رسالة شكر (الحمد لله تخلصت من الصدفية)

[مجنون مصر]

السلام عليكم ورحمة الله وبركاته

وحشتونى جدا وكل سنة وانتو طيبين جميعا

الحمد لله رب العالمين لقد تم شفائى بفضل الله تعالى

ثُم يرجع الفضل لمُلتقانا الحبيب (مُلتقى الشفاءالاسلامى)
واحب اشكركم جميعا لانى استفادت كتير منكم

استاذنا فكرى دياب
ربنا يبارك له
تقريبا انا لم اترك كلمة له فى المنتدى الا وقرأتها وتلخيصا هو رجل خير لم يتأخر بالنصيحه ونقل خبرته التى نحتاجها جميعا وكنت انتظر رده فى المواضيع التى لااثق فيها لانه اهل للثقه جزاه الله كل الخير

بشمهندس سيد عبد العال
رجل فاضل وذو خبره كبيره وصاحب فضل كبير بعد ربنا فى بعدى عن استعمال الكورتيزون
واستفادت منه كتير جزاه الله كل الخير

دكتورنا الحبيب محمد زكريا
انا عارف ان فيه ناس كتير فى المنتدى مختلفه معاه لاكن مع احتكاكى بيه فى المنتدى فهو شخص ذو خُلق وعلم ولم يتاخر عنى بنصيحه وواضح ان الموضوع بالنسبه له ليس مادى ولاكن اثبات كفائه لانه تغلب على مرض مثل الصدفيه ودكتور محمد عرض عليا الدواء هديه مجانيه وبدون مقابل والله على ما اقول شهيد ربنا يكرمه ويجازيه خير.

ميرامار
اخت فاضله ووجودها فى الملتقى مُفيد جدا بحكم دراستها وخبرتها مع الصدفيه انا بشكرها جدا لانى استفادت منها ايضا كتير
جزاها الله كل خير وان شاء الله تجيب تقدير وترفع راسنا جميعا

ام السعد
غنية عن التعريف ووجودها بيحسسنا بالامان بشكرك جدا على زوقك وانا اصبحت الان اتعامل مع الصدفية مثل الانفلونزا كما كنتى تقولين لن انساها لكى
جزاكى الله كل الخير

خويلد الجزائرى صاحب المواضيع القوية
هجهوج ارجو ماتكونش لسه زعلان منى انت اخ كبير ومعروف ان قلبك ابيض وادحر الشيطان
بوسطن • الدهيمية • احمد 12 • ام ناصر • انسام اسلام •الانوار حاليا • جودينا • مرام 2007 • ايهاب العراقى •

اسمائكم لن انساها
وصفحات المنتدى لاتكفى للتعبير من مدى حبى لكم

ربنا يبعد عنكم الصدفيه باذن الله

اسأل الله العظيم رب العرش العظيم ان يشفى كل مريض
اسأل الله العظيم رب العرش العظيم ان يشفى كل مريض
اسأل الله العظيم رب العرش العظيم ان يشفى كل مريض

انا مش ناسى الدواء

اكتر مرهم جاب نتيجه سريعه جدا معايا كان اللوريد
ومفعوله قوى جدا فى اظافر اليد
وبالنسبة لفروة الراس دبروساليك سائل مره واحده فقط فى الشهر لانه بيزيلها تماما ولاكن لاحتوائه على نسبة كورتيزون كنت بحاول اقلل منه وباقى الشهر اللوريد ايضا كنت استعمله يوم واترك يوم مع غسل الشعر بصابونة حبة البركه

اهم حاجه الحالة النفسية تكون تمام

استودعكم الله الذى لا تضيع ودائعه

وان شاء الله مش هبعد عنكم
هتلاقونى كل فتره بدخل اطمئن عليكم جميعا