|
علاج مرض الصدفية والامراض الجلدية ملتقى يختص بعلاج الامراض الجلدية ومرض الصدفية المزمن وآخر ما توصل اليه العلم حول هذا لمرض |
|
أدوات الموضوع | انواع عرض الموضوع |
|
#1
|
|||
|
|||
الخواجوا - و ما ادراك ما - الخواجوا
سلام سليم ارق من النسيم لاصداف الملتقى الكريم بقول لكم عن عشبه خطييييييره اسمها( الخوّاجوّا) يمكن بعضكم راح يستغرب من الاسم زي ما استغربت اول ماسمعته المهم خل اسولف لكم عنها شوي في مرا من المراري ايام حج 1430 هـ رحت مطعم للوجبات السريعه شباك نساء اخذت رقم الطلب وقعدت انتظر ..صاله الانتظار صغيرونه نوعا ما ومليانه نساء من جنسيات مختلفه الا وفي وحده جنبي ثلاثينيه في العمر ..حسب تقديري الشخصي ..من مدينه الرياض الا وهي تقول لي يا اختي ذا اللي بأيدك صدفيه!!!(شدراها) قلت لها اي صدفيه ...بس كيف عرفتيها ,,,قالت انا قبل كان عندي صدفيه ,, وقعدت تسولف لي عن صدفيتها..استحيت شوي حسيت ان صدفيتي تافهه جنبها..المهم ورتني يدها وساقها وتقول شوفي اثار الصدفيه.. كان في اثر بسيط جدا بس في اللون والا الملمس عادي طبيعي والاثر كان بقع صغيييره وهي تقول كانت اكبر من كذا وقعدت تحكي لي تقول ان صدفيتها بقع في الجسم كله تهداء شوي طول السنه لكن في الصيف تقول توريني نجوم الظهر خصوصا بالليل مااقدر انام جسمي كله يولع جروح وقشور وحكه مو طبيعيه..بس ابكي واغسل جسمي بمويه بارده واقراى على نفسي طول الليل الين الصبح ونفسيتي عدم تقول ماكان الشكل مهم عندي ابدا بس كنت ابغى ارتاح من الالم.. ورحت لكل المستشفيات اللي عندنا حتى التخصصي والعيادات الخاصه والمعالجين الشعبيين ,, ماخليت ولا معالج او مستشفى داخل الر ياض او خارجها الا ورحت له ...والنتيجه الغر يبه انو ابدا مافي اي استجابه ولا كأني قاعده اسوي شي..سنييين وانا على ذا الحال الى ان وفقني ربي الى استخدام الخواجوا ومن بعده معاد شفتك ياصدفيه ..راحت سبحان الله وكانت تحلف لي تقول بس استخدمت الخواجوا وراحت وتقول الحين صار لي 4 سنين متشافيه بس احيانا في الصيف ادهن جسمي من باب الوقايه بس مو بس كذا بعدها حكتني عن قصه ثانيه ...قالت لي انو ام زوجها كانت شايله قدر مرق وانكب عليها من صدرها اليييين اقدامها تسلخت وصار فيها حروق بمختلف الدرجات وودوها للمستشفى تقول والله ان الدكاتره كانو يقصون من جلدها المحروق بالمقصات ويدهنونها بمضادات وهي طول الوقت تتألم وتصيح الى ان طلبت يخرجونها وطلعت على مسؤوليتها رغم ان حالتها كانت صعبه ومو قادره تتحرك ومن بعد ما رجعت للبيت صارو يدهنونها بزيت الخواجوا وتقول الحين والله ما كأنها انحرقت ابدا ولا فيها حتى اثر الحروق طيبه ومافيها الا العافيه واثناء ماكانت تتكلم قعدت اتذكر كانت في وحده لمن كنت صغيره قالت لامي ادهنيها بزيت الخواجو ,,وقتها اول مرا اسمع بهذا الاسم ,,وتقول انو كان عندها صدفيه زي اللي عندي وتشافت بعد الدهان بزيت الخواجوا المهم سألت خويتي الثلاثينيه عن زيت الخواجوا..وش نوع الز يت اللي استخدمه؟؟قالت عادي انتي اخذي اي زيت عندكم وحطي عليه شوي من الخوجوا وسخنيه شوي على النار بعدين ادهني منه وراح تذكريني بخير..المهم تحمست وقتها بعدين نسيت الموضوع ...وبعدها بشهووووور او سنه كنت في صاله انتظار صيدليه المستشفى وفي وحده اكبيره في العمر كانت قاعده قدامها بنت في يدها اثر حرق قديم ..المهم العجوز سوت حراج عشان اثر الحرق اقول بخاطري اجل هذي لو شافت ايدي وش بتقول ...المهم كانت تنصح البنت وبشده باستخدام الخواجوا والبنت تقول هذا اثر قديييم مايروح وهي مصره بانه يروح ,,كان كلامها مشجع جدا,,, انا تحمست ومن طلعت من المستشفى على العطار مباشره اخذت جواخوا من زود الحماس وبعدين نسيت السالفه ومااستخدمته وقبل فتره حسيت انو صدفيه شعري زادت تعرفون الناس العاديين يشتكون من قشره الشعر فمابالكم بالمصدفين///تبرر سبب قشرتها هي تقر يبا من ضعيفه الى متوسطه ومرات تهدء ومرات تز يد الى ان اشوف طلتها البهيه من الجانبين المهم قعدت الصبح افكر وش الحل الزيت ,الحنا,الدوكراي ...الخ كلهم مافادو..وش الحل المهم جت في بالي فكره وعلى طول نفذتها,,ماعندي وقت (الخواجوا)رحت اخذت منها وحطيتها على زيت زيتون وسخنتـها شوي ودهنت منها وخليتها سويعات وغسلتها تفاجئت والله من النتيجه...شالت فوق 96% من القشور حسيت بفرق اكبييير والاسبوع اللي بعده دهنت منه بس بز يت سمسم ادهن كل اسبوع مرا وحده ..وكل مرا احسن من اللي قبلها والحمدلله الحين ارتحت من صدفيه الشعروانصحكم فيها تلقونها عند العطار وبرخيص وهذي صورتها لونها بنفسجي غااااااامق يميل للاحمر وبس عسى ماطولت عليكم |
#2
|
||||
|
||||
رد: ٍٍ[الخواجوا]وما ادراك ما[الخواجوا]...
