|
|||||||
| علاج مرض الصدفية والامراض الجلدية ملتقى يختص بعلاج الامراض الجلدية ومرض الصدفية المزمن وآخر ما توصل اليه العلم حول هذا لمرض |
 |
|
|
أدوات الموضوع | انواع عرض الموضوع |
|
#172
30-11-2010, 09:04 AM
|
|||
|
|||
رد: طفلتي و الصدفية - ارجو المساعدة
السلام عليكم ورحمة الله وبركاته
1. امس ظهرا كان الاحمرار خفيف جدا مائل للبني في ظهر اليد اليمنى - في النهار وضعت ماء وملح مرة واحدة على ظهر اليد اليمنى مناطق اسفل الظهر لم ادهن شيء - خفت من تعميم الماء والملح  واليوم ساضع فقط على الحبوب والالتهاب ليس كل المنطقةالوجه جيد - لم ادهن 2. في الليل عاد الاحمرار لظهر اليد اليمنى وضعت عليه ماء وملح وبعد ساعتين غسلته ووضعت عسل وزيت زيتون بعد التغسيل لمنطقة اسفل الظهر وضعت المرطب على كل منطقة اسفل الظهر مع التركيز على الاماكن الخشنة - ملاحظة اكتشفت انه لا داعي للتغسيل من عازمة كون المنطقة اصلا تغسل قليلا بعد كل ذهاب الى الحمام (نونو) - عازمة يرجى التصحيح  الوجه لا داعي لشيء  3. وفي الصباح وضعت مرطب على ظهر اليد اليمنى مرتين خلال ساعة وعلى منطقة اسفل الظهر تقييم الوضع : الوجه ممتاز - ظهر اليد تحسن - اسفل الظهر مستقر الى تحسن 4. الاستمرار في حبة البركة+ الفيتامين+الرقيا وايات الشفاء+قائمة الممنوعات ما عدا البندورة * اكلنا فاصوليا بالبندورة والوضع تحت المراقبة ارجو منكم الافادة والدعاء وانا لكم من الشاكرين يا رب تشفي بنتي وترحمها برحمتك الواسعة يا رب العالمين حبيبتي امل  والله انك انسانة عظيمة وانا اتمنى ان تشاركي في موضوعي دائما فانا استفيد منك واتعلم منك روائع وانا ان شاء الله بانتظار اخبار تحسن ابنك الحبيب في اقرب وقت ضرووووووووري تطمنيني عليه وان شاء الله بيجيب علامات حلوة وبينبسط ويطيب بالعطلة يااا رب ترحمه وتشفيه يا رب وانا يوم عن يوم بيزيد اعجابي فيك ما شاء الله على قوتك وايمانك - الله يوفقك لما تحبين وترضين عاجلا غير اجل يا رب العالمين حبيبتي عازمة شكرا للنصائح الدسمة  والسلامات بالجمله - افادة رائعة يا توام روحي - موعد مراجعتنا الاربعاء بعد الظهر - وانا الحمد لله كتير متطمنة سلفا ومهما كانت النتيجة ما راح اضعف ان شاء الله (كتير حاسة اني كذابة )  بس ان شاء الله بيكتبلنا الشفاااااااااء التام قريبا يااااااااااا رب. الغالية انوار - ريحانه - حيرانة انا بتابع اخبارك في موضوع اطيب قلب حبيبة الشعب ام ناصر وكتير فرحانة مشانك ويا رب منها للي احسن منها وحاسة اني راح اسمع عن شفائك التام قريبوالله يا حبيباتي انا عندي مشكلة كبيرة بالنظام الغذائي وعازمة اكتر واحدة بتعرف ما عندي تشكيلة نهائيا وبنتي بتمووووووووووووووت عالشيبس والشوكولاته وكل شي صناعي وملون حتى لو شي ما بتعرفه مستعده تفترسه افتراس - اما اي شي طبيعي او طبخي (يعني انا للاسف طبخي بصراحة مش كتير زاكي ) ما بتحبه يمكن هادي اكبر مشكلة - بس طبعا انا شغالة لحل هادي المشكلة جذريا و من شروشها  وراح اركز كتير على الخل وزيت بذرة الكتان وان شاء الله خير  يا رب تشفينا وتشفي اولادنا وبناتنا وترحمنا برحمتك الواسعة امين يا رب العالمين 
