〩 ودي أمـــوت الـيـــومـ واعيــش بـاكــر 〩

[مسلمة بلاحدود]

قصــيدة أعجبتني معانيها جأتني بالجوال فنقلتها لــروعتها:

ودي اموت اليوم واعيش بـــاكر
واشوف منهو بعد موتي فقدنــــــي

ومنهو حملني لين ذيك المقابـــــر
واشكر أنا كل من كرمني ودفنــي

وبشوف يرثيني انا كم شاعــــــر ؟
ومنهو تركني وماكتب شي عني

شخص ٍ تعنالى مع انه مسـافر
وشخصٍ قريبٍ وللاسف ماذكرني!

وشخص يمثل دمعته ماهو قـــــادر
وشخص تطيح دموعه كل ماذكرني

ومنهو من أهلي في العزا كان حاضر
ومنهو دعا لي في صلاته ورحـــــمني

ومنهو بنى باسمي سبيل ومنــــــــــابر
ومنهو يفز قلبه لا من لمحنــــــــــي

ومنهو عشاني طول الأيام ســـــاهر
ومنهو ثلاث أيام راح وتركنـــــــــي

ومنهو يرتب غرفتي والدفـــــــــــاتر
وإن شاف صورة لي صاح وحضني

يالله عسى ما تغفى كل المشــــاعر
ويالله عسى ما ينصدم يوم ظنـــــي

خايف يروح العمر وأكون خـاسر
وإن طار طيري مايفيد التمنــــــي

وخايف يجيني وقت أكسر خـواطر
إن دارت الدنيا وزماني كســرني

ومدام هذي الدنيا صارت مظـاهر
وكل من على كيفه وجوّه يــــغني

صحيح مسلم لكن الهم كــــــــــافر
كل مابغيت اضحك يهددني حـــزني

الضيف وافي والحزن حيل وافر
والجرح اكثر شي شفته يحـــبني

عايش وميت بين ماضي وحاضر
والصبر مفتاح الفرج ضاع منــي

قل وش تبي وتتركني ياحزني آمر
مسكين فرحي تصدق أنه وحشني

شاعر ولكني ماني بشـــــــــــاعر
ودي أموت اليوم وارتاح منــــي