ابر للصدفيه .. الكويت

[الشمري 1]

قوه .. شلونكم شباب

أنا من يومين اخذت ابره تحت الجلد نسيت اسمها والله
المهم انه حبوب الصدفيه الحين القشور مالتها اختفت بالمررررره .. ونفسياً ع الاقل حسيت
انه العلاج فعال


بعرف بس الإبر هذي لها اثار جانبيه خصوصاً أني باخذ كورس ابر كل اسبوع ابره
يعني لها علاقه بالعقم او ضعف المناعه وجذي .. مع العلم انه الدكتور يعطيني تحليل دم قبل كل ابره


والشي الاخير سئلت الدكتور عن القطران وهو متوفر بالكويت بسهوله
قالي هذا علاج قديم لو تبيني اكتبه لك عادي أعطيك وصفه للصيدلي مال المستشفي ونوفره لك بعد ثلاث ايام ... لكن نصيحتي لك استخدم الإبر احسن لانه القطران مو علاج انما يحرق الصدفيه لك خصوصا صدفية الوجه تظل الاثار عليها.





المهم اهل الكويت الي جرب علاج الإبر تحت الجلد كل اسبوع ابره من مستشفي العسكري
له اثار ولا لا أنا الله فضخو قلبي اول مره بحياتي تمر علي ابره تنخز بالبطن !!!