عن القطران وصدفية الأظافر - لذوي الخبرة والتجارب السابقة

[reem50]

الوجه معرض للشمس وعندما يكون الانسان مستعمل القطران مثلا بفروة الراس راح يحس بحراره بالوجه لاتخافي عادي

[سحر الوجود]

لصدفية الاظافر تغمسي الاظافر في القطران لمده خمس دقائق وبعدين يجف لوحده مايحتاج تلبسي قفاز وامسحب الاصابع من داخل الكف والجوانب عن القطران اللي بينزل عليها من الاطافر بالكلينكس بس اذا كنتي راح تستخدمي الماي اشتري علبة قفازات من الصيدلية او اي مكان يعني قفاز للبسة وحده وبعدها ترميه انا لما اغسل المواعين البسه بس او لما استخدم ماي لاي غرض البس قفاز . وهو نفس القفاز اللي يستخدموه في العيادات الطبيه ؛

القطران اللي استخدمه من آدمة تركيز 20 ٪ لونه شوي مختلف واحسه انقى من اللي في الصور.

كما واستخدمت قطران بريطاني تركيزه 20 ٪ لونه نفس قطران آدمه
واستخدمت قطران بيرطاني تركيز 28٪ لونه مختلف اغمق مقارب للسواد

[صدافر]

شكراً لنصائح كل اللي ردوا
بس معلش السؤال الجاي ده اتكرر كتير .. ده لأنه النهارده شكل هاجس بالنسبة لي من إحتمال حرق بشرتي نتيجة "إحتباس حراري أو غيره .
النهارده إفتكست وضع بحيث تغطي فيه الإيد التانية أي مخرج يسمح بتطاير المحلول أثناء وضع أصابعي فيه.. الوضع كان هايل وسلس - ريحني
بأسأل لأن التصرفات دي المفروض نسأل قبل ما تعمل لنا مشاكل .. في الأول وفي الآخر دي برضه كيميا
إيه هي علامات بوادر الإحتباس الحراري.. أعرف إزاي لو اللي بأعمله ده هيضر (كتم أي مخرج يسمح بتطاير المحلول أثناء وضع أصابعي فيه)
طول الـ 10 دقايق اللي غطيت فيهم سطح العبوة والأصابع فيها .. وأنا بترصد أي إحساس غريب أشتبه في كونه حرقان أو بداية حرق للبشرة.
بعد ما خرجت أصابعي من المحلول بيتهيأ لي حسيت إختلافات طفيفة (أتمني تكون هواجس.. لأن الوضع حقيقي ريحني)
لسعان خفيف في باطن 2 من الأصابع .. دققت في باطن أطراف الأصابع بمجرد ما خرجتها ما لقيتهاش "بايشة" زي ما - أفتكر - بتطلع من أي سائل, لكن مشدودة مع ما تهيأ لي إنه انتفاخ بسيط إختفي بعدها بدقايق و باشت


مش عارفة ده العادي وأنا مضخمة الموضوع.. أكبر دماغي ؟
وللا كان بداية حرق أنقذه قصر المدة - نسبياً - وكريم الزنك اللي دهنته بعدها.

مش عايزة أجرب في نفسي عشان اتأكد .. بس,
لوعادي لبس لجوانتي 10 دقايق فوق القطران,
مش هيبقي عادي التغطية - مع التهوية ثواني متقطعة أثناء إستعماله ؟؟

[ali_elsayed_10]

