رحلة ابنتي مع الاكزيما و رجائي من الله الشفاء

[ومضه]

الله يشفي بنتك أختي وكل مرضى المسلمين ..

وحابه أهديكي هالقصه علها تكون تسليه لكِ في مصابك..

http://www.dar-quran.com/vb/showthread.php?t=14667

ربي يشفي الجميع يااارب ..

[عازمة على شفائه]

السلام عليكم ورحمة الله وبركاتو:
اختي نسرين كيفك؟؟؟وشو اخبارك؟ان شاء الله تكون كل امورك تمام يا رب العالمين....
عزيزتي نسرين انا ما يقول انو لا تقلقي ابدا بالعكس الاهتمام كتير مهم بس قصدت انو لا تقلقي قبل ما تعرفي شو في بالزبط...عرفتي علي يا نسرين؟؟؟يعني بزكر لما ابني طلع عليه الحبوب اول مرة كنت عند اهلي وقالتلي اختي ابنك شكلو معو صدفية؟؟؟قلتلها شو بعرفك فيها انتي؟؟قالتلي صاحبتي معها...بصراحة استغربت شوي وخفت شوي بس ما بزكر بعدها اني فكرت باي شي تاني لحد ما اكدلي الطبيب انها صدفية ووقتها تدايقت شوي ونسيت الموضوع لانها كانت خفيفة اصلا...والسنة الماضية لما زادت عليه وكنت صرت اقرا عن الصدفية بلاوي يعني صرت خبرة فيها...كنت مقضيتها مناحة الله وكيلك طول اليوم....واضل اتخيل لما يكبر كيف بدو يتاثر منها او لا سمح الله التهاب المفاصل الي ممكن ييجي منها....وانا والله بعرف نفسية الام كيف بتتدمر وما بنسى حالي هديك الايام بس المهم انو الواحد يرجع يزبط امورو ..كيف؟؟؟الثقة بالله سبحانو وتعالى والرضا بقسمتو هاد تلتين الراحة النفسية بعدين بنشغل التفكير الايجابي والمتمثل بقول الرسول الكريم تفاءلوا بالخير تجدوه...وبنشتغل عليه...انا لما بلشت ارجع لعقلي وافكر ما عدت ابدا تحدثت بالموضوع لحدا واعتبرتو قضاء وقدر وانو ابتلاء بس رح يروح باذن الله...وضليت واصلة الليل مع النهار وواثقة بانو الشفاء قادم وكنت متفائلة جدا بالزات بعدما دخلت هذا المنتدى الرائع وقرات قصص الشفاء...والله يا نسرين كنت مقسمة جسمو اقسام كل شي عليه وصفة شكل حتى اكسب وقت....زوجي بقلي صاحبي معو صدفية وما بتروح صرلها معو سنين...بقلوا بعد فترة رح اعطيك وصفة تعطيه ياها وان شاء الله بعدها بطيب...قد ما كنت واثقة بشفاء ابني...وفعلا بس طاب زوجي بقلي: شو حطيتيلو للولد عشان اعطيها لصاحبي قلتلوا:شفت كيف ما في شي مالو دوا....والصيدلاني كان يقول لزوجي الصدفية بتخف ما بتروح..كنت اقلو:بالله؟؟؟وهو شو بفهمو؟؟...بعد فترة بس يطيب الولد قلو...بدي اشوف شو بدو يقول...والله لما زكرت زوجي فيه صار يضحك...
معليش طولت عليكي بس حبيت توصل الفكرة وان شاء الله تكون وصلت....القلق مهم بس بحدووووووووود....والتفكير الايجابي لازم يضل شغال علطول....ازا عند وقت احضري cd:the secretفيلم وثائقي رااائع عن التفكير الايجابي بس حاولي تربطيه بالدين الاسلامي...لانو همي بربطو بقوة مجهولة اما احنا بنربطو بالله سبحانو وتعالى.....
اللهم يشفيلك هالبنت يا رب برحمتك يا ارحم الراحمين يا الله.....
اللهم اشف جميع مرضى المسلمين اللهم اااامين.....

