سعادتي لاتوصف بشفاء احد ابناء الصدفيه

[reem50]

اليوم انا سعيده جدا واكيد راح تفرحون معاي
راح ابدا واقص عليكم حكايةالعضو عازف الليل وقصته على هذا الرابط
http://forum.ashefaa.com/showthread.php?t=74194
بدات الحكايه بهذه الرساله مع ردي عليها باللون الازرق
السلام عليكم . اسمحيلي امي ان اتكلم بلهجتنا العراقيه الحنينه . امي عندي كم سؤال لو سمحتي العفو ممكن ادليني وين العطارين المظبوطين الي ميغشون .
الف هله بعازف الليل واتكلم بالعراقيه هو اكو احلى منها واعذرني لتاخري لان النت بيه مشكله
العطارين اني اشتريت من الشورجه واكو واثق بالكاظميه مقابيل الامام همين زين
بس انته شوف الزيت مايكون زنخ
وبالنسبه لخلطة الدهيميه هي من زيت بذر الكتان + زيت زهرة البابونج + فازلين . صحيح
نعم مثل ماكتبت
هذوله المواد نخلطهم بالتساوي .
اي صحيح بنفس الاحجام مو الاوزان
وبالنسبه للفازلين هم بي انواع وهذا اشتري من العطارين لو من الصيدليه
نشتريه من الصيدليه اكثر شي باكستاني ومكتوب اصلي ونقي وسعره خمسة الالاف دينار
وهل الخلطه تصلح لصدفية فروة الراس ولجميع الجسم بلا استثناء صحيح
بدون فازلين للراس
وسعد استخدم قبلها مرهم الديبروساليك كلش ممتاز بيه كرتزون قليل ومايضر اذا استخدمته فوق الصدفيات فقط ابد بالدهان اسبوع يوميا بعدين الاسبوع الثاني يوم ديبروسالك ويوم فازلين الى ان تخلي يومين بالاسبوع او يوم واحد لان هذا العلاج سريع حتى تتحسن النفسيه وموجود بالعراق بالصيدليات
اعذريني على الاطاله بس شسوي مضطر المن اشكي حالي والمن اكول انتي بمثابة امي وصاحبة خبره في هذا المجال لان ايكلك اسال امجرب ولا تسال حكيم
ولايهمك والله كتبتلك جريده لكن النت مسحها وراحت وكاعد اعيد هسه
واكو عراقيين بعدين اعرفك عليهم حتى تتصل وياهم من تحتاج شي او اذا المنتدى راح او اي شي
وتدرين يا امي لمن قريت القصه مال اخويه سعد فاظت عيني بالدمع
الحمد لله سعد متفاءل وسبع وهوايه ساعدني بنفسية الحلوه على الشفاء لانه دائم الضحك وعنده ثقه بالشفاء لذلك نجحت وياه الخلطه
بس رجعتي لهواي مرضى رجعتيلهم التفائل والطمأنينه
ان شاء الله التفاول يرجع للكل يعني الامراض الاخرى همين مزمنه يعني ابو الضغط والسكر موعايشين مثل باقي الناس ويتعالجون انتو اهل الصدفيه نفس الشي لاتأزموها وبسطوها وان شاء الله تسيطرون على الصدفيه وماتخافون منها
عموماً اعذريني اخذت من وقتج بس اتحمليني وعتبريني اخو السعد ولظوجين مني لان راح اظوجج بالاسئله يمكن .
بس سؤال اخير هذي الخلطه من استعمله رح اتوقف نزوح الصدفيه الى اماكن اخرى علماً هي دتطلع في اماكن عشوائيه يعني غير متصله ببعظه
ياريت تكتب قصتك حتى نعرف نوع الصدفيه ومدة الاصابه حتى يكون العلاج اسهل
اكيد توقفها وتشفيها اذا اتقبل جسمك هذا النوع من العلاج
لاتنسى اكو انواع من العلاجات ونجرب غيرها الى ان تشفى باذن الله
بس الصبر ياابني الصبر
يله امي مع السلامه وسلميلي على اخي سَعودي
الله يسلمك يمه بس احب اوصيك على امور اتفيدك من خلال تجربتي ويه ابني
لاتغسل ابدا بالصابون العادي والليفه الخشنه دائما شامبو وصابون خاص بالصدفيه واكو غسول مرتين بالاسبوع اسمه سلصن كلش مفيد للراس بخمسة تالاف دينار اهم شي اغسل بالماء الحار او الدافي ابتعد عن البارد
اكل صدر الدجاج والسمك مفيد
رش على الزلاطه بذر الكتان يشبه السمسم طيب ومفيد من العطار
اخذ يوميا حبه اوميغا3 من الصيدليه ويه الاكل كلش مفيد
اكل بربين يفيدك هوايه
هاي الامور اللي تقدر اتسويه سويه لانها تقضي على الصدفيه من غير ماتحس
ومن الداخل
واني بالخدمه واتدلل باي سوال
بس لاتنسى احجيلنا عن تاريخ المرض والادويه وغيرها لانها اتفيدك باختيار العلاج المناسب
والله وياك

