للمرة الثانية بذرة الكتان وزيتها والشفاء باذن الله ولكن بطريقة جديدة

[RSS]

السلام عليكم

اخواني واخواتي بالمنتدى حبيت بشركم انو الحمد لله شفيت بنسبة 90 بالمئة تقريبا من الصدفيه
الحمد لله الحمد لله اناراضية بهالشي وما بطلب من رب العالمين الا يمن علي وعلى جميع المرضى بالشفاء التام يارب
سبحانه ربي قادر على كل شيء والله العظيم يا جماعه التهيج تبع الصدفيه وصل حده وخاصة بعد الولادة وبالشتاء ايااااااااام كتيرة نايمة والدموع عم تنزل على خدودي مو
تافف من المرض لا سمح الله ولكن من الالم ومن الحكة ومن الدم الي لاصق بالثياب ومن الاحراج الي كانت تسببة الي الصدفيه
لوقت كنت قاعده على النت وعم اقرا عن بذرة الكتان انو استخدامها مع اللين بيساعد على تخفيف الوزن
فقررت اجربها وسبحان الله من اول اسبوعين بلشت الاحظ التحسن بالصدفيه مباشرة القشور كلها زالت وضل الاحمرار فقط
وبعدين بلش الاحمرار بالاختفاء تدريجيا وبعد فترة كمان بلشت المناطق البيضاء تبان وبلشت شوف لون الجلد الاصلي واول منطقة استجابت للعلاج هي ظهري
بعد ما كان قطعة واحده من الصدفيه الحمد لله خلال شهر او اكتر شوي صار جلد طبييعي الحمد لله صافي حتى انو في طراوة بالجلد سببها بذرة الكتان
هلاء المناطق المتبقيه هي شوي من الاكواع وشوي بالركب وكم نقطق قي الارجل بس انا الحمد لله مستمرة في ا اكل بذرة الكتان وعم لاحظ انو التحسن مستمر ماشاء الله
بس حبيت قول شغلة مهمة انا لما استخدمت بذرة الكتان ما كان هدفي الصدفيه مشان هيك ما كنت عم راقب الجلد وما كنت عم انتظر التحسن ومشان هيك حسيت انو النحسن كان اسرع
ويمكن لو استخدمت اي دوا للصدفيه وقعدت اراقب التحسن ما كان رح يصير الي صار
شي تاني انو بذرة الكتان غنيه كتير بالاوميغا ثري وطبعا الكل عرف انو هي كمان عامل مساعد لكل الامراض الجلدية مو بس الصدفية
بالنسبة للاستخدام :انا استخدمتها بالبداية معلقيتين كبار مع كاس لبن او بيقلولو روب او زبادي
وبعدين صرت استخدمه مع السلطة يعني اخد مقدار ملعقتين وارشهم فوق السلطه او اذا كنت عم اتعشى مثلا مع صحن البنة او الحمص او اي شي
واحسن شي انو طعمتها مقبولة جداااا
وهلاء صرلي الحمد لله اكتر من تلات شهور من دون فازلين او اي كريمات او دهنات
وحتى صدفية الراس زالت لوحدها من دون اي شي
اخر شي بتمنى من كل قلبي يااااااااااارب انو تكون فيها افاده للجميع مو بس الي واي حدا رح يجرب ييكتبلنا النتائج مشان نقدر نعرف انو فيها افادة للجميع ولا بس بعض الاجسام ممكن تستفيد وبعض لاء
واخر شي تمنياتي للجميع بالشفاء التام يارب العالمين وقولو ماشاء الله

[miramar]

نستاذنك لو ينفع تكبرى حجم الخط عشان الكلام يكون واضح

[meqdadi77]

مبروك ي rss وان شاء الله يتتم عليكي الشفاء

[هجهوج]

ايه الخير الجميل ده يا دكتوره رسس ولو هادي الاخبار اللي بتاخز العئل يا سلام عليك يا دكتوره رسس والله منتب سهله بس عاد ما وضحتي هو زيت \ا اللي ينوكل ولا حبوب ولا وشو
والله فرحتلك كتير وانا هلا باخد لي خروف وادبحو وبفطحو الليله مشان هالخبريه اللي بتوخد العئل

[أم عبد الله]

ماشاء الله

بالشفاء التام إن شاء الله

[هجهوج]

قربو مربط النعامة مني
الدكتوره رسس اتحسنت كتير يارب لك الحمد والمنه
والله بتستاهلي كل خير
ومشان هيك بدنا نكلمو لزوجك يجيب لنا كم كبه وكم صينية محلى حلبي يؤخد العئل ولك تسلمي على هيك خبريه

[الحايره]

خبر حلو وبشائر هذه البذره العجيبه ظهرت وانتشرت اتمنى لك الشفاء التام وانت ياهجهوج خف علينا من هالمفطحات وحنا سالمين ولا اقول حط بذرة الكتان على المفطح وعلمنا بالنتيجه ههههه اجر وعافيه

[أبو كامل]

دكتورتنا العزيزة

ألف ألف حمد وشكر لله على هذه النعمة التي أنعمها عليك أيتها الكريمة

استمري على برنامجك .. ولا تنسي الصدقة بنية الشكر والشفاء إن شاء الله

وعلى رأي مثل عندنا : من طول الغيبات جاب الغنايم

أدام الله عليك الأنس والمسرة .

أبو كامل
المدينة المنورة

[ساره2000]

ماشالله مبروك ياختي الله يتمم عليكي الشفاء

[أم ناصرررر]

ألف مبروك يا اختى العزيزه
الله يتمم عليك وما بتشوفيها تاني
كلامك صحيح تذكرت العام الماضي دكتورتي الجلديه نصحتني بها بس مع الاسف ماجربت
الحمد لله على كل حال
والشفاء للجميع