|
|
#173
30-11-2010, 12:30 PM
|
|||
|
|||
|
رد: طفلتي و الصدفية - ارجو المساعدة
عزيزتي نسرين:
كيفك وكيف الصغار؟ ان شالله يكون الكل بخير يا رب نسرين بالنسبة لتغسيل منطقة الخلف ما تغسليها دايما بس لما تعمل نونو...يعني هيك منيح...الوجه هو الي لازم تغسيل بالصابون كل ما تحسي بدو تنضيف.. شوفي بالنسبة للاكل يا ستي ما الك حجة ....هاي الطرق معبية النت بس اختاري...بتعرفي اليوم عمبعمل فطير زعتر..يمي يميييييييي...طلت الطريقة من النت...بسال ماما احيانا وحماتي احيانا يعني لازم الواحد يطعمي ولادو شي طيب يا نسرين عشان يحبوا اكل البيت...اكتر من اكل برة...ويا ستي طريقة اي شيء بدك ياه علي  .....بس انتي اؤمري...بالنسبة لخرابيط الشيبس وهالشلة برضو ما الك حجة...لا تجيبوا هالاشياء بالكميات الكبيرة...وازا صار( بعرف زوجك بجيب بالكميات هاي) خبيها يا نسرين عن العين.....الشيبس لازم مرة واحدة في الاسبوع فقط....لازم يكون في قوانين يعني غرض واحد باليوم بكفي وهاي لازم تكون قاعدة ممنوع تجاوزها الا في حالات الضعف الشديد اما الاطفال (مهمي عليهم اساليب بتقطع القلب بعرف)...بالنسبة لبذرة الكتان تاكدي من امانها بالنسبة للصغار احسن...يمكن قصدك حبة البركة... اخيرا اتمنى من الله ان يشفيلك بنتك يا نسرين يا رب العالمين....وبكرة ان شاء الله ببين معها كل شيء يا رب خير...بس نسرين حتى ان شاء الله لو ما كان معها شيء وان شاء اللله ما بكون معها شيء لازم تضلي ملتزمة بالامور الصحية الخاصة باكل الصغار ... اللهم اشف جميع مرضى المسلمين اللهم ااامين...
|
|
#174
30-11-2010, 01:20 PM
|
|||
|
|||
|
رد: طفلتي و الصدفية - ارجو المساعدة
حبيبتي عازمة
احنا والحمد لله بالف نعمة وفضل من الله وبنتمنى لكم الخير والسلامة شكرا جزيلا لك على الافادة طبعا ما في اي حجة ادافع عن حالي بخصوص سوء الطبخ لانه بعرف انه مليان وصفات وتشكيلة وصحية بس والله كنت مشغولة بمرض ابني الوسطاني زي ما بتعرفي من سنتين ولسا ما لحقت اصحى منه اجاني موضوع بنتي الكبيرة وكمان دوامي في الشغل طويل كتير واول مرة اطبخ كانت بعد ما تزوجت  طول عمري اكره المطبخ واعمل مع امي مشاكل مشان ما بدي اتعلم طبعا انا بحاول الحق حالي واصلح الوضع هلأ (انقاذ ما يمكن انقاذه) - دايما بحاول ما اكرر طبخات وادور على وصفات جديدة واسجلها واعمل جداول للتشكيلة - الله وكيلك - بس مع الغاء البيض والحليب والدجاج - والله صعبة - بس مش مشكلة - مؤقتا لغاية المراجعة - وبالنسبة لوصفاتك انا متاكدة اني راح اسالك عن شغلات كتيرة .خرابيط الشيبس وشلته انا دايما لما تطلبها بقول الها هادي سموم يا ماما - ومستحيل اسممك بايدي - بعمل الها تفاح او جزر او خيار - حتى حبيبتي بتحب البندورة - بس طبعا هلا ما في بسبب الحساسية بس والله بتاكل يوميا بسكوت او كيكة جاهزة + عصير المغشوش + شغلتين من المدرسة ما بتقبل تقول لي شو هم - والسندويشة دايما بترجع الا اذا كانت برغر او سكالوب او نقانق - وبالرجاء او بالغصب او العقاب ولا يمكن تاكلها - وممكن جدا ترميها بالزبالة واحيانا شيء اضافي