[متعومسه]

الله يشفي بنتج اختي نسرين

والله طفل ويعاني شي يعور القلب صراحه

اللهم اشفي مرضانا ومرضى المسلمين

[nisreen1811]

السلام عليكم ورحمة الله وبركاته

اختي الغالية ومضة والله قصة رائعة جدا - ومن اين لي بقوتها انا على القصة بكيت - والله انا كتييييييييير ضعيفة - الله يكون بالعون - ما شاء الله على ايمانها - اللهم قوي ايماننا يا رب - وانا والحمد لله واثقة من رحمة ربي ولطفه وهذا هو ما يهون حالتي ولله الحمد والفضل - جزاك الله خيرا

حبيبة عمري وتوام روحي عازمة
والله وانت بتحكي حسيت شبه كبييييييييييير بيني وبينك انا عندي كتاب السر وبقرا فيه كل فترة شوي وكتير بحب هادا الاسلوب في التفاؤل والامل بالله - الحمد لله.
فهمت عليك وجهة نظرك بالقلق - صح 100%
الحمد لله انا استفدت كتييييييييير من هالمنتدى الروعة اللي عرفني طرق كتيرة لعلاج بنتي وتعلمت شغلات كتير وان شاء الله راح يكون الشفاء قريب باذن الله

اختي العزيزة متعومسة
شكرا للدعاء اختي العزيزة ولك بالمثل ان شاء الله

بالنسبة لوضع بنتي اليوم
الالتهاب على ما هو او ينقص بمعدل بسيييط جدا
بعض الجفاف الاحمر1سم*1سم على ظاهر اليد اليمنى دون حكة - تم وضع ماء وملح وسيتم المتابعة لماء وملح وزيت زيتون
الحمام الاسبوعي مع دهان المرطب على مكان الالتهاب فقط - لا يوجد مناطق جفاف
الحبة التي تعالجت بالماء والملح ضمور تام ولكن الالتهاب الصغير المجاور يحتاج لبعض الوقت ماء+ملح+زيت زيتون للترطيب
بعض الجفاف الاحمر على جانبي الفم - دهان ليلا بعسل+زيت زيتون - في الصباح روعة الله يوفقك يا عازمة ويجزيك الف خير يا رب
الغذاء الصحي اهم شي والدعاء والرقيا

اللهم لاعلم لنا الا ما علمتنا- علمنا ما ينفعنا يا ارحم الراحمين
يا رب تشفي بنتي وترحمها برحمتك الواسعة هي وكل مرضى المسلمين يا رب العالمين

[nisreen1811]

السلام عليكم ورحمة الله وبركاته
حمام بنتي الاسبوعي يوم السبت -ليلا - بسبب البرد - وهذا ربما سبب الجفاف الاحد و ظهور الاحمرار - بسبب عدم استخدام شيء لترطيب الجسم بشكل عام؟

1. لاحظت امس الاحد نهارا احمرار في ظهر اليد اليمنى - في النهار وضعت ماء وملح مرتين على ظهر اليد اليمنى
ايضا لاحظت تحسن ولكن خشونة على مناطق الماء والملح التي لا ارطبها في اسفل الظهر فدهنت كامل مساحة الالتهاب كلها ماء وملح - حتى ما لم اكن اضع عليه
الوجه جيد - لم ادهن

2. في الليل وضعت عسل وزيت زيتون على جفاف بسيط حول الفم وعلى ظهر اليد اليمنى
بعد غسل الماء والملح وضعت المرطب على كل منطقة اسفل الظهر مع التركيز على الاماكن الخشنة

3. وفي الصباح وضعت مرطب على ظهر اليد اليمنى وعلى منطقة اسفل الظهر
تقييم الوضع : الوجه ممتاز - ظهر اليد تحسن - اسفل الظهر مستقر الى تحسن

4. الاستمرار في حبة البركة+ الفيتامين+الرقيا وايات الشفاء

* اليوم سناكل فاصوليا بالبندورة اولادي يبكون عليها ولكن قللت جدا من كمية البندورة والله يستر بصراحة اصبحت اشك في حساسية البندورة - وساراقب ايضا

ارجو منكم الافادة والدعاء وانا لكم من الشاكرين

يا رب تشفي بنتي وترحمها برحمتك الواسعة يا رب العالمين

[عازمة على شفائه]

السلام عليكم ورحمة الله وبركاتو:
كيفك يا نسرين وكيف الصغار؟
اتمنى من الله ان يكونوا بافضل صحة وعافية يارب...
ممتاز الي عمبتعملي...بس ترطيب بعد الحمام كتير مهم واهم شي بصراحة ولانو الجسم بنشف بعد الحمام..واحسن مرطب هو زيت الزيتون والله تعالى اعلم...
يلا هانت يا نسرين بكرة موعدها ان شاء الله...الله يطمنك عليها يا رب يا نسرين ويطلع كل هالشيء مااااااااضي...
اللهم اشف جميع اطفال ومرضى المسلمين اللهم ااامين...

