يا محلى اللمة عند ام سامي

[راغبة في رضا الله]

يالله يا ام سامي حالك من حالي
انا اليوم أيضاً لم أطبخ كسّلت قلت بدي نام وماقدرت نام
فراحت الطبخة وراح النوم..
وفوق هاد صارلي كم يوم بدي ادخل هون بس خفت تسالوني عالكنافة اللي لسا ماعملتها لأنه الجمعة ماكنت بالبيت ,امضينا اليوم خارج البيت وما رجعنا لاخر الليل كنت عاملة يومها بيتزا اخدناها معنا عالبحر بس نزلنا اول نتسوق انا وزوجة المدير ولما رجعنا عالسيارة لقينا البيتزا تبخرت ومو باقي منها ولاقطعة أكلوها المدير واصحابه
اما بالنسبة للتأخير بالكنافة فلأني محتارة
احشيها ميلو ..ولا ميلو ..ولا شو؟؟
ساعديني يا ملاك بالتفكير
بظن افضل حشوة هي الميلو ولا شو رأيكم؟؟

عموما هالمرة رح احشيها بقشطة الحليب والمرة الجاية بالميلو
يلا صحتين وعافية للجميع على كل الاكلات الطيبة اللي هون ولو انه الكل عمل شاي وماحدا تزكر يعمل لي ميلو انا مابحب الشاي

وبعد ما اكلنا وتهنينا عند اختي الكريمة ام سامي بنقوللها يارب بيتك يضل عامر ومفتوح النا جميعا ولغيرنا
وبعد الأكل والشرب بنشكر نعمة ربنا وبنقول ياريت نعمل ورد قرآني او درس نتدارس فيه آيات الله او احاديث الرسول صلى الله عليه وسلم
وانا بدوري حابة اذكر الآن حديث للرسول صلى الله عليه وسلم

عن أبي هريرة -رضي الله عنه- قال: قال رسول الله-صلى الله عليه وعلى آله وسلم-:


ما جلس قومٌ مجلسا يذكرون الله إلا حفت بهم الملائكة وغشيتهم الرحمة وذكرهم الله فيمن عنده


أخرجه مسلم .
حديث أبي هريرة هذا رواه مسلم أيضا من حديث أبي هريرة، ورواه مسلم من حديث أبي سعيد وأبي



هريرة، وهو عند مسلم:


ما اجتمع قوم في بيت من بيوت الله يتلون كتاب الله- يدرسونه-

ويتدارسونه بينهم إلا نزلت عليهم السكينة وغشيتهم الرحمة وحفتهم الملائكة، وذكرهم الله فيمن


عنده، ومن بطأ به عمله لم يسرع به نسبه

وأيضا رواه مسلم من حديث أبي سعيد وأبي هريرة جميعا، واللفظ الذي قرن أبا سعيد وأبا هريرة


أقرب إلى لفظ المصنف -رحمه الله- الذي ذكره هنا. وفيه أنه:


ما جلس- أو ما قعد- قومٌ يذكرون الله- سبحانه وتعالى- إلا نزلت عليهم السكينة، وغشيتهم الرحمة

أحببتُ فقط أن أضيف لهذه اللمة الرائعة لمة الأخوةالصادقة فقرة لذكرالله عز وجل كي تزيد البركة ان شاء الله

[لمسة ملاك]

اما بالنسبة للتأخير بالكنافة فلأني محتارة
احشيها ميلو ..ولا ميلو ..ولا شو؟؟
ساعديني يا ملاك بالتفكير
بظن افضل حشوة هي الميلو ولا شو رأيكم؟؟

عموما هالمرة رح احشيها بقشطة الحليب والمرة الجاية بالميلو
يلا صحتين وعافية للجميع على كل الاكلات الطيبة اللي هون ولو انه الكل عمل شاي وماحدا تزكر يعمل لي ميلو انا مابحب الشاي

