|
|||||||
| الحدث واخبار المسلمين في العالم قسم يعرض آخر الاخبار المحلية والعالمية |
|
|
أدوات الموضوع | انواع عرض الموضوع |
|
#1
05-04-2008, 05:44 PM
|
||||
|
||||
خبر عاجل وهام جدا 6/4
خبر عاجل وهام جدا 6/4 السلام عليكم ورحمه الله وبركاته اعلم ان الموضوع نفس الفكرة وضعتها أختي المحبه للجنه ولكن موضوعي بشكل مختلف  ولا زال الجديد والعطاء فى هذا اليوم مستمر 6/4 يلا يا شباب ، يلا يا شعب نمسك إيدنا فى إيد بعض وما حدش يقول وانا مالى هو انا هاغير وحدى زمانى.... إبدأ بنفسك والباقى وراك مش انانى . والمفاجأأأأأأه إتفق كثير من الشباب والجامعات وبعض من الأحزاب على خروج مظاهره فى يوم الاحد 6/4 فى الساعه 12 ظهرا ً بدءاً من ميدان التحرير ومرورا ً بشارع رمسيس للمطالبه بإستقاله نظيف وحكومته ُ ورفع المرتبات وتعديل وظبط الأسعار والمطالبه بعيشه هنيه ... ويا عالم إيه اللى ممكن يحصل تانى ... وهانقول لمُظاهرة حريق القاهره الأولى.... إحنا راجعين تانى وهانقدر نغير ونعدل حكومتنا تانى كيلو اللحمه وقتها كان بـــ 68 قرش ارتفع لــ 1 جنيه اتقلبت الحكومه والبلد ورجعو قرارهم تانى دلوقتى كيلو اللحمه بــ 35 جنيه وكيلو الرز بــ 4 جنيه وكيلو السكر بــ3.5 جنيه وكيلو العدس بــ 9.5 جنيه وزجاجه الزيت بــ 10 جنيه والعيش طوابير طوابير وسرقه الدقيق المدعـوم فى السوق السودا بقى هم المهموم...        ----------- عاش كفاح الشعب المصرى...عاش كفاح الوطنيين  وديه رساله اخرى إتفقت كافه القوي الوطنية في مصر علي أن يكون يوم 6 إبريل يوم إضراب عام في مصر يوم 6 إبريل خليك قاعد في البيت أوعي تنزل ماتروحشي الشغل ماتروحشي الجامعه ماتروحشي المدرسة ماتفتحشي المحل ماتفتحشي الصيدليه ماتروحشي القسم ماتروحشي المعسكر عايزين مرتبات تعيشنا عايزين نشتغل عايزين تعليم لأولدنا عايزين مواصلات أدمية عايزين مستشفيات تعالجنا عايزين دواء لأطفالنا عايزين قضاء منصف عايزين أمن وأمان عايزين حرية وكرامه عايزين شقق للعرسان مش عايزين رفع أسعار مش عايزين محسوبيه مش عايزين ظباط بلطجية مش عايزين تعذيب في الإقسام مش عايزين أتاوات مش عايزين فساد مش عايزين رشاوي مش عايزين إعتقالات مش عايزين تلفيق قضايا قول لأصاحبك مايروحوش الشغل همه كمان وخليهم يدخلوا الإضراب  وديه رساله أخرى يا ترى كله هايتحرك يوم الاحد 6/4/2008 فى سبيل التغير للأفضل يمكن مظاهره حريق القاهره ترجع تاني  انتفاضة جديدة فى طريقها الى الظهور... التاريخ يعيد نفسه... اتذكر انتفاضة الاولى فى عهد الزعيم طيب الذكر محمد انور السادات عندما وصفها بانتفاضة الحرامية... لو حدثت ايضا هذة الانتفاضة فسوف يخرج علينا الزعيم طيب الذكر محمد حسنى مبارك ليعلن لنا انهم مجموعة من الحرامية...حرامية حرامية بس نخرج لنعبر اننا نرفض ان نُساق مثل قطيع من الغنم...حرامية حرامية ولكن يجب ان تعلم القيادة السياسية فى مصر اننا شعب مازال يعيش ولم نمت بعد ...سوف تموت القيادات السياسية ولكن شعبنا سوف يبقى الى ان تقوم الساعة... ...يجب ان تعلم السلطة فى مصر اننا جميعا مللنا من المشاكل ومن الازمات ومن الاسطوانات المشروخة من امن الدولة والمساس بامن الوطن ...كلنا نحلم بالتغيير ..كلنا نحلم بالديموقراطية ..كلنا نحلم ان يأتى علينا فجر جديد ...مللنا هذة الخلق والتى تجسم على صدورنا وكأنهم منزهون ومختارون من الله او هم سلطة الله المختار... وديه رساااااله أخرى كعادة المصريين بالطبع لا تزال هناك الكثير من القوى السياسيه مختلفه حول تفاصيل و كيفية المشاركه فى الاضراب و إن كانوا اجمعوا على ضرورة وجود اضراب يوم 6 ابريل وقد تم الاتفاق حتى الان على الاتى فى معظم التجمعات المتناقشه فى الموضوع 1- الاجماع على تعليق علم مصر فى البلكونات و السيارات 2- الاجماع على ارتداء ملابس سوداء و يفضل مطبوع عليها اى شعار للإضراب لو امكن مع حمل شاره او اى اعلان عن "إنى مضرب إحتجاجا على الأسعار 3- تم بالإجماع الاتفاق على الإضراب عن شراء أى سلعه لتمثل وسيلة تهديد للحكومه التى لا تعيرنا اى انتباه و كذلك تهديد