ثم كتب بعد ايام رسالته الثانيه وقد رديت عليها ايضا
السلام عليكم امي . امي عندي سؤال لو سمحتي السؤال ايكول الحبه السوده مفيده للصدفيه علماً اني دااخذ عريك مقدار خاشوكه مال استكان الجاي يومياً ما ادري هذا الي داسوي صحيح لو لا على فكره اني بديت بخلطة الدهيميه من يوم السبت تقريباً دااخلي منه باليوم مرتين الصبح قبل لا اطلع للشغل وبعد ما ارجع اغسل بصابونة الكبريت وبدون ليفه مثل ما علمتيني يمه وبعده ادهن بالخلطه من جديد ها صدك ودااخذ كل يوم اخلط خاشوكه مال اكل ويه كاسه صغيره مال لبن اخلط بذر الكتان هذا منهاجي اليومي ما اعرف شنو رايج بي . تقبلي تحياتي وحترامي
كلش ممتاز اللي دتسوي ماعدا الحبه السوده افضل تتركها لانها تزيد المناعه واحنا اهل الصدفيه كلما قلت عدنا المناعه قلت الصدفيه
واريد اعتذر لاني وعدتك اجيبلك اسم الدكتور لكن ماحصلت عليه لانه عند صديقتي وهي مسافره كم يوم
وماخبرتني اشلون النتائج يعني اكو تحسن ومن تكمل اسبوعين خبرني وطمني عليك
وبذر الكتان كلش زين وايضا نقدر انسوي من البربين انيبسه مثل الحنه ونطحنه ونحطه على الراس هاي بس فكره خليها يمك لان البربين متوفر هسه
طبعا خلي لراسك من الخلطه الدهيميه وبدون فازلين احسن
لاتنسى طمني عليك
والليله فتحت النت ووجدت هذه الرساله
السلام عليكم خالتي شلونك ان شاء الله مرتاحه يارب مااعرف احتمال تذكريني او ناسيتني اني اشكرك كلش هواي على مساعتك الي في محنتي السابقه اي نعم اقول السابقه اني ويمكن حظرتك تذكرين استعملت خلطة الدهيميه ونجحت عندي وكذلك استخدمت بذر الكتان ومشيت على خطواتك وحده وحده مثل ماعلمتيني بالظبط والحمد لله انا اليوم مرتاح والصدفيه توقفت من الانتشار والي موجوده اصلا زالت ولله الحمد ولاكن بقت اثار جوزية اللون فقط وبالنسبه لفروة راسي فان الاحمرار زال ولاكن القشره موجوده وقليل من الحكه ولاكن بدون اي احمرار علما اني استخدمت العلاج مدة مايقارب ثلاث اشهر وانا اليوم تقريبا صارلي تارك العلاج مايقارب الشهرين والنص الى ثلاث اشهر ولله الحمد . انا اتشكر منك ياامي الغاليه كثيرا كثيرا وكذلك امي هم تشكر منك وتحياته الى حظرتك . وانا اسف للانقطاع بسبب المشاغل وانا كلش خجلان منك لان انقطعت عنك انا اعتذر مره اخرى واريد اسمع راي حظرتك
بالموضوع وشكرا الى حظرتك شكرا . مع السلامه
ورديت الليله
يايمه ياعازف الليل شلون ماذكرك والله واقسم باني تذكرت قبل يومين وقلت في نفسي ياريت اعرف اخبار عازف الليل وخفت هوايه من الشتاء لكن الحمد لله والله رسالتك اسعدتني واني هذه الايام سعيده الف حمد وشكر لله بزواج سعد وان شاء الله يوم زواجك وكل اللي بالمنتدى اللي الله يعلم احبهم مثل اولادي
اما عن الاثار الجوزيه لاتخاف هي تروح مع مرور الوقت لاتهتم بيها لان سعد هسه تقريبا انتهت الاثار ماعدا شي باهت وقليل جدا يروح من كيفه ومانريد نلعب بالجلد لان اكو دوه بس مانريد نستعمله لان عصاره من الصيدليه هي بالاصل تستعمل بعد العمليات الجراحيه للتجميل بس خلينا بلاها احسن
اما لفروة الراس اذا ضهرت خلي شويه من الديبروساليك مرتين وهي تختفي
لكن كلش مهم ان تستمر بالشتاء على ملعقه كبيره من بذر الكتان ويه الماء كل يوم
واكو شامبو اسمه دوكراي للقشره اني وصيت لسعد من السعوديه سعره حوالي 17 الف دينار لو توصي فد علبتين او ثلاثه كلش رائع وتغسل بيها مرتين بالاسبوع
واذا ماحصلت على هذا الشامبو اغتسل بشامبو جيد للقشره لكن ضروري الدوكراي لانه كلش ممتاز
واني بالخدمه واي شي اقدر عليه ووصل تحياتي وسلامي للوالده الله يحفظها ويخليها الك
واتاكد اني فرحتي مثل فرحتها بشفاءك وهذا اللي وصلت اله دير بالك عليه ولاتخلي الصدفيه تطلع وتسيطر واذا ضهرت راسا ادهن بالديبروساليك
ولاتنسى الوقايه اللي وصيتك عليها
وربي يديم عليك الشفاء يايمه
والان
عازف الليل كما وصف لنا حالته شفى والحمد لله وله حوالي ثلاثة اشهر بدون علاج وبدون صدفيه
اعزائي لاتياسوا ابدا وكل يوم نرى احد المصابين بالصدفيه يشفى بالصبر والمثابره على العلاج
صدقوني الصدفيه تشفى فقط الصبر والبحث عن العلاج المناسب
وربي يشفيكم جميعا كما شفى ولدي عازف الليل