والله انا تساءلت وين هربت راغبة بالكنافة
حكيت ممكن ماسة ولين اكلوها
أو مافي ميلو لتعمل حشوة الكنافة
على كل الاحوال رح نبقى بانتظارها من تحت دياتك سواء
حشتيها ميلو او قشطة بدنا نشوفها ونجرب وازا طيبة بناخد الوصفة منك
وبالنسبة لكاسة الشاي ولايهمك انا مابحب الشاي رح اعملك احلى كاسة ميلو ولي انا أحلى لتر حليب لأني من انا صغيرة بمووت بشي اسمه حليب بارد بدون سكر

[ام الشفاء]

انا معكم لكن بدي ادرس الاولاد وبرجع لكم بعد ساعتين بكون بشير حضر لنا درس دين اعملك يا اخي شيء غير الاكل هو صحه وعافيه ولكن ذكرتني بدوره اخذناها مع اساتذه كانوا كل يوم يتغدوا على حساب المدرسات ووعدونا ان غذاء اخر يوم بالدوره يكون عليهم وهذا وجه الضيف عند اخر يوم بالدوره بعد ثلاثه اشهر نادوا علي لانني (اكبرهم سنا واكثرهم احتراما من الجميع)ليطلبوا الاعتذار من المدرسات لانهم ما مانوا على زوجاتهم بتحضير الغداء والمعلمين معروفين بضيق اليد ما بقدروا يشتروا حواضروبقيت ذكرى ككل الذكريات
سأعود انتظروني
ويمكن تكون ابله ناديا ونور وامه الله والجميع موجود لتكمل فرحتنا

[بشير المحمدي]

الحمد لله انا مو معلم
حتى ما توصفيني ياام سامي ذاك الوصف (ضيق اليد)

[المعتصمه بربي]

وين الذبايح وين سيدات البيوت الماهرات وين العرب الكرام ؟؟!!!
له له ماكان العشم انا كنت ويا الضيفه الصباح على اساس تجهزوا الذبايح
واجي مالاقي شي افاااااا يا احفاد حاتم الطائي زعلتوني
يعني ايش اعزمها بالمطعم مثلاً .. ؟!!!
على العموم انا جيت وجبت المفطح معي يلا تفضلوا جميعا حياكم الله صحه وهنا..

وهذا المنسف سويته نيابتا عن ام سامي

الكل معزوم حيااااااااكم الله وسامحونا على التقصير...

[ام الشفاء]

يا الله يا معتصمه بشهي يسلمو ايديك يا كريمه يا بنت الاصول ولكن اعفيني لاني بدي اروح انام دوامي الساعه السادسه صباحا تصبحوا على خير لم أعد ارى الحروف من النعس

[بشير المحمدي]

وتصبحون على الخير

[غفساوية]

جزاك الله خيراً اختي المعتصمة
تسلمي ياغالية
كتير شهية بارك الله بك

[المعتصمه بربي]

ام سامي الله وياك معذوره عيوني
ولايهمك..نوم العوافي ..
غفساويه الف صحه وهنا قلبي وشكرا لك تلبية الدعوه
وحضورك المتألق ياغاليه

[ورد جوري]

السلام عليكم ورحمة الله وبركاته
بداية اسأل الله تعالى ان يتغمد جدتي وجميع موتى المسلمين في واسع رحمته
ويجعل مثواها جنات النعيم
...

ثم اقول لكم يا اهل الشفاء
اني احبكم كثيرا في الله
اشتقت اليكم جميعا

مراقبتنا الحبيبة
نور
البيت بيتك مش محتاجة حد يعزمك
بتنورينا ايمتى مابتحبي
وناطرين ضيافتك ( من صنع ايدك )

...

اخي الفاضل
زارع المحبة
الفضل اولا واخيرا لله تعالى في كل امر تعلمناه وكل ما سنتعلمه
دوما تنفعنا بمواضيعك ومداخلاتك القيمة
لذلك من حقك علينا تقديم المساعدة
...

خالتو ام سامي
الله يديم هالجمعة الحلوة وعئبال ما نجتمع عند حوض حبيبنا المصطفى
...

اعضاء وعضوات الشفاء الاسلامي جميعا
بقلكم شغلة
ما حدا محتاج عزيمة لحتى يشاركنا اللمة هون
اللي يحبنا عنجد يشاركنا من غير خجل

الله يحفظكم ويسعدكم جميعا
في حفظ الله ورعايته