كريم سوفت دراي سكن علاج مصري للصدفية

[belia007]

الكريم غير موجود بالاسكندرية برجاء ذكر مكان زجزده بالاسكندرية للعبوة الكبيرة

[belia007]

اقصد كريم سوفت دراى سكن

[belia007]

يا جماعة لو حد معاه معلومات الدكتور ارجوكوا ابعتهوالى على الخاص

[الفريدة5]

بسم الله الرحمن الرحيم
انا لسه عضوه جديده فى المنتدى بس بصراحه انا حبيت المنتدى لانى حسيت ان فى حد بيشاركنى نفس معاناتى
ربنا يشفينا جميعا يارب
قصتى باختصار مع الصدفيه
بدات من وانا عندى عشر سنين انا اللوقتى عندى 32سنه كانت بتيجى وتروح وما كنتش بهتم ....اتجوزت من 9 سنين والحمد لله كانت مختفيه تماما...لكن بعد صدمت اصابه ابنى الكبير بالاعاقه(الحمد لله)عاودت الظهور بعد حوالى 3 سنين من الزواج واستمرت 4 سنين بس كان انتشارها محدود وتابعت مع الدكتوره اديتنى ديرموفيت وبعدين ديفونكس واختفت لمده سنه ونصف تقريبا رزقنى الله فيها بابنتى الصغيره عمرها الان 7 شهور
لما اتمت بنتى شهرين للاسف عاودت الظهور بعد اصابتى بدور بردوسخونه والحمد لله...بدات اتابع مع الدكتوره تانى دون اى تحسن لحد ما فكرت اعمل ريجيموانزل الوزن الزايد اللى عندى كان حوالى 8 كيلو فى شهر نزلتهم لكن حاتى تدهورت بشكل كبير جدا جدا
رحت للدكتوره قالتلى لازم توقفى كل مراهم الكورتيزون لان مساحه الجلد كبيره وده غلط على الرضاعه وقالتلى لازم تفطميها علشان تاخدى علاج دوائى مع جلسات اشعه فوق البنفسجيه....طبعا جالى اكتئاب اكتر ماانا مكتابه....البنت لسه صغيره قوى

[الفريدة5]

المهم دعيت ربنا كتير (رب انى مسنى الضر وانت ارحم الراحمين)وقلت يارب حلهالى انت علشان خاطر بنتى الصغيره....يارب...دخلت على اليوتيوب لقيت فيديوهات الناس اللى اتعاجت مع د ادمون واتصلت علي الاستاذ على اللى طمنى هو والمدام مش عارفه ليه صدقتهم مع ان انا شكاكه جدا جدا ورحت للدكتور فى اليوم التالى مباشره....وقالى نفس الكلام اللى نقله الاستاذ فكرى (جزاه الله كل خير)وانا الان بقالى باظبط 20 يوم....بدات بعد الاسبوع التانى احس بتحسن نسيت اقولكوا ان الصدفيه عندى منتشره فى كل الجسم على هيئه دوائر كبيره وصغيرهوفى الراس طبعا والوجه
انا عايزاكوا تدعولى.....وانا كمان بدعلكوا وهقولكوا اخبارىكل ما يبقى فيه جديد انا حاسه ان نسبه التحسن اللوقتى 30 % ويارب تستمر كده
انا بحبكوا جدا وبدعلكوا كلكم يارب يشفينا ويجمعنى بيكم فى الفردوس الاعلى ..ان شاء الله

[الفريدة5]

نسيت اقولكوا حاجه ...انا اول ما استعملت الكريم الحكه قلت على طول ...دى اول حاجه حسيتها....لكن الاماكن المصابه اغمقيت بشكل كبير جدا جدا وده عملى اكتئاب لكن فيه اماكن بدا اللون يفتح فيها ويظهر فى منتصف الدائره جلد طبيعى .....انا متفائله ان شاء الله ربنا هيشفنى ويشفيكوا .........
اللهم ما ارزقنا الصبر ..واشفنا يا ارحم الراحمين

[فكرى دياب]