[nisreen1811]

السلام عليكم ورحمة الله وبركاته

1. امس ظهرا كان الاحمرار خفيف جدا مائل للبني في ظهر اليد اليمنى - في النهار وضعت ماء وملح مرة واحدة على ظهر اليد اليمنى
مناطق اسفل الظهر لم ادهن شيء - خفت من تعميم الماء والملح واليوم ساضع فقط على الحبوب والالتهاب ليس كل المنطقة
الوجه جيد - لم ادهن

2. في الليل عاد الاحمرار لظهر اليد اليمنى وضعت عليه ماء وملح وبعد ساعتين غسلته ووضعت عسل وزيت زيتون
بعد التغسيل لمنطقة اسفل الظهر وضعت المرطب على كل منطقة اسفل الظهر مع التركيز على الاماكن الخشنة - ملاحظة اكتشفت انه لا داعي للتغسيل من عازمة كون المنطقة اصلا تغسل قليلا بعد كل ذهاب الى الحمام (نونو) - عازمة يرجى التصحيح
الوجه لا داعي لشيء

3. وفي الصباح وضعت مرطب على ظهر اليد اليمنى مرتين خلال ساعة وعلى منطقة اسفل الظهر
تقييم الوضع : الوجه ممتاز - ظهر اليد تحسن - اسفل الظهر مستقر الى تحسن

4. الاستمرار في حبة البركة+ الفيتامين+الرقيا وايات الشفاء+قائمة الممنوعات ما عدا البندورة

* اكلنا فاصوليا بالبندورة والوضع تحت المراقبة
ارجو منكم الافادة والدعاء وانا لكم من الشاكرين

يا رب تشفي بنتي وترحمها برحمتك الواسعة يا رب العالمين


حبيبتي امل
والله انك انسانة عظيمة وانا اتمنى ان تشاركي في موضوعي دائما فانا استفيد منك واتعلم منك روائع وانا ان شاء الله بانتظار اخبار تحسن ابنك الحبيب في اقرب وقت ضرووووووووري تطمنيني عليه وان شاء الله بيجيب علامات حلوة وبينبسط ويطيب بالعطلة يااا رب ترحمه وتشفيه يا رب
وانا يوم عن يوم بيزيد اعجابي فيك ما شاء الله على قوتك وايمانك - الله يوفقك لما تحبين وترضين عاجلا غير اجل يا رب العالمين

حبيبتي عازمة
شكرا للنصائح الدسمة والسلامات بالجمله - افادة رائعة يا توام روحي - موعد مراجعتنا الاربعاء بعد الظهر - وانا الحمد لله كتير متطمنة سلفا ومهما كانت النتيجة ما راح اضعف ان شاء الله (كتير حاسة اني كذابة )
بس ان شاء الله بيكتبلنا الشفاااااااااء التام قريبا يااااااااااا رب.

الغالية انوار - ريحانه - حيرانة انا بتابع اخبارك في موضوع اطيب قلب حبيبة الشعب ام ناصر وكتير فرحانة مشانك ويا رب منها للي احسن منها وحاسة اني راح اسمع عن شفائك التام قريب

والله يا حبيباتي انا عندي مشكلة كبيرة بالنظام الغذائي وعازمة اكتر واحدة بتعرف
ما عندي تشكيلة نهائيا وبنتي بتمووووووووووووووت عالشيبس والشوكولاته وكل شي صناعي وملون حتى لو شي ما بتعرفه مستعده تفترسه افتراس - اما اي شي طبيعي او طبخي (يعني انا للاسف طبخي بصراحة مش كتير زاكي ) ما بتحبه يمكن هادي اكبر مشكلة - بس طبعا انا شغالة لحل هادي المشكلة جذريا و من شروشها وراح اركز كتير على الخل وزيت بذرة الكتان وان شاء الله خير

يا رب تشفينا وتشفي اولادنا وبناتنا وترحمنا برحمتك الواسعة امين يا رب العالمين

[عازمة على شفائه]