لاى تاجر يرفع الاسعار اننا يمكن ان نتحد لمواجهته 4- تم الاتفاق على ان يحاول الجميع قدر استطاعته بكل السبل على الاضراب عن العمل و الغياب عن العمل هذا اليوم و اعلان ذلك قبلها و اعلان الاضراب 5- اجمع جميع الطلبه على الاضراب عن الدراسه فى ذلك اليوم و اعلان ذلك مسبقا 6- لإصحاب المهن الحرجه كالطبيب مثلا أو ما شابه و كذلك لمن لن يستطيع ابدا ابدا ان يمتنع عن العمل و كذلك بالنسبه للطلبه الذى يتوافق 6 ابريل مع امتحاناتهم فإنهم سيضطرون للذهاب لمصالحهم مع اعلان الاضراب لبعض أو كل الوقت و كذلك الاعتصام السلمى فى مجموعات إن امكن 7- على من يستطيع النزول للتظاهرات التى ستكون فى الميادين الرئيسيه بالمحافظات يمكنه ذلك و لكن بعد الاتفاق مع القوى السياسيه و منظمات المجتمع المدنى على ميعاد و مكان التظاهرات 8- على الجميع العمل بجد منذ اليوم حتى الان على نشر كل تلك الافكار بين الشعب المصرى و هم اهلنا و اصحابنا و اقاربنا و زملائنا فى العمل مستخدمين فى ذلك كل الوسائل المشروعه من دعوات صريحه عامه او فرديه او ارسال رسائل محمول او مكالمات هاتفيه او البريد الالكترونى و المنتديات و المدونات و المواقع الاعلانيه و الجرائد و الصحف و المجلات و الاتصال بالفضائيات .. و كذلك تعليق الالافتات و ارتداء تى شيرت أو شاره يحمل الدعوه للإضراب من الان حتى ميعاد الاضراب و الله الموفق
__________________
  |
|
#2
05-04-2008, 06:45 PM
|
||||
|
||||
|
بسم الله الرحمن الرحيم
هكذا هي الخطوات المطلوبة لوضع حد لحالة التدهور ان لم يتحرك الشعب فلا تنتظروا الرحمة ممن اوصلوكم الى هذه الحال وان شاء الله البداية تكون من عندكم وتعم كل الوطن العربي بالتوفيق
__________________
  |
|
#3
05-04-2008, 06:55 PM
|
||||
|
||||
|
حبيبتى فعلا كلامك صحيح ويارب يعمل نتيجه يومها  بجد الأسعاد بقت نااااااااااار جدا جدا حس بها الفقير والغني كل الاسعار اللى انتى ذكرتيها ده ثمنها فعلا العدس والرز والسكر واللحمه والزيت وضيفي عليهم ان العيش ارتتفع سعره مع قلته بالسوق وقلة المخابز وكمان بدأو فى غلق المخابز شوفتى مصيبه اكبر من كده حسبنا ونعم الوكيل فى قلب كل مصري قنبلة لا بد وان تنفجر فى يوم ويارب يكون يوم 6/4 ده يومها والله المستعان لكن بالنسبه للمقيمين فى القاهره يقدروا على فعل ذلك لكن بالنسبه لينا كامحافظات لانقدر سوى المتابعه ليس اكتر المهم ربنا يجيب اللى فيه الخير ويعدي اليوم ده على خير
__________________
 لا تشكي من الأيام فليس لها بديل
ولا تبكي على الدنيا ما دام أخرها رحيل واجعل ثقتك بالله ليس لها مثيل وتوكل على الله حق التوكل فإنه على كل شيء وكيل |
|
#4
06-04-2008, 01:36 PM
|
||||
|
||||
|
ليس الحل فى خلق المشاكل للحجكومات هدا تدهو ر آخر وفتنة وهى سبب الهلاك وتدخل العدوا
الحل من الشعب نفسه من حرمه من الإنتاج والفلاحة بدل إنتاج الأفلام الرخيصة السودان بلد كل فلاحة من يستغله من يقوم بغرسه أين همة الشعوب قد يقول أميركا هى المهيمنة هى من أوصلتنا إلى ما نحن فيه نقل هى تؤمن شعبها ولو بالسريقة تجد مصري يعيش خارج وطنه يرضى بأى عمل فلاحة بيع وشاء عادى بإطاليا فرنسا لكن بلده يحتاجه وأهله يحتاجونه يحلم بأن يحقق هدف وصوله إلى بلاد الخليج العربي وكدالك المغربي وكل عربي وكل شاب هدا حاله لا نلوم الحكومات فقط ــ حتى نحن علينا قسط من المسولية تجد شاب وعند والده قطعة أرضية تحتاج لمن يشتغل فيها والإبن يحلم بالسفر البنت تحلم بأن يخطفها خليجى عفوا يخطبها وشكرا ولنا عودة والسلام
__________________
|
|
#5
06-04-2008, 04:13 PM
|
||||
|
||||
|
وفقكم الله الى كل خير
وان شاء الله البداية تكون من عندكم وتعم كل الوطن العربي آمين
__________________
[/CENTER][/COLOR]  أنا لم أتغيّر ! كل ما في الأمر أني ! ترفعت عن ( الكثير ) ! حين اكتشفت أن ( الكثير ) لا يستحق النزول إليه ! |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
|
|
|
Powered by vBulletin V3.8.5. Copyright © 2005 - 2013, By Ali Madkour |
العرض العادي