[رقـيـق المـشـاعـر]

الف الف مبروك على شفائك

عازف الليل

وادعوا الله ان يجعله شفاء تام ونهائي

ومن غير رجعه لها بحول الله وقدرته

وادعوا الله ان يشفينا جميعا شفاء تام شفاء لا يغادر سقما

ومشكورهـ ياخالتي أم سعد

على نصائحك لاخونا عازف

وعلى مساعدته للشفاء

وتحيتي لكـ

[reem50]

شكرا لك اخي رقيق المشاعر
ويعلم الله كل هدفي ان اعطي الامل والقوه لابنائي وبناتي في المنتدى كي يواصلوا البحث عن العلاج المناسب
وربي يشفي الجميع

[architecture]

الف الف الف مبروووووك اخي عازف الليل...والله يتمم عليك الشفاء الكامل باذن الله وما ترجع تشوف الصدفية ابدا
وبارك الله فيكي خالة ام سعد على سعة صدرك .

[قطرةندى]

ما شاء الله ,,,
مبارك شفاء أخونا عازف الليل خالة ام سعد,,,
وبارك الله فيك على مساعدة الجميع
والله نفرح لمى يشفى أحد ويعطينا أمل ,والأمـــــــــل بالله ما ينقطع ,,,
بارك الله بالجميع وعقبال الشفاء لجميع المصابين ,,,,

[جودينا]

الف مبروك شفاء اخونا عازف
والله يعطيك العافيه خالتي ام سعد على الخبر اللي فرحنا كلنا ومشكوره لمساعدتك للجميع مو مقصره والله

ثقيله بميزان حسناتك ان شالله

[بوسطن]

حوار ممتاز مع خالتى ام سعد
ونهنئ اخونا عازف الليل بالشفاء
ونسئل الله ان يتمم عليه بالصحه والعافيه
ونشكر خالتنا العزيزه ام سعد لجهودها المميزه

[خويلد الجزائري]

دون مجاملة اقولها ان الجميل لاينشـــر الا الجميل وها انتي الاخت الفاضلة ريم 50 تفعليها وتزفينا لنا هذا الخبر المفرح حقيقة والذي يعطي املا كبيرا لنا في الشفاء باذنه تعالى من هذا الصديق الغير مرغوب به .
الف الف الف مبروك للاخ عازف الليل بالشفاء وعقبـــــــال شفاء جميع مرضى الصدفية من المحيط الى الخليج .
اللهم نسالك العفو والعافية في الدنيا والاخرة والشفاء من كل سقم

[reem50]

المعماري
والله انت من الناس اللي اتمنى شفائهم بشكل خاص مع مجموعه من الشباب اللي في الجامعه وانا جربت كيف يكون الطالب الجامعي مع الصدفيه بس لو اتركز على علاج معين وتثق به وتصبر عليه اكيد راح توصل للشفاء وشكرا على كل ماكتبت

شكرا قطرة الندى حبيبتي ويارب اسمع اخبارج الحلوه قريبا

جودينا كلماتك صحيح تسعدني ويارب اكون عند حسن ظنكم بي

بوسطن الغالي مشرفنا الطيب شكرا لك
لكن خلي بالك لاتشجع على الزواج الثاني كاعد اقراء مشاركاتك وحملتك في هذا المجال

اخوي الغالي خويلد الجزائري والله عندما اقراء اسمك افرح بوجودك بيننا لان الغيبه كانت صعبه ويارب يوم نشوف اخونا فكري راجع ويشارك مثل حضرتك
والف شكر لكلماتك الحلوه

واحب ابشر الكل بان هناك خبر شفاء احدى العضوات باذن الله سوف تبشركم به قريبا .... وبصراحه كان خبر تحسنها فرحه اخرى ويارب للجميع
شي لايصدق ماشاء الله واللهم صلي على محمد وال محمد لانه في الشتاء ونسمع اخبار اعضاء تشافوا شي رائع
اي ندحر الصدفيه وهي في اوج قوتها وتهيجها في فصل الشتاء
انتم ابطال وربي يزيدكم قوه وصبر

[المتفائله بالشفاء]

الف مبروك شفاء عازف الليل..اسال الله ان يكون شفاء تام يارب من دون رجعه للمرض..
والله يعطيك العافيه خالتي ام سعد على وقفتك معاه..
جزيتي كل خير يارب
بالفعل انتِ ام للجميع..
الله يوفقك ويبارك فيك..