*=ويييييييين كنا ويين صرنا ...الحمدلله..وعقبالكم=*

[جودينا]

مرحبتين اكباااااااار اصداف الملتقى الكريم

بحكيكم قصتي مع الصدفيه من البدايه الى آخر ما وصلت له من نتيجه
بسم الله

اول شي صدفيتي قديمه من انولدت وانا مصدفه(صدفيه اطراف)قشور كثيفه وتشققات وجفااااااااف ...مرات احس يصعب على اثني اصابع ايدي احسها بتتشقق من الجفاف
فجربت شغلات اكثير ولي تجارب علاجيه اكثيره... كنت اطلع من تجربه وادخل تجربه...بعض التجارب اذكرها زين وبعضها ماذكرها الا زي الحلم لأني وقتها كنت اصغيره...جربت اغلب انواع الطب الشعبي والحديث.. وجربت الرقاه وعلاجهم ..والعشابين وادويتهم...واستخدمت بعد ادويه من عُمــان والمغرب والاردن طبعا ما اذكرها زين لأني وقتها كنت اصغيره ,,,الا علاج عُمان ما انسى طعمه اللي كل ما اذكره احس بـ غصه

والنتيجه بشكل عام من ذا كله nothing ولا شي وبالعكس بعض الادويه زودت علي الصدفيه ضرتني صحيا ومازلت اعاني من ضررها

وآخر تجربه كانت قبل اربع اشهر تقريبا جربت علاج بسيط جدا ولكن اكبير بمفعوله ونتيجته اللي ماتوقعتها
اختفت صدفيه ايديني بنسبه
90%
والله لأول مرا في حياتي اشوف ايدي شبه طبيعيه ولونها موحد ناعمه وبجلده رقيقه لأني ماتعودت اشوفها الا مصدفه

وصدفيه الاقدام اختفت بنسبه
85%
وهذا لأني ما استخدم لها العلاج بشكل مستمر لأنها ماتهمني قد اهتمامي بصدفيه الايدين

اسهل الصدفيات واللي راحو في مده اقل من شهر كانو صدفيات حديثه اللي هم.. بقعه صغيره بيضاويه في الفخذ..وكم نقطه بحجم حبه العدس في اعلى ظهر القدم وكم نقطه بعد خلف الركبه اليمنى..هذول مسرع ماراحو
واصعب الصدفيات اللي هم ..منطقه اصغيره تحت كعب القدمين ..ومنطقه اصغر من اللي قبل في حافه اليدين من الجمبين
والصدفيه القلييييييله الباقيه سطحيه ولونها باهت ومن غير قشور وتشققات ,,,
ومومستعجله عليها خل تروح براحتها
والله ياجماعه مو مصدقه !!كيف تختفي الصدفيه وبذا السهوله بعد العيش وخيش الملح اللي بيننا

عاد ماسألتوني وش العلاج
بقول لكم
العلاج مافي اسهل منه مافي ,,,وقد تكلمت عنه في بعض مشاركاتي قبل

مرهم اللوريد

مخفف بالفازلين

وطريقتي في التخفيف هي
تفريغ 2/1 محتوى علبه الفازلين الين تصير العلبه فيها نص كميه الفازلين بعدين اضيف على النص الباقي مرهم اللوريد وبعدين احركهم بعنايه الين يمتزجون مع بعض زين
ثم ادهن منه مرا في اليوم بعد ما اغسل الصدفيه واجففها

ملاحظه...استخدام الماء يزيد الصدفيه عشان كذا استخدم القفازات البلاستيكيه في كل شي ماعدا الوضوء
اتوضاء واجفف ايدي بمنشفه خاصه او منديل بس بطريقه الضغط مو بالطريقه المعتاده ’التمسيح’

وبعد مع استخدامي الخلطه استخدم اوميغا3 كبسوله وحده يوميا بالاضافه الى الاكل الصحي والطبيعي قدر المستطاع

وبس هذا كل اللي سويته واللي قضى على صدفيتي بنسبه اكبيييييييييييره

وانصح كل مصدف عنده ذا المرهم او يقدر يحصل عليه ان يستخدمه وما يتأخر لكن بعد تخفيفه بالفازلين لأن استخدامه لحاله ساده ماينفع

واذا في اي استفسار لا يردكم الا كيبوردكم
جودينا تحت امركم