السلام عليكم ورحمة الله وبركاتة
ابنتى الفاضلة
معنى أن ألأماكن المصابة قد اصبحت دوائر منتصفها بدأ فى عودة الجلد الى طبيعته فيها ان حالتك قد استجابت لهذا النوع من العلاج .
ولكن من الممكن ان يستمر هذا التحسن وتختفى تماما الصدفية وقد يبقى أثر لها عبارة عن تلون خفيف للمكان المصاب فقط
وانا نصيحتى لك
طالما استجابت الحالة لهذا العلاج استمرى علية حتى آخر الكورس العلاجى له .
أما اذا كانت الصدفية لديك من ألأساس جافة وكانت تحتاج لمرطب قوى لتتماثل للشفاء وساعدها هذا الكريم وجائت بنتائجها الطيبة معك .
فأرجوا أن تترقبى اى ظهور لها مرة أخرى ( لاسمح الله )
وبدأت فى العودة . فعليك أن تبدأى بالدهان بقطران الفحم الحجرى حسب الطريقة المكتوبة فى مواضيع أخى الفاضل قيس العبيدى . وتقومى فوراً بتنفيذها بدقة متناهية . لأنك لو فعلتى ذلك
ان شاء الله ستكون نهاية الصدفية لديك وتشفى منها نهائياً بفضل ربى .
مع الحزر . ان تتلقى التعليمات من التجربة الخاصة بالقطران
بخصوص الحامل والمرضعة
ادعوا الله لك بالشفاء
انه ولى ذلك والقادر علية

[الفريدة5]

انا سعيده جدا برد حضرتك يا عمو فكرى.....وان شاء الله اكمل بس انا قريت موضوع قطران الفحم ازاى بحدد التركيبه اللى تناسبنى واى صيدليه بتعماهالى والا ايه؟؟؟ وبشكر حضرتك تانى عى اهتمامك وردك على

[فكرى دياب]

المشاركة الأصلية كتبت بواسطة الفريدة5

انا سعيده جدا برد حضرتك يا عمو فكرى.....وان شاء الله اكمل بس انا قريت موضوع قطران الفحم ازاى بحدد التركيبه اللى تناسبنى واى صيدليه بتعماهالى والا ايه؟؟؟ وبشكر حضرتك تانى عى اهتمامك وردك على

آسف لتأخرى فى الرد عليك أبنتى الكريمة ..
كريم سوفت سكين هو أحد المرطبات القوية جداً . وهذا سبب قولى لك أن صدفيتك تبدوا من النوع الجاف وأستجابت معها طريقة السوفت كريم فى الترطيب ومن ثم بدأت فى التلاشى تدريجياً وبدايتها تكوين دوائر منتصفها يعود الجلد فية إلى طبيعتة تدريجياً حتى تنتهى الأصابة تماماً ويبقى اللون الوردى الخفيف . ولكن أستمرى فى الدهان حتى بعد أختفاء الصدفية وبقاء اللون . وهذا يسمى بالعلاج الوقائى ..
أما عن تركيز القطران وكيفية تركيبته فالأمر سهل جداً وهو عبارة عن 20% قطران & 100 ملى إيثانول ( السبرتو ألأبيض ) الكحول بنقاء 99% وهو متوفر كما تعلمى فى غالب الصيدليات لديك ..
لكن ألأهم ان شاء الله الحصول على القطران النقى ( الفحم الحجرى ) وحاولى أنت السؤال عنه فى أى شركة من شركات خامات الدواء التى تورد الخامات لمصانع الدواء . بمعنى انك لو سئلتى عنه فى الصيدليات لن تجدية ولكن ابن الحلال سيعرفك طريقة الحصول علية من أحدى الشركات التى ذكرتها لك .
وأتمنى ياأبنتى الفاضلة الدخول على موضوع القطران للأستاذ قيس العبيدى وهو مثبت . وأقرأى , أقرأى كثيراً وذاكرى الموضوع وكأنك ستدخلى بة أمتحانات الجامعة . لأنك لو فعلتى ذلك فسوف تتعرفى على جميع جوانب الموضوع فيسهل عليك تنفيذ جميع التوصيات . ومن ثم ينجح علاجك ان شاء الله وتشفى تماماً وتودعى الصدفية إلى ألأبد ..
آسف للأطالة ولكنى أردت وصول المعلومة لك جيداً ,,
وفقك الله سبحانة وتعالى ..

[belia007]

ارجو من الاخوه المشرفين مساعدتى بالرد عن مكان بيع كريم سوفت دراي فى الاسكندرية لانى سألت معظم الصيدليات و هو غير معروف و غير موجود وكمان لو ممكن كيفية الحصول غلى قطران الفحم من الاسكندرية او حتى القاهرة