عزيزتي نسرين:
كيفك وكيف الصغار؟ ان شالله يكون الكل بخير يا رب
نسرين بالنسبة لتغسيل منطقة الخلف ما تغسليها دايما بس لما تعمل نونو...يعني هيك منيح...الوجه هو الي لازم تغسيل بالصابون كل ما تحسي بدو تنضيف..
شوفي بالنسبة للاكل يا ستي ما الك حجة....هاي الطرق معبية النت بس اختاري...بتعرفي اليوم عمبعمل فطير زعتر..يمي يميييييييي...طلت الطريقة من النت...بسال ماما احيانا وحماتي احيانا يعني لازم الواحد يطعمي ولادو شي طيب يا نسرين عشان يحبوا اكل البيت...اكتر من اكل برة...ويا ستي طريقة اي شيء بدك ياه علي .....بس انتي اؤمري...
بالنسبة لخرابيط الشيبس وهالشلة برضو ما الك حجة...لا تجيبوا هالاشياء بالكميات الكبيرة...وازا صار( بعرف زوجك بجيب بالكميات هاي) خبيها يا نسرين عن العين.....الشيبس لازم مرة واحدة في الاسبوع فقط....لازم يكون في قوانين يعني غرض واحد باليوم بكفي وهاي لازم تكون قاعدة ممنوع تجاوزها الا في حالات الضعف الشديد اما الاطفال(مهمي عليهم اساليب بتقطع القلب بعرف)...
بالنسبة لبذرة الكتان تاكدي من امانها بالنسبة للصغار احسن...يمكن قصدك حبة البركة...
اخيرا اتمنى من الله ان يشفيلك بنتك يا نسرين يا رب العالمين....وبكرة ان شاء الله ببين معها كل شيء يا رب خير...بس نسرين حتى ان شاء الله لو ما كان معها شيء وان شاء اللله ما بكون معها شيء لازم تضلي ملتزمة بالامور الصحية الخاصة باكل الصغار ...
اللهم اشف جميع مرضى المسلمين اللهم ااامين...

[nisreen1811]

السلام عليكم ورحمة الله وبركاته

اليوم موعد المراجعة عند الطبيبة - ساطلب فحص الحساسية وعينة للميكروسكوب - اللهم اني لا اسالك رد القضاء ولكني اسالك اللطف فيه يا ارحم الراحمين

وضع بنتي
1. امس ظهرا
ظهر اليد اليمنى - احمرار خفيف - وضعت ماء وملح
مناطق اسفل الظهر ماء وملح على الحبوب الصغيرة

2. في الليل
ظهر اليد اليمنى - احمرار خفيف - وضعت ماء وملح
منطقة اسفل الظهر - وضعت المرطب على كل منطقة اسفل الظهر مع التركيز على الاماكن الخشنة وماء وملح على الحبوب الصغيرة

3. وفي الصباح
ظهر اليد اليمنى - احمرا خفيف - وضعت مرطب
منطقة اسفل الظهر - مرطب على كل المنطقة كاملة مع الحبوب الصغيرة
تقييم الوضع : ظهر اليد تحسن - اسفل الظهر مستقر الى تحسن

4. الاستمرار في حبة البركة+ الفيتامين مع اوميغا 3+الرقيا وايات الشفاء+قائمة الممنوعات ما عدا البندورة

* احمرار بسيط للالتهاب بسبب البندورة والوضع تحت المراقبة
ارجو منكم الافادة والدعاء وانا لكم من الشاكرين

يا رب تشفي بنتي وترحمها برحمتك الواسعة يا رب العالمين

يا رب تشفينا وتشفي بناتنا واولادنا وترحمنا برحمتك الواسعة امين يا رب العالمين

[امل الربيع]

السلام عليكم ورحمة الله

عزيزتي نسرين أنت نعم الأم بارك الله فيك وشفى ابنتك

أرى نفسي فيك وفي عازمة على شفائه وباذن الله سيشفي ابناءنا شفاءا تاما

أنا كذلك في أول الأمر لم أكن أعرف ماهو هذا المرض لكن مع مرور الوقت تعلمت الكثير من هذا المنتدى المبارك ولم أيأس ولم أستسلم


وكما تعلمين قد شفي ابني لكن فرحة الشفاء لم تدم طويلا وعاوده المرض وفي كامل جسده والحمدلله

أنا الآن أدهن له صباحا ومساءا لكن أركز أكثر على الجانب النفسي فكما ظهرت فجأة ستختفي باذن الله

وهو يعش حياته عادي رغم أنها زحفت على وجهه لكنه لا يخجل منها ويقول لزملائه في المدرسة \سأشفى مثل المرة السابقة\

أما الأكل فأحاول قدر المستطاع ابعاده عن المعلبات والمنكهات خاصة\شيبس\وتقليل كمية الحليب

والابتعاد عن البيض والدجاج

المهم سأضع جديد تجربتي في القضاء على الصدفية في موضوع منفصل تقبلي مروري