعه براس ماله ب 350 ريال تقريباً

وتركيبتي احسن منهم ألف مرة

القطران أجيبه يعني أجيبه لو كان تحت الحراسة ^_^

معلومه بسيطة تسويق الدواء يسوون فسح مباشرة من المطار على طول

الشركات الصناعية تتحول للجهات المختصة هذا قانون ونظام

واصلي يابلادي واحنا معاك واصلي والله حميكي

حتى اني لما قل لهم علاج بغوا يسجنوني كأني مجرم اعوذ بالله يقولون ليه تكذب رديت على الظابط قلت احسب في قلبك رحمة ولو عرفت انه علاج بتتسامح معي وتساعدني

استغفر الله لحظتها دعيت عليه قلت الله يبلاك ان شاء الله بنفسك وتحوس الدنيا على هالقطران ولا تحصله

[ايهاب العراقي]

الله يعيتك اخوي وائل..وجعل الله تعبك زهالشي اللي صار في ميزان حسناتك..تدري ايش سويت انا اول شي رحت لوزارة الصحة وقلت لهم راح اجيب قطران فحم حجري .عادي اكو مشكلة قالوا عادي ماكو مشكلة بس اهم شي اتجيبه بأسم شركة مال ادوية..وبالفعل هذا اللي صار..فأنت لو متأكد من هالشي قبل لاتجيبه كان احسن..طيب على قولة الأخوان شلون شركة التسويق ولا ادمة شلون دخلوا البعلاج اذا هالعلاج ماموجود على الللائحة..ومع احتراماتي اللي اتلف العلاج هذا ماعنده عقل وغبي