بالبيت بتاخده (خاوه) وهادا الشي بدي سنين ليصير اكلي ازكى منه (والعمر للعايش) اذا صار - انا بحاول قد ما بقدر والله يهديها ويقدرني ارضيها يا ربانا والله يا عازمة بديت اغير كتييييييييييير شغلات بحياتي من يوم ما مرضت بنتي وراح اضل اغير للاحسن طول ما الله اعطاني عمر واهم شيء الاكل الصحي والتقرب الى الله. انا بالغلط كتبت زيت بذرة الكتان وانا فعلا قصدي بذرة الكتان نفسها لانه فيها اوميغا 3 - زي ما كتبوا ناس كتير تحسنوا معها بصراحة مفكرة فيها بس تخلص علبة الفيتامين اللي عندي لسا بدرس الموضوع الله يشفي بنتي وابنك شفاء تام يا رب ويرحمهم برحمته الواسعة امين يا رب العالمين
|
|
#175
01-12-2010, 08:31 AM
|
|||
|
|||
|
رد: طفلتي و الصدفية - ارجو المساعدة
السلام عليكم ورحمة الله وبركاته
اليوم موعد المراجعة عند الطبيبة - ساطلب فحص الحساسية وعينة للميكروسكوب - اللهم اني لا اسالك رد القضاء ولكني اسالك اللطف فيه يا ارحم الراحمين وضع بنتي 1. امس ظهرا ظهر اليد اليمنى - احمرار خفيف - وضعت ماء وملح مناطق اسفل الظهر ماء وملح على الحبوب الصغيرة 2. في الليل ظهر اليد اليمنى - احمرار خفيف - وضعت ماء وملح منطقة اسفل الظهر - وضعت المرطب على كل منطقة اسفل الظهر مع التركيز على الاماكن الخشنة وماء وملح على الحبوب الصغيرة 3. وفي الصباح ظهر اليد اليمنى - احمرا خفيف - وضعت مرطب منطقة اسفل الظهر - مرطب على كل المنطقة كاملة مع الحبوب الصغيرة تقييم الوضع : ظهر اليد تحسن - اسفل الظهر مستقر الى تحسن 4. الاستمرار في حبة البركة+ الفيتامين مع اوميغا 3+الرقيا وايات الشفاء+قائمة الممنوعات ما عدا البندورة * احمرار بسيط للالتهاب بسبب البندورة والوضع تحت المراقبة ارجو منكم الافادة والدعاء وانا لكم من الشاكرين يا رب تشفي بنتي وترحمها برحمتك الواسعة يا رب العالمين يا رب تشفينا وتشفي بناتنا واولادنا وترحمنا برحمتك الواسعة امين يا رب العالمين
|
|
#176
01-12-2010, 12:00 PM
|
|||
|
|||
|
رد: طفلتي و الصدفية - ارجو المساعدة
يلا هانت يا نسرين اليوم بدوب التلج وببان المرج وان شاء الله انو بكون مرج اخضر كتير وخير كلو
......لا تنسي بكرة ضروري تخبرينا شو بصير معك...وبالسلامة ان شاء الله ...ووالله يا نسرين لين عالمعدل الي كتبتيه بتاخد كتير اشياء غلط وكمية كبيرة صراحة بس ان شاء الله هادا بزيد احتمال انها حساسية...وبتصيري تضطري تخففيلها ....بالنسبة للاكل الصحي صحيح نسيت اقلك انو استغربت انك بتعملي للين سندويشة برغر او هوت دوج..وهاي بتكون تقيلة الصبح بيجوز عشان هيك ما بتاكلها..لو تجربي زيت وزعتر او لبنة خفيفة ومنيحة...وحطيها بكيس بين الكتب بتلاقيها صارت طرية وقت الفرصة ويا سلااااااااااااااام تصدقي يا نسرين لسة طعمة سندويشة الزيت والزعتر وانا صغيرة تحت سناني....بالزات لما تكون دايبة بين الكتب يا سلااااااااااااااام ادي كنت استمتع فيها ....لحد هلأ بصراحة.....واخيرا الله يشفيلك لين يا رب العالمين برحمتو يحفظلك صغارك من كل سوء واهلك كلهم وانتي كمان ولا تزعلي
|
|
#177
01-12-2010, 01:21 PM
|
|||
|
|||
|