المشاركة الأصلية كتبت بواسطة صدافر

شكراً لنصائح كل اللي ردوا
بس معلش السؤال الجاي ده اتكرر كتير .. ده لأنه النهارده شكل هاجس بالنسبة لي من إحتمال حرق بشرتي نتيجة "إحتباس حراري أو غيره .
النهارده إفتكست وضع بحيث تغطي فيه الإيد التانية أي مخرج يسمح بتطاير المحلول أثناء وضع أصابعي فيه.. الوضع كان هايل وسلس - ريحني
بأسأل لأن التصرفات دي المفروض نسأل قبل ما تعمل لنا مشاكل .. في الأول وفي الآخر دي برضه كيميا
إيه هي علامات بوادر الإحتباس الحراري.. أعرف إزاي لو اللي بأعمله ده هيضر (كتم أي مخرج يسمح بتطاير المحلول أثناء وضع أصابعي فيه)
طول الـ 10 دقايق اللي غطيت فيهم سطح العبوة والأصابع فيها .. وأنا بترصد أي إحساس غريب أشتبه في كونه حرقان أو بداية حرق للبشرة.
بعد ما خرجت أصابعي من المحلول بيتهيأ لي حسيت إختلافات طفيفة (أتمني تكون هواجس.. لأن الوضع حقيقي ريحني)
لسعان خفيف في باطن 2 من الأصابع .. دققت في باطن أطراف الأصابع بمجرد ما خرجتها ما لقيتهاش "بايشة" زي ما - أفتكر - بتطلع من أي سائل, لكن مشدودة مع ما تهيأ لي إنه انتفاخ بسيط إختفي بعدها بدقايق و باشت
مش عارفة ده العادي وأنا مضخمة الموضوع.. أكبر دماغي ؟
وللا كان بداية حرق أنقذه قصر المدة - نسبياً - وكريم الزنك اللي دهنته بعدها.
مش عايزة أجرب في نفسي عشان اتأكد .. بس,
لوعادي لبس لجوانتي 10 دقايق فوق القطران,
مش هيبقي عادي التغطية - مع التهوية ثواني متقطعة أثناء إستعماله ؟؟

هوا الصراحة انتى مضخمة ومكبرة املوضع جداً جداً جداً الاحتباس الحراي او ان ايديك تسخن ويحصل فيها حروق دة ممكن بعد ساعة او اتنين او ثلاثة من عملية احكام تغطية الجلد والقطران علية + عملية تعرض للشمس او الحرارة الغير مباشرة
والاعراض ياستى هتحسي بسخونية وارتفاع درجة حرارة الجزء المغطي
وثانيا مش هيحصل اي حرقان طول ما ايديك في السائل اللا ازي السائل كان سخن
موضوع تحذير الاستاذ فيس من لبس القفازات دة هوا ذكرة لان ممكن ناس بتستخدم القطران على ايدها او اظافرها وبتخرج برة البيت فيتكسف او يحرج يمشي في الشارع بوضع دة فيلجا الى لبس الجونتى عشان يداري بة الدهان والاصابة فدة مع الخروج والشمس ممكن يسبب لة حروق في الجلد
اما لبس الجونتى عشان غسيل اطباق استحالة يحصل حاجة لان المياة اللى بتغسلى بيها بتبرد الجسم وبتبرد اماكن الاصابة فمستحيل يحصل احتباس واحطياطي تجنبي المياه الساخنة وانتى لابسة الجونتى
ولما تخلصلى شغل اخلعية وارمية

[صدافر]

المشاركة الأصلية كتبت بواسطة ali_elsayed_10

هوا الصراحة انتى مضخمة ومكبرة الموضوع جداً جداً جداً الاحتباس الحراري او ان ايديك تسخن ويحصل فيها حروق دة ممكن بعد ساعة او اتنين او ثلاثة من عملية احكام تغطية الجلد والقطران عليه

لو اتصرفت من نفسي وحصل ما لايحمد عقباه .. هيبقي التعليق المنطقي : "ما سألتيش ليه ؟"

بخصوص القطران بتاع حضرتك , هو مستمر معانا وللا حتي نفاذ الكمية ؟

ولو مستمر .. مفيش أمل في طريقة شحن موثوق فيها مستقبلاً ؟

[صدافر]

المشاركة الأصلية كتبت بواسطة سحر الوجود

واستخدمت قطران بيرطاني تركيز 28٪ لونه مختلف اغمق مقارب للسواد

شكراً يا سحر الوجود

بس انتي ليه استخدمتي تركيز 28 %
الأظافر كانت معاندة ؟

ممكن أسأل خدت معاكي وقت أد إيه عشان تشوفي نتائج ملموسة ؟
وعمر إصابة الأظافر عندك أد إيه قبل البدء بالعلاج ؟
وأستعملتي ستيرويد ؟


يقال ان دي عوامل بتؤثر في درجة الإستجابة للعلاج .

