وبعديين معاج يا صدفيه كرهتيني بحياتي

[أميره الاحزان]

السلام عليكم ورحمه الله وبركاته ::

اخباركم عساكم بااحسن حال

اه اه اه اه اه ياقلبي وجسمي

ايام اتحمس لموضوع صدفيه والعلاج بالقطران وغيره من زيوت بس لحظه تروح العزيمه والاراده احس بالهم يذبحني وعبره فيني لانه محد يساعدني حتى بالبيت مب مهتمين اووف وربي ودي بشخص معاي جنبي يساعدني ويوقف معااي نفسيا

صدفيتي الى بجسمي هي بقع صغيره اعالجها بخلطه الدهيميه عباره عن فازلين وبابونج وبذورالكتان. كانت قشريه احين صارت لونها وردي مايل للبياض وملمسها صار نفس ملمس جسمي احسها تشافت خفيف بس للحين اثارها بجسمي وترجع قشريه اذا ماعالجتها في امل يروح لون الوردي

اما عن ركبتي اعلجها بالخلطه خشنه وماتصير ناعمه ابدا ترجع صدفيه ولونها ابيض وقشور واحيانا تحكني تعبت معها
بس احسها انزلت من ركبتي سئلت مطوع قال اذا المرض ينتقل من مكان لمكان فهاذي عين ؟؟؟؟؟؟؟؟

اما الى بشعري استخدم زيوت عباره عن بذور الكتان وبابونج و سمسم واغسل شعري يطلع روعه بعدين يجف شعري وتطلع القشرره من جلدته راس وربي تعكر مزاجي وفيني صدفيه و راى اذني احاول اشلها بيدي لانه القشره متلازقه مع جلدت راسي يطلع دم ويعورني حتى وراى راسي تحت شعري يعورني بشكل مب طبيعي احط زيت او خلطه دهيميه يخف

حتى شعري مع اني احط زيوت تقويه لشعري صار زين وطول بس يتساقط مدري بسبب صدفيه لاانه فروه راسي تعبانه

فيه زيوت لتساقط الشعر ؟؟

يوم كنت بالاابتدائيه فيني صدفيه بس في ابطى تحت يدي وكنت اتعب منها وامي اتعالجها لى وراحت وكانت عندنا حفله بالمدرسه حفله تخرج صف سادس وكنت ماشاء الله حلوه وشعري طويل واسود حتى الكل ينادوني بزينب العسكري نفس شعرها بس انا احلى الموهم من بعدها اخترب شعري وصدفيه وضعف مدري عين

ودي انام واصحى وصدفيه القاها مختفيه وربي بصوم شهرين

تعرفون صدفيه بالبنت قمه الاحراج والله يعنى لو عندي مناسبه عيد او عرس او حفله اى شى لزم اعالج شعري بدرري قبل المناسبه باسبوعين يالله يختفي واذا شعرها فيها قشره تتطيح بالعبايه او الفستان قمه الاحراج

اما بخصوص الزواج نادرا ماتحصل البنت واحد يرضى عليها ويوافق على صدفيتها لانه بعضهم يجرح ويترك حتى لو البنت كامله والكامل الله بس فيها صدفيه يتركها والله ظلم

الله يوفق شباب وبنات الصدفيه ويسعدهم ياااااارب ونسمع خبر زواجهم وشفائهم واحد تلوو الاخررر

في ناس يلقون انه الصدفيه اهون من السكر والضغط ووو الامراض العاديه بس ماحسو بالمصدف شيحس من الم وتعب جسمي ونفسي على الاقل سكر وضغط له اعلاج اما الصدفيه تعب في تعببب

ملاحظه: انا مب انسانه مغروره ولاشى لانه قلت حلوه وو بس مثل ماتعرفون العين مذكوره بالقران وانصحكم تحصنوو بالقران باى مناسبه وانتو بكامل كشختكم حتى لو كنتم عاديين وبطبيعتكم

اسمحوا لى حبيت افضفض لاني مقهوووره

توني صغيره وصدفيه جننتني وكرهتني بكل شى

واخيرا الحمد الله على كل حال

اختكم:: اميره الاحزان في مملكتها الحزينه

[reem50]

احيانا تقف الكلمات عاجزه عن التعبير وانا الان لااعرف مااكتب لكي
تراسلنا كثيرا وكان عندي امل ان يساعدك احد من العائله وباية طريقه لتحصلي على العلاج لكن ماباليد حيله الظاهر حتى عوائل بعض المصدفين غير متعاونين معاهم
اخوتي هل من احد يستطيع مساعدة اختكم كي تحصل على القطران وتنتهي مشكلتها
انها جمله صغيره لكن تنفيذها كم هو صعب ... لماذا كل شيء مصعبينه علينا في الحياة بالرغم من اننا نملك بل نطفوا على ابار من النفط من المال الذي منحنا اياها الله .. وكم نردد لماذا لماذا ولامن مجيب

[أميره الاحزان]