رد: طفلتي و الصدفية - ارجو المساعدة
عازمة حبيبتي
انا والله على نار - الله يجيب اللي فيه الخير يا رب وفورا راح اخبركم - مين الي غير الله ومن بعده انتوابدي اسالك بشو بدك تطهري لابنك منطقة بين الفخدين - زي ما قال لك د صابر - اكيد بنتي بتحتاج هيك شي - بس شو ممكن نستعمل ؟والسندويشة يا ستي اللي بتنكب هي المفيدة ( زيت وزعتر - جبنة بكل اشكالها وانواعها والوانها - سنيورة ولبنة - حتى المربى - الشوكولاته الدهن - لبنة لحالها -.... والقائمة ما بتخلص اما السندويشات البرغر والسكالوب والنقانق هدول مستعدة تاكل فيهم ليوجعها بطنها ومستحيل تقول شبعت - والله يا عازمة هي كمان نصوحة شوي مش كتير - بس مليانة - والمشكلة عند زوجي بالعيلة مرض السكري بشكل كبير ومؤذي - يعني اعمار وفياتهم بيكون كتير صغير - قليل كتير منهم بيكمل للستين وزوجي عنده سكري وضغط وكولسترول وبيتعالج بالانسولينبس المشكلة هي وابوها بيموتوا بالحلويات وهي اضيفي للحلويات خرابيط الشيبس وشلته و الهمات بكل اشكالها بخاف يصير معها سكري وبحاول امنعها بكل الطرق بس معظم الاحيان القرار مش الي .... والباقي عندك بس والله لاحسن واشكل واغير في الاكل لما اغير هالواقع المفروض علي وان شاء الله بتتحسن وتطيب يا رب يشفي بنتي وابنك ويرحمهم برحمته الواسعة امين يا رب العالمين
|
|
#179
01-12-2010, 03:57 PM
|
|||
|
|||
|
رد: طفلتي و الصدفية - ارجو المساعدة
اهليييييييين نسرين:
شوفي حبيبتي انا عرفت الوضع بس في عندي اقتراح ازا يوم روحت مو ماكلة سندويشتها تاني يوم امنعيها من شي طيب تاخدو معها عالمدرسة ....معليش بعرف صعبة بس هي على الاغلب مرة وما عاد تعيدها...جربي... على فكرة بنتك شكلها رح تكرهني بس تعرف اني ورى هالافكار الشريرة....ههههههه شوفي انا اهل زوجي وزوجي كمان مليانيين كتير اسم الله...بس اول ما بولد الله وكيلك البيبي عندي ولا بشم السكر ليكبر لانهم بحبوا الحلو كتير...حتى حماتي بتقلي حطيلوا شوية سكر مع البابونج للبيبي بس انا ما برد..لانو بيعمل التهابات للصغار فالله وكيلك عندي التنين ما بياكلو حلو الحمدلله الا فيما ندر بس يعني ما برغبوه...ولا بطلبوه...الحمدلله رب العالمين.. شوفي التعود على السكر متل اي تعود يعني شغلة بتصير بالدماغ...شو الواحد بتعود..جربي خففي السكر بالحلويات ازا بتعملي او بكاسة الحليب وهيك بتصير بعد فترة تحس انو هيك هوي ممتاز وبعدها كمان ردي خففي كمية السكر بعد فترة..وهيييييييك بتصير تخفف من الحلو كلو...وان شاء الله خير يا رب بكرة نسمع الاخبار المنيحة .... اللهم اشف جميع مرضى المسلمين اللهم ااااامين...
|
|
#180
01-12-2010, 04:09 PM
|
|||
|
|||
|
رد: طفلتي و الصدفية - ارجو المساعدة
اه نسيت احكيلك بالنسبة للتعقيم انا بحس احسن شي ملعقة خل صغيرة مخففة بنص كاسة مي لانو المنطقة حساسة ازا حرقتو بستعمل صابونة ديتول...وان شاء الله خير.. الههم اشف جميع مرضى المسلمين اللهم ااامين..
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
|
|
|
Powered by vBulletin V3.8.5. Copyright © 2005 - 2013, By Ali Madkour |
العرض العادي