فـ أنا عمر صدفيتي شهور وما إستخدمتش كورتيزون رغم إنه اتوصف لي من الدكتورين اللي تابعت معاهم ( كريم وحقن ) .. هأتعب كتير ؟

وبمناسبة الحـَـقـْن , هم ليه ما بيعملوش حـَقـْن قطران للضوافر ؟

بأهزر


لأ مابهزرش
أنا ما تعمقتش في تفاصيل حقن الكورتيزون بس أكيد بيختصر الوقت وبيدخل في المفيد , وده بالضبط اللي الضوافر محتاجاه: سن إبرة يدخل القطران في المكان اللي صعب يوصل له أي علاج بسهوله.

واضح إن دي مشكلة الضوافر لأن القطران نتايجه أسرع كل ما كانت نفاذية مسام البشرة أكبر- فالبشرة الأرق تمتص العلاج وتستجيب أسرع.

في الضوافر صعب ندخل العلاج الموضعي لموضع الإصابة أصلا , خصوصا في الجزء الوردي من الجلد- تحت الأظافر- اللي علي وشك التقشر وخلع طبقة الضافر فوقه.

[صدافر]

و ممكن أعرف الضوافر خدت كمية قطران بمعدل أد إيه .

مش عارفة اللتر ممكن يستمر أد إيه .. و أفضل إني أشتري الكمية اللي هأحتاجها طول السنتين مرة واحدة خصوصاً إني مش ضامنة ألاقي تاني في أي وقت لو الكمية انتهت من مصدرنا في مصر.

حاسة اني أسأت تقدير الأمور .. بناء علي كلام الكل عن كفاية اللتر .
الفترة العلاجية مثلا ممكن تحتاج كمية أد إيه ؟ كنتي بتستعمليه كام مرة يوميا ؟
شكراً مقدماً

[صدافر]

المشاركة الأصلية كتبت بواسطة reem50

الوجه معرض للشمس وعندما يكون الانسان مستعمل القطران مثلا بفروة الراس راح يحس بحراره بالوجه لاتخافي عادي

هايل , يعني بيعمل مفعول بس هيظهر علي الأظافر مع الوقت
شكراً حضرتك طمنتيني

[جودينا]

للفائده
.
.

علاج صدفية الأضافر ‏

[صدافر]

شكراً جودينا ً علي اللينك


أنا كمان بالمناسبة شايفة ان الفضل الأساسي يرجع للقطران في علاج أظافر صاحب الموضوع.

فـ عن نفسي آخدة كفايتي من الأوميجا 3 من مصادرها الطبيعية .. لدرجة أني حاسة إن ده ممكن يكون سبب غير مباشر ساهم في تهيج صدفية الأظافر الوراثية أصلا عندي .. بعد ماكانت لا تتعدي إنحراف بسيط في أطراف إثنين فقط من الأظافر.

من منطلق إنه مأكولات بحرية وأسماك أكتر= يود أكتر = نشاط أكبر للغدة الدرقية = أحد أسباب صدفية الأظافر - أو هكذا يقال
Google: nail psoriasis Hypothyroidism

جايز يكون للأوميجا 3 دورعلاجي مكمل .. مش عارفة


أنا في كل الأحوال انتبهت لنسبتها في جسمي بعد ما عانيت من الإلتهابات اللي زادت بزيادة نسبة الأوميجا 6

ما شفتش بوضوح قاطع فوائد الأوميجا 3 ,لكن شفت كل الإشارات اللي بتربط الإلتهابات المزمنة بزيادة السكريات - ولو طبيعية - و بزيادة الأوميجا 6 - ولو زيوت صحية غير مؤكسدة معصورة ع البارد أو في شكل مكسرات - فالجسم ليه طريقته في إخبارنا بالأسباب .

يعني ممكن يكون من أهم مزايا الأوميجا 3 هو منافستها للأوميجا 6 علي مكانها في الجسم