تجمع مرضى السمكيه

[سعيد مسلم]

المشاركة الأصلية كتبت بواسطة اوراق خريف

.......تحياتي للجميع .اما بالنسبة لنوع مرضي انا متاكدة99% انه سمكية لاني لما شفت بعيادة الدكتور كان كلهم غير عن مرضي بالشكل
وقنعتني امي مرة بانه مرة دكتور حكالها بانه معي سمكية هاد الحكي زمان زمان
اما بالنسبة للعلاجات يلي اخدتها ولا شي اكتر من انه استخدمت من صغري بعد الحمام وبشكل يومي زيت الذرة او زيت الزيتون اكتر من 10سنوات لما بديت اطلع واروح صار يدايقني الريحة ودورت على شي بديل وهو الفازلين حتى الان بستخدمه..مع انه من اربع سنوات رحت لطبيب جلد لاول مرة بحياتي واعطاني كريم وشامبو وصابون( مجموعة الاوتوديرم ) هي مرطبات للبشرة حتى للناس العاديين زمتن كنت احس بخشونة وجلدي جاف ومناطق سودة على رقبتي ومناطق المفاصل هلا اختفت بنسبه كبيرة من قبل وما بحتاج اني ارطب جسمي بعد ما استخدم الماء زي زمان...ما بدي اطول بالشرح لاني حكيت كتير بمشاركتي الاولى.....قال يعني الي بسمع بحكي ما طولت

ارحب بك من جديد اختي الكريمه
و ان كان جلدك جاف و متحشرف
و يعقبه اسوداد و القشور مشابهه للجلد الى حد كبير و ليس هناك اي التهاب و احمرار تحت القشره
فهذه بلا شك او ريب ليست بصدفيه
تقبلي تحياتي

[اوراق خريف]

زلين وكريمات الاوتوديرم يلي بستخدمهم لهلا زمان كنت مرتين باليوم على كل الجسم هلا مرة او مرتين بس على وجهي وايدي بس المناطق الظاهرة للشمس اما باقي جسمي مرة او مرتين بالاسبوع بالفازلين بعد الحمام لانه انا اكتشفت هيك لانه الدوا غالي كتير اضطريت اخفف من استخدامه ولقيت ما بضر كتير

[اوراق خريف]

...تحياتي الك اخي العزيز ومشرفنا العزيز...... انا متاكدة تماما من هل حكي حتى لو الدكتور يلي تعالجت عندة بحكيلي صدفية

[سعيد مسلم]

حتى تكون الفكره اوضح
هذه صوره لمرض السماك او السمكيه

و هذه صوره لمرض الصدفيه

[اوراق خريف]

صار لازم ارووووووووووووح......حشتاقلكم موت

[اوراق خريف]

يسلمو كتير اخي على الصورة....انتبهتلها ورجعت المشكلة انه نوعا ما تشبه هاي الصوره لاكن مو بهل شكل ولا الصورة التانية...بعرفش

[سعيد مسلم]

المشاركة الأصلية كتبت بواسطة اوراق خريف

يسلمو كتير اخي على الصورة....انتبهتلها ورجعت المشكلة انه نوعا ما تشبه هاي الصوره لاكن مو بهل شكل ولا الصورة التانية...بعرفش

السماك انواع لكن لا يكون اي تشابه بينه وبين الصدفيه بتاتا
الصدفيه بانواعها تكون القشره بيضاء و الجلد ملتهب كالتي في الصوره المرفقه
هذا هو الفيصل باعتقادي
و تروحي و ترجعي يا اختي الكريمه بالسلامه

[youssefone]

السلام عليكم
شكرا لكل إخوة على توضيحاتهم القيمة لأعضاء الجدد و أتمنى الشفاء للجميع

[عسولة وبس]

اهلا وسهلا بكل الموجودين
واستاذنا saidmoslime شكرا للتفاعلك معنا وتوضيحك
وبالنسبة للسؤال اللي سألتو عادي فيك تختار اللي بتشوفو مناسب وتحطو بس للمن فتحت عالمواضيع يلي حاطتها مو محطوط غير موضوع واحد تاع زيوت وكريمات للسمكية يلي محطوط من الاخت استغفار بس ما في كتير ناس متفاعلين معو بس حاسسية انا انو هون في كتير اشياء ممكن تحطها بتساعد السمكية اكتر

[سعيد مسلم]

المشاركة الأصلية كتبت بواسطة عسولة وبس

اهلا وسهلا بكل الموجودين
واستاذنا saidmoslime شكرا للتفاعلك معنا وتوضيحك
وبالنسبة للسؤال اللي سألتو عادي فيك تختار اللي بتشوفو مناسب وتحطو بس للمن فتحت عالمواضيع يلي حاطتها مو محطوط غير موضوع واحد تاع زيوت وكريمات للسمكية يلي محطوط من الاخت استغفار بس ما في كتير ناس متفاعلين معو بس حاسسية انا انو هون في كتير اشياء ممكن تحطها بتساعد السمكية اكتر

اذا فيه هناك مواضيع مدموجه هنا
في هذا الموضوع المثبت و حاسه انه مهمه لكم
أأتيني بروابطها حتى ارفعها
و المواضيع المستقله سأبحث عنها
و ارفعها بنفسي منها ما رأيته مهم لكم
و الاخت استغفار حاطط لها في موضوع الكشكول موضوعين
الموضوع الذي ذكرت و موضوع صابون الغار
و بالنسبه للهجتكم يا اهل فلسطين سبق و قلت لك هنا بعض المفردات
تشبه مفرداتنا نحن اهل المغرب
انت تقولين تاع و تاعت و نحن كذلك و المصريين
يقولون بتاع و بتاعت

شكرا لتفاعلك معي يا اختي عسوله
تقبلي تحياتي