المشاركة الأصلية كتبت بواسطة reem50

احيانا تقف الكلمات عاجزه عن التعبير وانا الان لااعرف مااكتب لكي
تراسلنا كثيرا وكان عندي امل ان يساعدك احد من العائله وباية طريقه لتحصلي على العلاج لكن ماباليد حيله الظاهر حتى عوائل بعض المصدفين غير متعاونين معاهم
اخوتي هل من احد يستطيع مساعدة اختكم كي تحصل على القطران وتنتهي مشكلتها
انها جمله صغيره لكن تنفيذها كم هو صعب ... لماذا كل شيء مصعبينه علينا في الحياة بالرغم من اننا نملك بل نطفوا على ابار من النفط من المال الذي منحنا اياها الله .. وكم نردد لماذا لماذا ولامن مجيب

اختي ريم انتي ماقاصرتي معاي فديتج جزاج الله الف خير
الحمد الله الخير وايد ومب قاصرني شى بس العلاج صعب تلقينه
وان شاء الله احصل القطران

[reem50]

المشاركة الأصلية كتبت بواسطة أميره الاحزان

اختي ريم انتي ماقاصرتي معاي فديتج جزاج الله الف خير
الحمد الله الخير وايد ومب قاصرني شى بس العلاج صعب تلقينه
وان شاء الله احصل القطران

حبيبتي انا اقصد الدول العربيه وامكانياتها الماليه ولاتهتم بتوفر القطران لمواطنيها ولم اقصد العائله

[سامية الحرف]

حياك أختنا الله رب العالمين هو الأول والآخر

لا تنتظرين رفع همم من المقربين التغيير من النفس ينبع من الداخل كما ورد بإحدى الآيات القرانية


وترى الزواجات كلها إن لم يكن إثنين استثناء منكرات وتعري وحش وغيبة ونميمة وتشخيط حريم ما من فود أبد ((قمة الطفش والصرقعة)) معتزلة الغالب ولله الحمد راحة نفسية من غثيان الغيرة والحسد


وتستفيدين من تجارب الخوات والإخوان إن شاء الله

وترى الحياة ماوقفت على زوج الله يصلح فالتس

كم بنعيش 20 سنة 30 أو خمسين بعدين لوين إلى الحفرة الله يجيرنا بس والسنوات ليست إلا ثواني عند رب العالمين فالمحروم بالدنيا يأخذ قبل المنعم بالدنيا ويطلب حتى يرضى

والسلام عليك يا أميرة التفاؤل

[أميره الاحزان]

المشاركة الأصلية كتبت بواسطة عبير العتيبي

حياك أختنا الله رب العالمين هو الأول والآخر

لا تنتظرين رفع همم من المقربين التغيير من النفس ينبع من الداخل كما ورد بإحدى الآيات القرانية

وترى الزواجات كلها إن لم يكن إثنين استثناء منكرات وتعري وحش وغيبة ونميمة وتشخيط حريم ما من فود أبد ((قمة الطفش والصرقعة)) معتزلة الغالب ولله الحمد راحة نفسية من غثيان الغيرة والحسد

وتستفيدين من تجارب الخوات والإخوان إن شاء الله

وترى الحياة ماوقفت على زوج الله يصلح فالتس

كم بنعيش 20 سنة 30 أو خمسين بعدين لوين إلى الحفرة الله يجيرنا بس والسنوات ليست إلا ثواني عند رب العالمين فالمحروم بالدنيا يأخذ قبل المنعم بالدنيا ويطلب حتى يرضى

والسلام عليك يا أميرة التفاؤل

نورتي عبير كلماتج رائعه الله يسعدج
الزواج حلم كل فتاه بس انا كل اهتمامي على اني اتعالج وارتاح
ونورتي يالغلا

[noha24]

فعلا الالم النفسى اصعب بكتير من اى الم بس الواحد يرجع يقول احنا احسن من ناس كتير الحمدلله وربنا يشفيكى عاجل غير اجل ويرزقك بالزوج الصالح ان شاءالله

[أميره الاحزان]

المشاركة الأصلية كتبت بواسطة noha24

فعلا الالم النفسى اصعب بكتير من اى الم بس الواحد يرجع يقول احنا احسن من ناس كتير الحمدلله وربنا يشفيكى عاجل غير اجل ويرزقك بالزوج الصالح ان شاءالله

الحمد الله على كل حااال
نوررتي يالغلا

[المعاني 1]

الله يشفيك , والله حاسين فيك والصدفيه هذي معاناه مب

سهله قويه , لاكن الصبر والاحتساب والاحساس بالاجر العظيم من عند الله

اما المساعده ابشري بالسعد وانا اخوتس لابغيتي اشتري لك القطران وارسله مع لموزين

او اي وسيلة توصيل انا بالخدمه

وماتشوفين الا الخير

[صدفيه وبس]

اميرة الاحزان هلا وغلا يمكن رسالتي عل الخاص ما وصلتك؟؟؟؟؟؟