شكرا لك اختي المشرفه جودينا
و تعجبني لهجتك و طريقة حكيك للموضوع و يا رب يجعل فيها شفاء للمصدوفين
__________________
|
#3
|
|||
|
|||
رد: ٍٍ[الخواجوا]وما ادراك ما[الخواجوا]...
اقتباس:
اهلا اخي سعيد الحمدلله انك تفهك على لهجتي العاديه من غير ترجمه شكرا لمرورك |
#4
|
||||
|
||||
رد: ٍٍ[الخواجوا]وما ادراك ما[الخواجوا]...
الف شكر مشرفتنا الكريمه على طرح التجربه سؤال خواجوا بس دهان ويضاف عليه اى زيت صح ولا انا غلطان
__________________
اللهم إني أستودعك قلبي فلا تجعل فيه أحدا سواك .. وأستودعك لساني فلا تجعله ينطق إلا بذكرك وشكرك .. وأستودعك لا إله إلا الله محمد رسول الله فلقني إياها عند الموت ..
|
#5
|
|||
|
|||
رد: ٍٍ[الخواجوا]وما ادراك ما[الخواجوا]...
اقتباس:
مرحبا مشرفنابوسطن لا الخواجوا مو دهان هي عشبه زي اللي في الصوره تحط منها على الزيت وتكثر او تقلل على حسب كميه الزيت بس |
#6
|
||||
|
||||
رد: ٍٍ[الخواجوا]وما ادراك ما[الخواجوا]...
اقتباس:
صراحه الله واعلم انه يجي منه يا بنيتي
__________________
قل للمريض نجا وعوفي بعد ما *** عجزت فنون الطب : من عافاكا؟ |
#7
|
||||
|
||||
رد: ٍٍ[الخواجوا]وما ادراك ما[الخواجوا]...
جودينا انتي اقوى شيء
فعلا الخوا جوا معروف عندنا للحروق ممتآآآآآآز ان شاءالله عن قريب ابجربه يعني مو شرط كل يوم ؟ يامال العافيــــه
__________________
ربي إني مســـني الضر وانت ارحــم الراحمــين ربي إني مســـني الضر وانت ارحــم الراحمــين ربي إني مســـني الضر وانت ارحــم الراحمــين
|
#8
|
|||
|
|||
رد: ٍٍ[الخواجوا]وما ادراك ما[الخواجوا]...
اقتباس:
هلااااااااااا بالمتفائله لا مو شرط كل يوم انا ادهن منه كل خميس بس ونتيجته روعه وراح تلاحظين بعد الدهان لأول مرا ان القشور اللي كانت ناشبه في القاع قد ارتفعت وتفككت وتفرقت بين الشعر زي ماحصل معي |
#9
|
|||
|
|||
رد: ٍٍ[الخواجوا]وما ادراك ما[الخواجوا]...
يو يو يو ياهو مخنز سبق وجربته وانا متلطم وما واصلت
__________________
روابط علاج الصدفية النقطية بالطب البديل
http://forum.ashefaa.com/showthread....48#post1145848 مشاركة 48 http://forum.ashefaa.com/showthread.php?t=147442 hgvhf رابط الموضوع اللهم أنت ربي لا إله إلا أنت خلقتني وأنا عبدك وأنا على عهدك ووعدك ما استطعت ابوء لك بنعمتك علي وابوء لك بذنبي فاغفر لي فإنه لا يغفر الذنوب إلا أنت أعوذ بك من شر ما صنعت |
#10
|
|||
|
|||
رد: ٍٍ[الخواجوا]وما ادراك ما[الخواجوا]...
لا اللي استخدمته مو مخنز والله احتمال الخواجوا اللي انت استخدمته منتهي الصلاحيه او يمكن تكون غلطت واستخدمت حلتيت مادري وين وش السر بس اللي انا استخدمته ماله ريحه هذا والله اعلم |
الذين يشاهدون محتوى الموضوع الآن : 1 ( الأعضاء 0 والزوار 1) | |
أدوات الموضوع | |
انواع عرض الموضوع | |
|
|
|
Powered by vBulletin V3.8.5. Copyright © 2005 - 2013, By Ali Madkour |