الجدول اليومي المتبع للسيطرة والتعامل مع الصدفية

[reem50]

المشاركة الأصلية كتبت بواسطة ايهاب العراقي

هلا بخالتي الغالية..بالنسبة للعلاج اللي دااستخدمه هسه السايكلوسبورين اي صحيح لمن كنت اخذه بالبداية بجرعة 300 ملغم باليوم راحت الصدفية والتهاب المفاصل الحمد لله..وهاي الجرعة تعتبر اعلى جرعة حسب وزني وطولي..وبمجرد ماخففت الجرعة الى 200 ملغم باليوم بدت ترجع بعد ايام من تخفيف الجرعة..والعلاج هذا يسبب اعراض جانبية مو زينة مثل التهاب الكلى وغيرها..فالواحد باجر او عقبه لازم يوقفه.وهسه هم رفعت الجرعة الى 300 حتى تخف الصدفية واسوي العملية واطلع البلاتين من ايدي ان شاء الله.
بالنسبة للخلطة اي اني ناوي استعملها بالمستقبل لأن مثل ماقتلج بمجرد خففت الجرعة بدت ترجع واذا تركته راح تنلاص مثل ماصارت المرة الماضية لمن تركته بالتدريج وهاجت الصدفية مباشرة وبشكل قوي جدا..الله كريم..يصير خير..وهاي الخلطة اكو اكثر من شخص تشافى بيها في مدينة تكريت واطرافها..تحياتي

اكول ايهاب يمه ياريت تفكر زين وتختار الوقت المناسب لتخفيف الجرعه
يعني
وقت تكون الصدفيه في احسن حالاتها يعني خامده وانت اكيد تعرف اي وقت من السنه
وايضا وقت تكون به حالتك النفسيه زينه وتوب
واخيرا من اتخفف الجرعه لازم ماكو طوبه وبطولات حتى لاتتنرفز ويه كل لعبه وكل كول
قصدي تهيا الضروف الزينه حتى لاتهيج بشكل كبير وحتى ينجح زيت المحركات والكبريت في العلاج
وان شاء الله خير بس فكر زين قبل ان تخفف الجرعه